VUN'WE NA XIKWEMBU

0091 - Tsonga

Author Unknown

Eka Malembe yo hlaya lama nga hundza, Ndzi yingisile hungu leri ari vulavula hi Muprista emahlweni ka ntshungu leri nhloko mhaka yarona a yiri "Xidyoho lexi kulu lexi nga exikarhi ka vaKriste." Ndzi hlamarile loko Mufundhisi loyi kumbe muprista loyi loko a boxe xidyoho lexi vaKriste va xidyohaka ndzi tlhela ndzi ehleketa leswaku loko a a hetelela hungu leri i vulavula ntiyiso leswaku xidyoho lexi xi tshikiwa hi Swintsanani-ntsanani - kuva hinga lavi nchumu leswi Xikwembu xi hi fambisaka hi ndlela ya ntiyiso - ku va Masungulo ya ku hanya ka hina.

Ndzi tshemba hi mbilu ya mina hinkwayo leswaku dyondzo leyi vaKriste va yi lavaka ku yi dyondza iku veka swilo emahlweni ka swilo swin'wana. Rito ra Xikwembu ri swi veka erivaleni leswaku swilo swo sungula hi swihi.

Endzhaku ka loko a dyondzisile va landzeri va yena, a va nga ha faneli ku vilela hi swakudya, swa kunwa na swa ku ambala (Mateo 6:25-32) "Kambe rhangani mi tilavela ku fuma ka Xikwembu ni ku lulama ka Xona" u hi tshembisa leswaku swilo leswin'wana u ta hi engetelelela swona hi laha hi swi lavaka ha kona.

Hungu leri ro koma leri humaka enon'wini wa n'wini wa hinkwaswo ri nga ha vula xilo xin'we: Swilo swa Xikwembu swi fanele ku rhangisiwa emahlweni ka swilo hinkwaswo - hi fanele hi tinyiketa hi ku hetiseka eka Xikwembu - ku kota ku veka masungulo yako hanya ka hina eka xona.

Xikwembu xi vilela hi nkarhi wa hina hikuva hixona xi wu lawulaka, vutomi lebyi hi faneleke ku hanya laha Misaveni byi le mavokweni ya Xikwembu. Xikwembu xi fanele ku vilela hi matimba ya hina na vutomi bya hina, laha hi faneleke ku tirhisa matimba, hinkwaswo swi le Mavokweni ya xikwembu xi ni ntiyiso wa leawaku Xi fanele ku vilela hi ku gingirika hikuva hi xona ntsela xi hi nyikaku tinyiko leti hi kotaka ku gingirika hi tona.

Nakambe swi tlhela swi landzela hi ntumbuluko leswaku Xikwembu xi fanele xi vilela hi mali ya hina hikuva mali leyi hi yi kumaka yi huma eka nkarhi lowu hi wu tirhisaka, matimba na migingiriko leyi xi hi nyikeke yona.

Swiphiqo swa hina kutani - swa mina na wena - swi fanele ku tsundzuka hi Xikwembu kutani Xikwembu xi lulamisa ku vilela eka ndlela leyi hi fanelele ku tirhisa xiswona leswi hi swi kumaka.

Loko hi fanele ku veka Xikwembu emahlweni hi fanele ku tirhisa nkarhi wun'wana esikwini rin'wani na rin'wani ku dyondza rito ra Xikwembu, na ku khongela hi ku hiteka, matimba ya hina na Migingriko ya hina swi fanele ku tirhiseri wa ku va vumbhoni bya Xikwembu eka ku hanya ka hina hinkwako evuton'wini bya hina hinkwabyo.

Kambe loko hi katekisa swilo hi tlhela hi vuyela kambe eka mali, hi lahlekeriwa hi ku dyondza loku kulu. Xikwembu xi nga ka xi nga tshami endhawini ya ku hanya ka hina handle ka loko ku sungula xi nga tangi. Yesu U yimela ntiyiso lowu hi ku vulavula leswi "laha mali (rifuwol ra wena ri nga kona hi laha mbilu ya wena yi nga kona".

MAHANYELO YA HINA LOKO SWI TA EKA MALI

Vunyingi bya hina, Xilo lexi kulu hi fanele ku xi kambisisa kahle i maii ya hina. Leswi swi olova ngopfu ku swi twisisa, hikuva hi ntiyiso lowu heleleke mali leyi leyi hi yi kumaka hi leyi hi faneleke ku hanya hi yona - nakarhi wa hina matimba ya hina, na migingiriko ya hina.

Xikwembu xi rhandza leswaku hi xi tsundzuka nkarhi hinkwawo hikuva hinkwaswo leswi hi nga na swona swi huma eka xona, na swona hi xona xi hi nyikaka nkarhi, matimba na migingiriko leyi hi kotaku ku kuma mali hi yona. ~ka vonelo ro hetelela hinkwaswo leswi hi nga na swona swi huma eka Xikwembu na swona i swa Xikwembu. Eka ku tsundzuka vun'wini bya Xikwembu na vuphameri bya hina eka Xikwembu xi hi dyondzisa leswaku hi fanele ku humesa vukhume, hi leswaku xin'we - eka swa khume xa leswi hi swi kumaka kumbe eka vuyelo - hi fanele ku katekisa ku avelana na xona hi tlhela hi tirhisa mali ya hina ku xi fundzha na ku xi dzunisa leswaku ntirho wa xona wu ya emahlweni na ku pfuna vanghana va hina.

KU PFUNA KA HINA

Loko Xikwembu xi sungurile ku hlengeleta va-Yuda ku va rixaka, xi va nyike nawu lowu nge, (Levitika 27:30) "Ku avanyisa ka vukhume, hinkwabyo bya leswi tshoveriwaka lebyi pamburiweke etimbewini, nile mihandzwini ya mirhi i swa Yehova, swi hlawuleriwe Yehova". Ku vula leswaka i "swa" Hosi.

Eka malembe lama hundzeke Muprofeta Malakiya U tsundzuxile va-Yuda hi mhaka ya ku ka va nga landzeleri milawu ya Xikwembu eka Malakiya 3:7-9 Xikwembu xi vulavula hi nawu wa vukhume, a xi lavi leswaku vanhu va rivala mfanelo ya vona, Xikwembu axi kombangi leswakk j va nga humesangi ku ringana. Xikwembu xi vule xi ku "A mi humesangi hi ku tshembheka eka swa vukhume na minyikelo".

Hungu leri ri le rivaleni swinene leswaku loko va nga humesangi vukhume va tekile xa wa nchumu lexi xi nga xa Xikwembu.

Xivutiso xi pfa xi ri kona xa leswaku xana na wu lowu wa ku humesa Vukhume wa ku humesa Vukhume wa ha ri kona eka Vapfumeri va namuntlha, hi ntiyiso rirhandzu ra hina eka Xikwembu ra ku khensa ku Ponisiwa hi xona hikwalaho ka ntwanano wa hina hinkwawo eka ka ku katekisa leswaku hi kuma matimba yo ponisiwa siku rin'wana na rin'wana hi voko ra xona swi fanele swi hi endla leswaku hi titwela ku humesa vukhume eka sweswi swintsanani hi swi kumaka - xi ta va xikombiso xu leswaku Xikwembu xi na matimba hinkwawo eka hinkwaswo leswi xi hi endleleke.

SWI TISA MIKATEKO

Xikwembu xi tshembisisa leswaku xita katekisa lava tshembhekeke eka ku fundzha eka ku humesa vukhume. Eka Malakiya 3:10 "Tisani endlwini ya vuhlayiselo eka ku avanyisa ka vukhume hinkwaswo leswi mi swi fuweke swa kudya swi va kona endlwini ya mina, mi ringa ha kona ... ndzi ngaka ndzi nga mi pfaleri mafasitere ya tilo, ndzi va ndzi mi chululela eku kateka hi mpimo lowo tlurisaka.

Eka ku hundza malembe ya 25 lama a ndzi vulavula na vaKriste hi mhaka ya ku humesa vukhume. Ndzi ve ndzi ve ndzi hlangana na lava ava humesa vukhume hi ku tshembeka kutani va kuma mikateko, ku ve ka Xikwembu emahlweni ka mali leyi hi yi kumaka yona swi tisa miehleketo yo hlamarisa ya leswaku hi vun'we na Xikwembu eka hinkwaswo leswi hi swi kumaka. Loko timbilu ta hina na swibukwana swa hina swi katekisiwa eka yena hi nga kuma vutlharhi lebyi nga heriki lebyi nga hi pfunaka eka swiphiqo leswi hi hlanganaka na swona siku na siku.

Ku katekisiwa hi mali tani hi moya lowo kwetsima. Munhu loyi a ehleletaka hi nkarhi wa yena na ntamu wa yena hi leswi swi faneleke, eka ku kuma ku tlakusiwa entirhweni na ku tlakusa leswi kotekaka ebindzwini, kambe munhu loyi a dyondzeleke loyi a tsundzukaka leswaku vuswikoti bya yena byi huma eka Xikwembu tani hi nyiko.

Kambe ku katekisa ka moya loku minkarhi hinkwayo ku ta ku ni loko munhu a humesa vukhume swi pfuna ngopfu, ku tlula ku katekisiwa hi nchumu wun'wana, Yesu u dyondzisile "Voko leri nyikaka ri kateka ku tlulaleri nyikiwaka". Swi tsakisa ngopfu loko u nyikela ku tlula loko u swi kuma. Mali leyi hi yi hlayisaka namuntlha eka ku hangalasa mahungu lamanene (Evangeli i ku kutsula, ka rirhandzu ra Xikwembu eka ku pfuna vanghana va hina ku ka va nga avanyiseli rifuwo ra vona eka ku tiphina na ku titsakisa loko ha ha ri laha misaveni hikuva ematilweni na swona swi avanyisiwa xisweswo.

VUMBHONI BYA VANHU LAVA HUMESAKA VUKHUME

Vunyingi bya va N'wa-mabindzu lava tivekaku na va rhangeri va timali a va ri va humesi va vukhume. John D. Rockfeller u sungurile ku humesa vukhume loko a ha ku kuma muholo wa yena wa vhiki. William Colgate un'wana un’wana wo tiveka ngopfu hi leswi swo hlantswa menona swo phyuphyisa swiyindlwana swo hambukela kona. Hershey wa "Hershey's Chokolate", Heinz wo "tiveka hi swilo swo hambana-hambana swa 57", Kraft wa "lavo endla chizi", Jarman, muendli wa tintangu "wo tirha na swilo swo fana na mavele", Kerr wa "mihandzu ya Kerr", John Wanamaker un'wana wo tiveka hi ta mabindzu - hinkwavo a va fundzha Xikwembu tani hi vahumesi vo tshembheka eka swa vuphameri bya vona.

Leswi va swikumaka swa nkaye eka swa khume leswi saleke endzhaku ka loko u humesile vukhume bya Xikwembu swi tlula leswi swi tlula leswi a va swi endla eka leswa khume - swa khume ku nga si sungunwa ku humesa vukhume byo fundzha Xikwembu na ku xi dzunisa hikuva hi twisisile leswi lava tivaka vukhume va vulaka swona.

"Hi nga vula ntiyiso lowu heleleke loko hi ku Xikwembu xa hlamarisa eka ku hi katekisela mali leyi salaka endzhaku ka loko hi humesile vukhume bya hina yi ti komba yi tlula leyi hi yi kumaka loko hi nga humesi vukhume".

"Andziri noni malembe yo ringana khume, swilo a swi nga ndzi oloveli kambe a swi hlamarisa loko Xikwembu xi pfula mafasitere ya tilo. Na hi ku pulana, evuvabyini na swin'wana na swin'wana. Nkaye eka khume a swi tshama swi ringane. Oho! i mikateko ya tani hi kwihi leyi muKriste a tsandzekaku ku yi kuma loko a nga humesi vukhume".

"Ha humesa vukhume na swona hi humesa ku ri ngana ha tikuma tipulani ta hi na ku tlula leswi muholo wa hina wu nga si engeteleriwa. Na kona ku tsaka na ku kula ka miehleke!o ya hina swi tisa ku tshembheke eka leswi Xikwembu xi hi tshembhiseke swona".

"Ku ri ngeta ku kumesa vukhume ro sungula, eka muholo wa mina tani hi ku kwetsima ka ku kumesa ka ku veka eka ntirho wa kereke swi ve swi tsakisa ngopfu eka mina hikuva a ndzi nga si tshama ndzi swi endla evuton'wini byamina hinkwabyo, hi ku vona ka mina un'wana na un'wana loyi a ringetaku ku humesa vukhume lembe ro sungula a nge lavi ku tshika".

KU HUNDZA VUKHUME

Loko vukhume byi ri bya Xikwembu kutani ku nyikela ka hina a ku sunguli ku kondza Xikwembu xi amukela vukhume bya hina ro sungula. Loko Xikwembu xikatekisa mali leyi hi humesaka, hi fanele hi twisisa na rirhandzu ra tinyiko na ku nyikela kun'wana ka ku humesa vukhume tani hi leswi vuriweke laha henhla.

Loko hi languta endzhaku kwale ka lembe ra 1935 un'wana wo tiveke loyi a vitani wa Coy Langford ari na $500 wa mali leyi a yi kolota. U sungurile ku humesa vukhume kutani u hakarile xikweleti ku nga si hela nkarhi lowu a vekeriwe wona, kambe hi mali yo ringana $1,200 u sungurile ku fambisa ntirho wa yena wo xavisa ekaya ka yena. U sungurile ku veka mali ebangi ya vukhume na ya minyikelo hi vito ra "Hosi na Langford". Xikwembu xi katekise ku tshembheka ka yena, kutani Xikwembu xi n'wi katekisa, u engetele ku nyikela ka yena ku kondza loko ku fika eka 25c ehenhla ka dolara yin'wana na yin'wana ku nyikela ka yena a ku ya ekerekeni ku tlhela ku endla leswaku ntirho wa Xikwembu wu ya emahlweni.

Edzongeni ka tiko ra Carolina wanuna un'wana u humese vukhume malembe yo tala tani hi leswi Xikwembu Xikwembu axi engetela muholo wa yena, kutani u engetele eka leswi a nyika Xikwembu ku suka eka 15%, ku fika 20%. Xikwembu xi ye emahlweni xi n'wi katekisa. Eku heteleleni u xavile xigayo lex kulukumba kutani a engetela ku fika eka 50% ku nyika Xikwembu. Ku nga si hela 7 wa malembe ku hundza $100,000 wa ntswalo wo huma eka xigayo a wu tirhisa ku pfuna Xikwembu kutani Fred Long u kumile ku tsaka eka leswi a pambulelana na Xikwembu eka tindlela leti a fundzha Xikwembu.

Muxavisi wa mimovha wa Tennessee loko a twa mahungu lawa u sungurile ku humesa vukhume, endzhaku u tsale marito lawa "Ndzi dyondzile ku vumba vun'we na Kriste na ku hakelela ehenhla eka swilo swa moya, na ku hakelela ka tsongo swilo ntsena. Mintirho hinkwayo hi famba ku antswa. Sweswi ndza antswa eka ku ti va swa timali ku tlula leswi a ndzi nga si kuma mahungu lawa, ndzi sungule ku humesa vukhume, kambi loko ndzi ri na mali yi tsongo ndzi ta ya emahlweni ndzi humesa vukhume leswi swi vile xihlovo xa ntsako eka mina tani hi muKriste ku dyondza mhaka leyi ndzi yi twisisa. Ndzi dyondzile leswaku loko ndzi ri un'we na Kriste ndzi tlhela ndzi ri na matimba yo tirhisa eka xiphemu, ntirhisano wa yena wu ni nkoka ku tlula nyiko yihi na yihi laha misaveni.

U NGA HUMESA NJHANI VUKHUME

Loko u amukerile Yesu Kriste tani hi muponisi wa wena u tlhela u nyika Xikwembu switsongo swa muholo wa wena ehandle ka ku humesa vukhume, kutani u lovile mikateko leyi kulu leyi Xikwembu xi hlayseleke vana va Xona.

Hleketa kahle loko u surigula ku humesa vukhume namuntlha - ku amukela ka ku vitana ka Xikwembu eka Malakiya 3:10, yi nga ku tisela ku tsaka ku tlula leswi a wu nga si dyondza eka ripfumelo ra wena ra vuKriste - ku tsaka kaku pfuna swa antswa eka Xikwembu eka misava leyi pfumalaka - ku rhula loku taka ntsena loko hi veke Kriste masungulo ya vutomi bya hina.

Eka lava va kumaka muholo wa le henhla, ku ndlandlamurisa vukhume swi nga va olovela ku veka ntsena vukhume eka mali leyi va yi holaka - va fanele va yi hambanyisa na mali leyi va yi tirhisaka. "Hi siku ro sungula ra vhiki, un'wana na un'wana wa n'wina a tivekele hi tlhelo leswi a swi hlengeleteke, hi laha a swi nyikiweke ha kona" (1 Va-Korinto 16:2).

Swivutiso swo tala swi nga vutisiwa leswaku u nga humeleriwa hi yini hi ku hunguteriwa ka muholo. Nhlamulo ya ntiyiso ya swivutiso hinkwaswo ku nga va leyi - "Tshembheka na Xikwembu tani hi leswi u ehleketaka leswaku munhu loyi a nga na mabindzu a nga tshembhisa ka xi swona eka wena" loko u nga xi landzi xinawana lexi ku na xitsongo lexi lavaka ku ku tsundzuxa eka goza leri u ri lulamiseke.

Loko u nga amukelangi Yesu Kriste tani hi muponisi wa wena, a ndzi tshembhi leswaku u nga amukela mikateko hi ku humesa ka wena ka vukhume. Xikwembu xi tshembisa vana va xona, kungari lava tsan'waka n'wana wa xona. Hlaya eka Yohane 3:16 na 36 na le ka va-Roma 10:9,10 veka ku tshemba ka wena eka yena.

NKOMISO

Eka ku hetelela a hi pfuxeteni switsongo hi mhaka ya leswaku mina na wena tani hi vapfumeri hi fanele ku humesa vukhume eka muholo wa hina kumbe eka leswi hi swi kumaka.

1. Ku humesa vukhume i makungu ya Xikwembu laha vapfumeri tsundzukaka ku sungula ku lava nkarhi wa vona lowu va wu tirhisaka matimba, migingiriko na mali.

2. Ku humesa vukhume swi toloVelekile hi leswi kombaka rirhandzu na ku khensa eka Xikwembu eka hinkwaswo leswi xi hi endlelaka.

3. Ku humesa vukhume swi kombisile hi Hosi na muponisi wa hina, a nga Yesu Kriste.

4. Ku humesa vukhume swi ta kurisa ku hanya ka hina, swita endla leswaku hi tshama hi tsakile, na mihandzu ya vuKriste.

5. Ku humesa vukhume swi katekisa mali.

6. Ku humesa vukhume swi na nkoko na kona i goza ro landzelela milawu "Ntsena loko ndzi rhandza hosi Xikwembu hi mbilu ya mina hinkwayo, na hi moya wa rnina hinkwawo, na hi mianakanyo ya mina hinkwayo".

Amukela ku rhamba ka Xikwembu eka Malakiya 3:10. Nyika ku lerisa loku ku tani u ringeta lembe leri taku.

Ndzi tshembha leswaku ku ta va lembe ra ntsako eka vuKriste bya wena tani hi leswi u dyondzeke dyondzo leyi u tlhela u yi xiya-xiyisisa, na kona u ta ya emahlweni u endla tona ntsena loko uri karhi wa ha hanya.

Ndzi khensa Xikwembu loko xi swi kotile ku ndzi dyondzisa leswaku mina ndzi wa xona na hinkwaswo leswi ndzi nga na swona i swa Xikwembu na ku va ndzi vonile ntsako lowu wu ta ka ka loko munhu a va un'we na yena. Ndzi ringetile ku landzelela leswi Xikwembu xilavaka leswaku ndzi swi endla. Swa tirha. Na wena ndzi pfumelelana na wena leswaku u ringeta, swi ta pfumela.