INCWAJANA YEMKRESTU LONGUMHOLI

0539 - Siswati

SISHAYELELO

Akusiyo injongo yalencwadzi kubonisa kungapheleli kwesisekelo salesisishayelelo, kepha kutama, kubonisa licebo leNkhosi lelembuliwe kuTestamente lelisha lelibandla. Likamuva lelokhulu lemsebenti laniketwa kubahleli balencwadzi etincwadzini letikhishiwe, "A Functioning Eldership", W.R. Walker, "Church Officer's Guide", Edwin V. Hayden, "Handbook for Elders and Deacons", ngu R.C. Harding. Nabo ngulabanye labanganako kungabata batfola kuletinye tincwadzi tabo tekucala lombhalo. Wafundvwa ngengcondvo leyalungiselwa inhlalo leyetayelekile e-Afrika. Kulamalanga ibhalwe ngemkhuleko wekusita nekubonisa. Kubaholi bemabandla aKrestu kulolonkhe lase-Afrika.


Umbhali.

LIBANDLA LAMISWA NGUNKHULUNKHULU

1. Licebo lakhe njengobe belingakembulwa kuTestamente Lelisha.

Libandla laKrestu libandla lase Testamenteni leliSha.

Lasekelwa lamiswa ekuhlelweni kweTestamente leliSha kodvwa kwabe kungukadze ivetwa ngendlela lengakacaci ngetikhatsi teliTestamente lelidzala, umkhumbi lowakhiwa nguNowa yabe isambulo sekucacisa ngelibandla leliyobakhona eminyakeni leyendlula Nkhulunkhulu. Waniketa licebo lemkhumbi ngalokucace kakhulu. Leli licebo lalandzelwa ngekubeketela. Nkhulunkhulu wabe sati kwekutsi ubonisa intfo leliyobangiyo libandla. Umkhumbi wabe uyindlela yekubonisa kusindziswa kwabo. Babeyosindziswa etikhukhuleni. Nowa wayalelwa kushumayela te bonkhe babenelitfuba lokwemukela umyalelo basindziswe. Bekufanele bangene ngelisango linye emkhunjini basindze ekubhujisweni. Umkhumbi wabe unemnyango munye njengobe kunjalo nalomuhla, linye lisango elibandleni laJesu Krestu. Nkhulunkhulu walivala lisango lemkhumbi ana sekufika tikhukhula. Nkhulunkhulu naye uyolivala lisango lelibandla ana iNkhosi ibuya itewulandza bayo. Labo labangemange batfole insindziso elibandleni bayewutisola.

Kwakukhona umfanekiso wendlu yekukhontela. Nkhulunkhulu wabonisa ngetulu ngelibandla. Ngalesikhatsi wakhetsa kubonisa ngenchazelo lenkhulu. Indzawana yonkhe kulendlu yayinemcondziso wentfo kulo libandla. Nkhulunkhulu imiyalo lesele. Weta naMosi wabona kwekutsi ichutjwa ngalokuphelele na, Lidina labe litokwentiwa e-altari embikwendlu njengaloku neNkhosi lenguJesu yaba lidina embikwelibandla lelicinile. Abefundisi babehlanjwa esiteni lesikhulu sebraso. Embikwekutsi bangene esakhiweni selitabanakeli. Kucala akahlanjwe emantini elubhabatiso embikwekutsi amukelwe ebudelwaneni belibandla laJesu Krestu. Ngekhatsi endlini kwabe kukhona tintfo letintsatfu letibalulekile. Sibane lesisaGolide lesimele kukhanya kwelivangeli njengobe kwembuliwe elivini laNkhulunkhulu. Litafula lesinkhwa lelimele litafula lokudvunyisela iNkhosi elibandleni kanye neli-altare yekudvunyisela lemele imikhuleko yalabangcwele. Kwenyukela kuNkhulunkhulu liphunga lelimnandzi ekhatsi kwetindlu letimbili teli Tabanakeli. Lelulwe luhide lelikhulu lekutsiwa sivalo selitabanakele. Ite kamuva ibe sivimbo selitempheli mhla lithempheli lakhiwa. Tindlu letimbili timele libandla, nelizulu kuyo itabanakeli. Letitindlu tehlukaniswe ngelihalideni ladzabula etulu kuya entasi yabetselelwa inkosi. Icondzisa kuvulwa kweminyango yelizulu ngekufa kwakhe. Krestu uniketa insindziso ngalo libandla itabanakeli. Umfundisi lomkhulu wabanako kungena ebungcweleni bebungcwele kanye ngemnyaka yena yedvwa. Krestu waya ezulwini.

Indlela lokumele siyilandzele te silandzele kuta kwelibandla lakhe icaciswe Encwadzini yeMisebenti sahluko 2 yabakhona ngelilanga lePentekosi ngekunonopha emvakwekufa nekuvuka kwakhe ethuneni.

2. Lisontfo Lingumtimba waKrestu, yena uyinhloko yalo.

Banengi bantfu labaye batsatse lisontfo njengentfo ledzelelekelako, Kepha akunjalo nakancane. Lisontfo lingumtimba waKrestu. Ngumtimba lophilako.

Imibhalo itsi kubase-Efesu 5:23, "Krestu uyinhloko yelibandla, futsi ungumsindzisi wemtimba." Yinhloko lelawula umtimba, amukho umtimba lophilako ngephandle kwenhloko, nobe lonetinhloko letimbili. Yinhloko lenemphokophelo yekulawula umtimba wonke. Njengaloku-ke nelibandla laKrestu lingenato tinhloko letimbili, yasemhlabeni nobe yasezulwini. Angeke libe yinhlangano lephetfwe ngumbhishobhi, ngunsumpa, ngumongameli, okanye likomidi kodvwa litawubuswa nguKrestu Jesu. INkhosi lenguJesu ngiyo leyinhloko yelibandla. Libandla lakhe linemagunya onke Kuye, nasebunhlokweni bakhe.

Umtimba uhlanganiswe ngetincenye letinengi temtimba, bese kutsi incenye nencenye inemsebenti wayo lokumele iwente. "Umtimba akusilo lilungu linye, kepha manyenti." (1 Korinte 12:14) "Nyalo ningumtimba waKrestu, ningemalungu labalulekile." (1 Korinte 12:27.) Emalungu emtimba lophilako ngekwenyama abekelwe kwekutsi ente umsebenti lotsite, akukho lapho atewusilela khona ngobe acondziswa yinhloko. Njengatsi ngobe singemalungu laphelele emtimba weNkhosi, kumele sente umsebenti lofanako, weNkhosi. Angeke siwente lomsebenti ana singacondziswa ngiyo ngalokuphelele.

Lisontfo linetulu kwenhlangano ngemandla. Akusiko kutsi lingebantfu labanengi labahlangene ngephasi kwesandla semvangeli lotsite. Futsi alisona sakhiwo lesimisiwe kwekutsi singene ngephasi kwaso sihlanganyele. Kepha lisontfo liyigenge yebantsu leye yamukela Jesu njengeNkhosi neMsindzisi neNkhosi, futsi labaye batfobela yena, bahlangana kuko kukhonta kuKrestu, ngephasi kwebuholi bakhe. Singakhontela endlini, kepha ngebantfu labenta libandla libe lisontfo lelicinile.

SAHLUKO SESIBILI

UMSEEBENTI WELIBANDLA

"Ngaloko hambani nente tive tonkhe ebafundzi, nibabhapathize egameni leYise neleNdvodzane nelikaMoya loNgcwele, nibafundzise kulondvolota konkhe lenginiyala ngako, bukani, mine nginani, malanga onkhe kudzimate kube sekupheleni kwelive. (Matewu 28:19,20)

1. Kuyintfo yekucala nalehamba embili kwekutsi lisontfo lente umsebenti wekumisa emaKrestu.

Sinyatselo sekucala sekusondzeta umuntfu kuKrestu ngukufundzisa. Ingani neNkhosi lenguJesu ngekwayo yabe ingafuni ngekubitwa ngemfundisi lomkhulu. Wabe abitwa ngekutsiwa "NguRabi", lokusho kwekutsi umfundisi. Wabe afundzisa ngemateku ana afundzisa ngaletinye tikhatsi. Wafundzisa sigejane lesikhulu sebantfu ngasikhatsi sinye, njengalesikhatsi afundzisa sigejana lesikhulu endzaweni yasentsabeni abapha inshumayelo lena lomuhla sekutsiwa "yinshumayelo yasentsabeni", kepha futsi waphindze washumayela ebantfu labehlukene njengalesikhatsi ashumayela Nikodemu, kanye nemfati wase Samariya. Wabe angumfundisi lomkhulu. Natsi wasitfuma kwekutsi sibe ngebafundisi. Akufanele kwekutsi silahle ematfuba ekufundzisa nobe ngabe semunye ngaKrestu. Siyalelwe yiNkhosi kwekuba sifundzise, sibhapathiswe, futsi sichubeke nekushumayela. Umphumela lomuhle walesisifundvo kuyoba ngukutsi ebantfu batfobele umtsetfo waNkhulunkhulu. "Filipu washumayela umtopiya lowabe afuna kwekutsi abhapathizwe. "Filipu wavula umlomo wakhe, acala kuloyombhalo washumayela livangeli ngaJesu. Kwatsi basahamba endleleni, bafika emantini. Umthenwa watsi: Buka nawa emanti; kwalani kwekuba ngibhapatizwa na?" (Imisebenti 8:35,36).

Umphumela wekufundzisa ngaJesu kungukutsi ebantfu babenesifiso nekutitfoba kuye yena lotsi, "Lokholwako abhapathiswe, uyosindziswa, kepha longakholwa, uyolahlwa". (Marku 16:16) Kulenye indzawo utsi, "Ana umuntfu angatalwa ngemanti nangeMoya, angeke angene embusweni waNkhulunkhulu." (Johane 3:5) Ngeke kube nembuto kodvwa kutitfoba eNkhosini kufaka lubhapathizp ekutsetselelweni kwetono. Luka ubala kuMisebenti yebapostoli besibili, emavi a-Petro ngePentekosi. "Phendvukani, nguloyo naloyo abhapathizwe egameni laJesu Krestu kuko kutsetselelwa kwetono tenu, khona niyokwemukeliswa siphiwo sakaMoya loNgcwele." (Imisebenti 2:38)

Ana lovumile sabhapatiziwe, kusafuneka kwekutsi kuloku kuchutjekiwe nekumfundzisa, ngobe kunetintfo letinyeti lona wekunene lokumele atati. Kungumsebenti welibandla kwekutsi lichubeke njalo nekufundzisa, khona lona wekunene atekufundza kwekutsi "agcine konkhe loku layalwe ngako." (Krestu) Asishumayeli nje livangeli kupulipeti nje kuphela, kumele sifundzise nalabo lesibatfola ngephandle. Nobe ebantfu sebalitfobele livi leNkhosi, kepha lesisibophetelo sekushumayela asigcini. Akumele sikuyekele loku ana silandzela umyalo wenhloko yelibandla laKrestu.

2. Kukhona lokunye lokungenteka ngalokuphelele emsebentini welibandla.

Krestu amange ayale kwekutsi kwakhiwe tibhedlela, indzawo yetintsandzane, emakhaya alabadzala, kepha konkhe loku kwa ba titselo temfundziso ngelivangeli, ebantfu bagucuka baba ngemakholwa. Lapho livangeli lishunyayelwa khona, kunetibhedlela, indzawo yetintsandzane, futsi kunemakhaya alabadzala. Kunelutsandvo 'nebuntfu lokuvutsela inshisekelo yekwenta lokutsite te kuliwe nekuhlupheka nekweswela. Lona akusiwo umsebenti lomkhulu welisontfo. Kepha umsebenti welisontfo ngukutsi kwandze libandla. Masingabi nemiphumela lengacondzakali elivangelini. Krestu uyabatsandza bonke bantfu, kanjalo nebapostoli kumele babatsandze, futsi kumele bente konkhe lokusemandleni te bacedze kuhlupheka, kodvwa timangaliso tekuphilisa labatentako ngato kuhloswe kutsi kugcwaliswe umbiko loliciniso ngensindziso. Natsi ngekwetfu sinemyaleto lokumele siwendlulise. Lisontfo limiselwe kwekutsi lifundzise futsi lishumayete livangeli kubantfu labalahlekile.

SAHLUKO 3

EMAGOSA

1. Ligosa ngumhleli wetintfo, umfundisi, umshumayeli, ubishophi, nemelusi wemhlambi wetimvu taNkhulunkhulu.

Ana sifundza emibhalweni, sibona kwekutsi kunemagama lamanyenti kabi lahlukahlukene lanikiwe emsebentini weligosa. Ngalokuvamisile kuye kufanekiswe ngetindlela letahlukene umsebenti weligosa. Ligosa libophetekile ekubeni libuke umhlambi, libitwe ngekutsi lingumelusi wemhlambi welisontfo. Ana umuntfu anemhlambi lobalulekile wetimvu, uye atsembele kumelusi kwekutsi utawumelusela kahle, nekutsi kusibopho semelusi kwekutsi atiholele emadlelweni lamahle, te abone nekutsi tiphephile yini, nekubona leto lesetihluka emhlambini bese tiyalahleka. Kufanele atigadze atigcine tiphephile te ajabule umnikati wato. Ngiwo-ke-nalona umsebenti lokumele neligosa liwentile emhlambini weNkhosi, nasesontfweni lakhe. Kumele aholel emaKrestu ngesibonelo semelusi, abonise ngalokugcwele ngemphilo lena Nkhulunkhulu lafuna bayiphile. Kumele futsi ligosa libone kwekutsi libandla kungabe lifundziswa Livi lemphilo na. Kumele nalo libafundzise lona ngekwalo, lokusho kutsi kumele abenelutsandvo lolukhulu bgeLivi laNkhulunkhulu futsi akwati nekufundzisa labanye. Kumele akwati kusefa lokuhle kulokubi, futsi abone kwekutsi emaKrestu kungabe afundziswa liciniso nangelutsandvo na. Ligosa kumele litibophetele ekutfoleni kwekutsi umbiko lotfulwako kungabe ngewelivangeli laNkhulunkhulu yini na. Kumele livikele umhlambi wakhe etingotini kulabo labangahle bachamuke ekhatsi kwabo bafundzise emanga. Matewu naye uyasicwayisa ngalaba befundisi bemanga. "Balekelani ebafundisi bemanga labeta kini bembatsise kwetimvu, kepha ngekhatsi batimphisi letitfumbako. Niyobati ngetitselo tabo. Kungakhiwa yini titselo temvini emanyeveni nobe emakhiwane ekha asini na." (Matewu 7:15,16) Ana ligosa lingakagadzi, laba bakhohlisi bangeta bafundzise ebantfu bakhe kabi. Bayokwatiwa ngetitselo tabo, nangetimphilo tabo. Liciniso nekwetsembeka ngekwelivangeli kusho imphilo yenu Nkhulunkhulu. Umntfolophila ngephasi kwemanga akanayo emandla abufundisi futsi lisontfo alinako kumemukela. Pawula umchaza kanjeyi:

"Malabo labanesimiso sekumesaba Nkhulunkhulu, kepha emandla ako bayawaphika, labo-ke ubobabalekela. Ngobe kulabo kuchamuka labanyonyobela etindlini batfumbe besimame labasindzwa tono, bechutjwa tinkhanuko letinhlobonhlobo, befundza njalo, kepha bangeke bafika ekulatini liciniso." (2 Timothewu 3:5-7) Ligosa kumele litfole futsi labo labaye babuke esontfweni, liphindze libabuyisele. Kumele lihlale libukile kwekutsi ayikho yini indvodza kumbe umfati longasakholwa futsi angaseti esontfweni, kumele ligosa libabuyisele esontfweni. Ligosa kumele litibophetele ebuKrestwini, nasekukholweni eNkhosini, nasekutseni umuntfu kumele atsandze ebantfu. Leligama lelitsi umbhishopi lomuhla lisho kuhlela nokwengamela emabandla, kepha alitfolakali eBhayibhelini. Kepha liBhayibheli libalula umbhishopi njengeligosa lenhlanganyelo yendzawo. Kepha ligosa nembhishopi kusho intfo yinye. Bangebalusi bemihlambi yetimvu taNkhulunkulu lisontfo phela. Umbhishopi kusibopho sakhe kwekutsi ahole ngemoya emaKrestu ebandleni lakhe. Uligosa phela.

2. Krestu uniketa ticinisekiso emsebentini wemagosa.

LiBhayibheli ngalokucacile liyakuchaza loku laphayi encwadzini ya Titu 1:6-9 nasencwadzini 1 Timotewu 3:2-7 inhlobo yemuntfu lena Nkhulunkhulu lafuna sibe ngiyo te atewusikhetsela umsebenti webugosa. Ngalokuvamisile ungeke utfole ebantfu bewulungele lonamsebenti, kepha sibopho sanobe ngubani kwekutsi ente lokuncono phela lisontfo litewukwati kukhetsa longcono lolungele lonamusebenti.

Jesu watsi, "Ngako-ke manibe ngulabaphelele, njengaloku neYihlo wasezulwini uphelele." (Matewu 5:48) Injongo yetfu kumele kube ngukufezeka. Umuntfu longafuni kuba sibonelo lesihle ebuKrestwini, angeke akwati kwekutsi abeligosa kusasa.

ABEMSULWA: (Titu 1:6) Indvodza lenetibonelo letimbi ebuKrestwini, akufanele nakancane ikhetselwe kulonamsebenti webugosa. Kepha umuntfu lokumele abeligosa nguloyo losibonelo lesihle elibandleni longabekwa embili.

UMFATI ABEMUNYE: (1 Timotewu 3:2) Lisontfo akumele likhetse umuntfu lokwatiwako kwekutsi unebafati labengcako kumunye. Kumele kucinisekiswe ekutsamemi umgumuntfo lonemfati munye nekutsi uyakholelwa kuye. Ana ngabe umfati wakhe wafa nyalo sewushade kabusha, nalapho angakhetfwa njengagosa. Alikho ligosa lelivunyelwe kuba nebafati lababili sikhatsi sinye.

BANTFWANA LABAFUNDZISWE KAHLE: (1 Timotewu 3:4) Ebantfwana bagosa kumele kube ngebantfwana labakholwako. Babe lokholwako kumele ente sibonelo lesihle emndenini wakhe, aholele bantfwana bakhe ebuKrestwini. Ana umuntfu angakwati kuholela bantfwana bakhe eNkhosini, pho angabazuza njani labanye ekukholweni.

ANGATICABANGELI YENA YEDVWA: (Titu 1:7) Ligosa kufanele likwati kusebenta nebantfu. Akufanele abengulenhlobo yemuntfu lekuye kutsi njalo ente tintfo ngendlela yakhe. Kumele ente loko lokuhlala njalo kukuhle emehlweni aNkhulunkhulu. Emagosa kumele asebentisane kahle nalamanye kwendlulele nakubefundisi bemabandla.

KUTIPHATSA: (Titu 1:7) Ligosa akufanele kwekutsi libengumuntfu lononophako kutfukutsela. Kumele kwekutsi kube ngumuntfu lokwatiko kutitsiba njalo.

ANGALWI: (1 Timotewu 3:3) Lisontfo akufanele livumelane netimphikiswane letingenamsebenti kanjalo netivumelwano letingekho emtsetfweni. Ligosa akufanele nakancane litfolakale litihlanganise naloko.

KUNGABI NEKUCABANA: (1 Timotewu 3:3) Igosa kumele lingabi ngumuntfu lohalako. Kuyisono kungenela imidlalo yemali kugembula, kubheja, naletinye nje tinjongo letinjalo. Leti tintfo asobe tamukeleka elibandleni. Ligosa akumele lihale, kuhala kudala sono sekuntjontja.

ABENEBUBELE: (1 Timotewu 3:2) Ligosa kumele lemukele tihambi letingemaKrestu emtini walo. Kumele futsi lisite labo labeswele.

LOTSANDZA LOKUHLE: (Titu 1:8) Umangabe ligosa lingulotsandza lokuhle, litawutfolakala njalo esontfweni. Ebangani balo kutawuba ngulabo labatsandza lisontfo.

LONEMICABANGO LELUNGILE: (Titu 1:8) Ligosa kufanele likwati kucabanga lona ngekwalo, hhayi umuntfu losheshe angenwe ngumoya bese usuka malula kulokulungile.

LOGCINA UMTSETFO: (Titu 1:8) Kumele lingabi ngumuntfu lokukhalwako ngaye, kepha tonkhe tento takhe makube nguletilungile atame kuphila "ngemtsetfo weligolide", ente loko kulabanye naye loku layokutsandza ana sebakwenta kuye.

BUNGCWELE: (Titu 1:8) Umuntfu longcwele ngeliciniso akahambi ebanga kwekutsi ungcwele, kodvwa utama kuphila ngephasi kwaNkhulunkhulu lilanga nelilanga. Nkhulunkhulu ulindzele kwekutsi wonkhe emaKrestu afune kubangcwele kuko konkhe kwenta kwakhe.

KUTIPHATSA: (Titu 1:8) Ligosa kumele lingabi ngumuntfu lodzakwako nobe lonesimo lesingcolile ebuntfwini bayo. Kumele likwati kutiphatsa nasekutitsibeni ngato tonkhe tikhatsi, futsi abesibonelo sebuKrestu kulabanye.

LOFUNDZISAKO: (1 Timotewu 3:2) Enhlosweni lenkhulu sibekelwe kufundzisa labanye. Kufundzisa kuyincenye lebalulekile emasontfweni lesikuwo. Ligosa kufanele likwati kuhlelela embili sifundvo lesilandzelako selisontfo. Lomunye kumele afundzise bantfwana. Lomunye futsi kumele afundzise emaKrestu lamasha kwekutsi kumele enteni. Ngisho nemaKrestu lamadzala imbala kumele afundziswe ngemigomo lokumele ayilandzele eNkhosini. Ligosa-ke lona kumele libuke kwekutsi konkhe loku kuhamba kahle na.

ANGABI YIMFUNDZAMAKHWELA: (1 Timotewu 3:7) Ligosa akumele kutsi kube ngumuntfu losafika ebuKrestwini. Akudzingeki kwekutsi kube ngumuntfu lomdzala ngeminyaka, kepha amusha esontfweni! Yemo, kungenteka kwekutsi umuntfu abemdzala ngeminyaka, kepha abemusha eNkhosini. Njengaloku kungenteka futsi umuntfu abemusha ngeminyaka, kepha abenelwati loluhle ngetintfo teNkhosi.

SIMO LESIHLE: (1 Thimotewu 3:7) Ana umuntfu anato tonkhe letitidzingo, lokunye kumele abeneligama lelihle, kodvwa kusidzingo seligosa kwekutsi licabange ngalabo labangekho esontfweni lakhe. Ebantfu labangubomakhelwane nobe bosomabhizinisi kufanele bamtsatse njengeMkrestu sibili, umuntfu labangametsemba njalo. Ana ebantfu labangeko esontfweni bangeke bacabange kwekutsi ungumuntfu lolungile, lisontfo angeke lakwati kumbeka njengeligosa. Kukhona lokungalungile ngaye.

3. Lisontfo kumele likhetse emagosa laceceshiwe, bese kuyalandzelwa kuhola kwawo.

Lamanye emasontfo aye akhetse emagosa awo njalo ngemnyaka kutsi emakhadi abo atsatsa umnyaka munye. Kubalulekile kwekutsi kukhetfwe lababantfu te kugcwaliseke imiBhalo ngekuceceshwa kwabo. Lisontfo kumele litsatse lesisifundvo salenancwadzi embikwekutsi lukhetfo lutsatfwe.

Yonkhe imibhalo lechaza ngemagosa, ibuye itsi kungakhetfwa langetulu kwamunye lisontfo nelisontfo. Kepha imibhalo yona ayikubeki ngembaba kwekutsi kumele kube neligosa linye lisontfo nelisontfo, ngakho-ke lisontfo lingaba neligonsa kumbe mabili nobe mangakhi, nobe ngabe yinhlangano lencane lesemapulazini nobe elokishini.

Ekukhetseni lababantfu, lisontfo kumele licikelele ekukhetseni umuntfu loceceshekile. Njengekunotsa, imfundvo, agcoke kahle nobe yini lebalulekile ngekweliciniso. Imibhalo yona ayisho loku njengetifundvo. Lokubalulekile kakhulu ngumoya longcwele nekucecesha lokutsite caca.

Ana lababantfu sebekhetsiwwe wabekwa emahovisini elisontfo, kumele bavunyelwe kwekutsi bahole lisontfo ngokwemoya. Kungumgomo wabo kwekutsi bachube ngekukamoya longcwele welisontfo, futsi babe ngebaholi labagcwele benhlanganyelo, babe ngebelusi bemhlambi. Nkhulunkhulu wabeka kwekutsi emagosa ahole ebantfu bakhe. Kulidvumo lelikhulu nemgomo kukhetfwa njengeligosa lelisontfo. EmaKrestu ayafundziswa ngokwemibhalo inhlonipho kumele ibonakale kumagosa. Pawula wabhala watsi encwadzini yakhe leya ku Timotewu, "Ningamsoli, kepha mtsatseni njengababe."

4. Emagosa anemsebenti lomnyenti lokumele awente esontfweni.

Emagosa, langebaholi kumele abonise sibonelo lesihle sebuKrestu te kutewuba nekutfula esontfweni. Njalo lisontfo kumele likhetse ebantfu labangaba ngemagosa labayoba sibonelo lesihle. Emagosa kumele njalo abesesontfweni. Kumele babone kwekutsi litafula leNkhosi libekwa ngendlelal lengiyo na kubantfu, khona kutewuba nesiciniseko sekutsi liyabekwa yini livangeli ngendlela lelingiyo nobe cha. Ana livangeli lingabekeki ngendlela, emagosa kumele abonise emalunga kwekutsi kunembiko lovela eLivini laNkhulunkhulu. Lisontfo lingashiyeka lingasenabo buvangeli, kodvwa kumele libe nemagosa latsembekile te ahole ebantfu.

Emagosa kumele avikele lisonttfo kubefundisi bemanga nakubavangeli. Bugosa bumele lisontfo ebuvangelini te kugcwaliseke lipulpeti. Kumele babeneliciniso lekutsi umuntfu labamkhetsako ukulungele yini kwelisontfo, nekutsi ulijaha lelibutsandzako buKrestu nekutsi utawufundzisa ngeliciniso livi laNkhulunkhulu. Kumele babone kwekutsi ente setsembiso sekuphatsa kahle libandla, futsibente nesivumelwane neligosa sekutsi liyohola malini futsi njani. Kufanele kube ngumgomo wabo embikwa Nkhulunkhulu kubona lesisivumelwane sigcinekile yini. Kumele batibophetele emfundzisweni yakhe nasekuchubeni kwakhe livangeli. Emvakwekuba sebambite ngemvangeli, batfole kwekutsi akamukeleki, kumele bamtjele afune lelinye libandla ayewusebenta kulo. Uma atfolwa anelicala lekutsi akenti umsebenti wakhe webuKrestu, nekutsi ufundzisa lokungesilo liciniso ngeliBhayibheli, kumele atjelwe ashiye ngekushesha. Emagosa kungumgomo wawo kutsi angaholeli lisontfo ekudzeni neNkhosi ngetimfundziso takhe netibonelo.

Kuwo onkhe emasontfo, kunalabo labaye babuyele emuva etonweni. Lena yindzaba lenkhulu. Encwadzini yamaHeberu sifundza kutsi, "Ngobe angeke kwenteke kwekutsi labo lasebeke bakhanyiswa banambitsa siphiwo sasezulwini, bentiwa ebahlanganyeli kuMoya loNgcwele. Banambitsa livi lelihle leNkhosi nemandla elive lelitako. Babuye bahlubuke-angeke kwenteke babuye bavuswe, bagucuke, ngobe sebatibetselela iNdvodzana yaNkhulunkhulu, bayitsela ngelihlazo." (KumaHeberu 6:4-6) Njen gebelusi, kumele bahambe emvakwetimvu te tingenokulahleka kuletinye, kanjalo-ke nemagosa kumele ahambe emvakwema-kholwa te angenawulahleka esontfweni awele ebumnyameni besono. Emagosa abophetelekile emhlambini welisontfo. Kumele abenelutsandvo, afune nekuletsa labahlubukile eNkhosini.

SAHLUKO SESINE

EBADIKONI

1. Umsebenti wemdikoni uchazwe ngelibito.

Sisebentise ligama lelitsi "umvangeli" kulelibhuku ana sifuna kwendlulela emsebentini wemfundisi. Kungoba leligama "umdikoni" lichaza kwekutsi sisebenti nobe umfundisi. Umdikoni usisebenti nobe umfundisi welisontfo ana sisebentisa umtsetfo weliBhayibheli. Umsebenti wemdikoni uyincenye lenkhulu esontfweni ngobe nemagosa ngulapho atsembela khona ana angekho.

2. Libhayibheli lisinika ticu temdikoni.

Encwadzini yekucala yaPawula layibhalela Timotewu, sahluko sesitsatfu, livesi 8-12, sifundza ngetimfanelo lokumele abenatoemadikoni. kumele kube selicophelweni lelisetulu

EMATHUNENI: (1 Timotewu 3:8) Umdikoni kumele atsatse umsebenti weNkhosi ngekutimisela. Kumele umsebenti welisontfo kube ngiwo lawuhlunga kucala te abeneliciniso lekutsi wentiwa kahle na.

ACINISEKE: (1 Timotewu 3:8) Ebadikoni kumele kube ngemadvodza latsembekile etinttfweni tonkhe. Banelilungelo lekuphatsa tonkhe timali.

ANGANATSI: (1 Timotewu 3:8) Umdikoni kumele angabi sidzakwa. Kumele abesitfunywa selisontfo lesilungile njalo.

BANGABI NGEMASELA: (1 Timotewu 3:8) Mabangabi ngebantfu labangatse-mbekile eNkhosini lenguJesu, Nasesontfweni lakhe. Kumele batsembeke nasekuhambiseni umyaleto weNkhosi, ikakhulu ana bafundzisa ngemiyaleto yeNkhosi. Kumele futsi batsembeke ekukhonteni nasesontfweni leNkhosi.

ABENGULOWATIWAKO: (1 Timotewu 3:13) Umdikoni kufanele kube nguMkrestu lowatiwa njengemuntfu lotsembekile. Kumele kungabi ngumunffu lomusha esontfweni naseNkhosini.

ANGABI NESICI: (1 Timotewu 3:10) Kubalulekile kwekutsi umdikoni acatjangelwe kahle ngulabo labangasiwo emaKrestu, kuye kwedlulele nakugosa, ngobe babukwe ngebantfu labangaphandle kwelisontfo. Lisontfo litawuhlulelwa ngesimanga sabo.

INDVODZA LENEMFATI: (1 Timotewu 3:12) Ayikho indvodza lenguMkrestu lokumele ibenebafati labengca kumunye, ngale kwaloko kuyobe aka tsembekile kumkayo. Ebaholi belisontfo kumele babesibonelo kulamanye emaKrestu ngaloku.

BAFUNDZISE BANTFWANA BABO KAHLE: (1 Timotewu 3:12) Umdikoni kumele ahole umndeni wakhe kahle te utowuba ngema Krestu latsembekile. Umndeni wakhe kumele ube sibonelo esontfweni.

3. Umsebenti webadikoni lokumele awente esontfweni.

Kungumgomo lomkhulu webadikoni kwekutsi abambele emagosa emsebentini wabo esontfweni. Makesicabange kutsi konje kungaba ngumsebenti muni labangawenta te kugcwaliseke loku.

Ebadikoni kumele banakelele tonkhe tinhlelo tetimali telisontfo. Kumele babone kwekutsi sakhiwo selisontfo sihlala sichitjelwe yini, nekutsi tintfo letisitako tikhokhelwe kahle na, nekutsi intsela ikhokhiwe na, nekutsi buvangeli bukhokhelwe na. Kungaba kuhle ana umgcinisikhwama namabhalane belisontfo kungebadikoni. Lisontfo nelisontfo kumele lente sivumelwane nebuvangeli sekutsi angatfola malini liholo inyanga nenyanga, ebadikoni kumele bente siciniseko sekutsi uholelwe njengobe kubekiwe. Ebadikoni kumele bahlangane njalo nje te bacwaninge umbiko wemgcini timali, inzuzo yelisontfo ngokweshumi nangeminikelo yemalungu alo, kanjalo nangetindleko. Ngekucophelela imibhalo leyo iyogcinwa te kwatiwe ngato tonkhe timali telisontfo. Lababantfu bayobeka sibonelo lesihle ngekunikela kwabo kweshumi neminikelo eNkhosini.

Mabhalane welisontfo kungaba ngumdikoni kumbe ligosa. Kumele agcine ngalokuphele emarekhodi alabolababhapatiswako nalabo labayekelako esontfweni. Kumele abhale bonke lesebashonile kanjalo nalabo labashintjela kuletinye tindzawo, abuke nekutsi emagama abo ayesulwa yini eluhlwini lemibhalo yakhe.

4. Lisontfo lingakhetsa nakulabasikati ebadikonikati.

Ku 1 Timotewu 3:11, sifundza kutsi, "Ngalokunjalo nalabasikati mababe nesizotha, bangahlebi, labatitsibayo, labatsembekako etintfweni tonkhe." KubaseRoma 16:1, kunendzaba lefanako ya Febe naye lowake waba ngumdikonikati welisontfo laseRoma. Wabe asisebenti selisontfo.

Labafati kumele bente lokunengi lokuhlanganisa "Nemkhuleko wabomake" esontfweni. Kumele babone kugezwa kwetakhiwo telisontfo, kumele babone kwekutsi tintfo tesidlo lesiNgcwele tilungile yini ekubeni tingasetjentiswa etafuleni leNkhosi ngelilanga lelo leNkhosi. Bangasita ekufundziseni ngesikolo sangelisontfo, bente timvuselelo kulabamphofu nalabaswele, nakulabo labagulako esontfweni, bakhulekele bonkhe. Kuntintfo letinengi labangatenta letinhle labasikati emasontfweni.

SAHLUKO SESIHLANU

UMVANGELI

1. Leliligama lichazeka etukwemsebenti lowentiwe ngumvangeli.

Lomunye eve kwekutsi umvangeli ngumfundisi, kodvwa umsebenti wakhe awunganga wemfundisi ekuhambiseni livangeli. Emagosa nebadikoni ngebafundisi.

2. Tindzingeko temvangeli.

Alikho luhlu lwetidzingeko temvangeli letitfolakala eBhayibhelini, kodvwa kumele sicabange kwekutsi ngeke babe ngephasi kakhulu kuleti tebadikoni, nemagosa. Stefane wabe angumvangeli abuye abengumdikoni, njengaFilipu. Kusuka ekhatsi kwemagosa nebadikoni kwekutsi kubekhona ebavangeli. Lababantfu kumele bahambe sikolo sekucecesha te baceceshelwe kuhambisa livi leNkhosi.

3. Umsebenti wemvangeli.

Kungumsebenti wemvangeli kwekutsi ashumayele futsi afundzise livangeli laKrestu. Kumele anikete sonkhe sikhatsi sakhe emsebentini wakhe, ngako-ke lisontfo kumele lente sivumelwane naye sekutsi batewumholela liholo lelingakanani te akwati kubukana netidzingo temndeni wakhe, nekukhokhela tidzingo tendlu leyo lahlala kuyo. Uma singafundza kube-1 baseKorinte 9 na 1 Thimotewu 5, sitawubona iNkhosi ichaza kutsi kumele sondle ebavangeli. Umvangeli kumele asungule tikhungo letinsha tekushumayelela livangeli telisontfo nebadikoni nemagosa bangamsita ngekutsi babuke letitinhlanganyelo tibanjwa ngalokungiko kanjalo nesidlo lesiNgcwele. Umvangeli kumele avakashele leti tikhungo te acinisekise kwekutsi umsebenti uhamba kahle. Ana sekunemagatja lamanyeti elivangeli, emagosa nebadikoni kumele bavakashele njalo ngeliviki, bese kutsi lawamacembu ahlukaniswe, bese kuba nemvangeli lomusha atewulekelela.

Kushumayela livangeli kungukubitwa, akusiko buciko. Kungumsebenti weNkhosi, hhayi sikhundla lesiphakeme. Okhololo, timphahla letimnyama, tintsambo letindze, nalokunye nje lokufute loku, akuhambisani nemtsetfo weliTestamente leliiSha lokulibandla laKrestu. Ebavangeli beliciniso abenti nje lomsebenti te badvunyiswe ngebantfu. Bawenta lomsebenti ngobe bentela iNkhosi. Leligama lelitsi "umfundisi" silitfola kanye eBhayibhelini, lisetjentiswa nguNkhulunkhulu, hhayi ebantfu nje (EmaHubo 111:9)

Umsebenti wemvangeli ngukushumayela livangeli, afundzise, asebentele kuwina emalungu lamasha kuKrestu, nekusungula tikhungo letinsha telisontfo, nekutsi njalo abesibonelo lesihle kumaKrestu. Umngcwabo ulitfuba lelikhulu lekufinyelela kubantfulabangemange sebake balive livangeli nekuvuselela insindziso yabo. Kusikhatsi lapho ebantfu bacabanga ngemphilo emvakwekufa, nekutsi bangatilungiselela njani embikwekufa. Lisontfo kumele limhloniphe umvangeli nangemsebenti wakhe, hhayi nje ngobe engumvangeli.

SAHLUKO SESITFUPHA

IMISEBENTI YELISONTFO

Kunemisebenti leminengi yelisontfo lengekho kodvwa eliBhayibhelini, kepha leyisivumelwane netimfundziso teliBhayibheli. Leto tinhle futsi kumele tichutjwe ngendlela yebuKrestu.

1. Lisontfo sikolo.

Lokunye lokubalulekile kuloku ngumsebenti welisontfosikolo Selibandla. Ligosa ngilo kanye lokumele likwente loku, nobeke tifundvo tingachutjwa ngulolilungu leligcwele lasesontfweni.

Kumele kube netifundvo njalo ngelilanga leNkhosi, njengakusontfosikolo kumalungu akusasa elisontfo. Kumele bafundziswe kutsanda iNkhosi nekuyibeka embili kuko konkhe. Iminikelo yeliSontfosikolo kumele yendluliselwe kumgcinisikhwa ma te batsengelwe nobe yini lokubonakele kwekutsi bayashoda ngakoo, njengemashoki, tintfo tekufundzisa, libhodi lekubhalela, emabhuku kanye nemaphepha.

2. Umhlangano walabasikati:

Umhlangano walabasikati yinhlanganyelo yemkhuleko, kumanyana, nekufundza liBhayibheli. Njengobe laba besimame baye bawente njeumsebenti webudikonikati, umhlangano wabo unesidzingo lesikhulu esontfweni.

3. Kuceceshwa kwalabasha nemalungu lamasha.

Lisontfo nelisontfo kumele libe nesikhatsi lapho litewucecesha khona ebantfu labasha nemalunga lafikako ngeliBhayibheli. LiBhayibheli litsi, ana ebantfu sebebhapatisiwe kuKrestu, kumele sichubeke nekubafundzisa.

Lonamhlangano kumele ubenesikhatsi semkhuleko nekufundza. Labanyenti kulelicembu bangaba ngemaKrestu, ana basengakabi ngiwo ngalokugcwele.

4. Likhwaya.

Ebantfu labasha kumele babengemalungu elikhwaya, kungaba kuhle kwekutsi kubanjwe lenamicimbi busku bunye, ilandzelane. Likhwaya kumele libe ngephasi kwebuholi bemuntfu longcono. Kungalungiselwa tikhatsi letisipesheli teliLanga leNkhosi.

5. Umhlangano welibandla.

Umhlangano wemnyaka welisontfo, ubuye watiwe ngekutsi yinkomfa, sikhatsi sekuhlanganyela, kukhuleka, nekukhonta. Akusiso sikhatsi sekubeka imitsetfo yelisontfo nobe kucatulula tinkhinga telisontfo. Leto tinkhinga tingacatululwa lisontfo lendzawo, hhayi inkomfa. Ebakhulumi labaselizingeni lelisetulu nemculo bangasetjentiswa kulonambutfwano, bese kubusiswa wonke lofikile lapho.

Nobe ngabe nguliphi libandla laKrestu lingahlanganyela kulonambutfwano, kuphela nje ana asebentisana ngekuvana nalamanye emasontfo futsi uma loko kwemukelekile.

Ngenhloso yekukhetsa titfunywa tembutfwano, libandla ngelibandla livumelekile kutfumela titfunywa letimbili tiyomelela. Uma kulibandla lelikhulu, kungengetwa linani letitfunywa nobe tisihlanu tilungile.

6. Tindzawo tekushumayela nemihlangano yemakwata.

Emasontfo lamanyenti lasondzelene, nobe labanjwe ngumvangeli munye, anemihlangano yendzawo, mhlawumbe emvakwetinyanga letintsatfu. Lena mihlangano ingabanjelwa kulelinye lemasontfo endzawo. Benta inhloso yekuhlanganyela bakhonte, alikho libhizinisi kuloko.

7. Tikolo tekuceceshela libhayibheli.

Onke emasontfo kumele bonkhe bavangeli babo kumelebaceceshwe esikolweni seliBhayibheli lesisungulelwe loko. Tidzingo letifunekako kumuntfu ana afuna kungena kulesisikolo ticinisekiswe kakhulu te kutewuhlanagatjetwana netidzingo. Kuhle phela kwekutsi libandla litikhetsele lona umvangeli longumuntfu loceceshekile waba nelwati lekwenta umsebenti kancono kuleso sikolo. Ebantfu labaceceshekile, banelwati lolutsite caca, bangenta umsebenti kahle banotse ngeliholo lelisetulu.

Nobe nje sichuba tifundvo teliBhayibheli ngeliposi nje, emvakwaleto tifundvo, lwati lolunye kumele lutfolakale esikolweni ngalokugcwele. Ana umuntfu aceceshwa njengemvangeli, kumele akwati kuphonsa imibuto ana ikhona kumceceshi wakhe, futsi atfole timphendvulo leticondzile, kumele abenelicoco letincwadzi, nalokunye nje kwesikolo. Asikwati kukuchubekisela embili ngeliposi.

SAHLUKO SELISONTFO

TIMALI

1. Indlela umKrestu lasebentisa ngayo imali isemcoka.

UmKrestu eliTestamenteni lakhe LeliSha uchazwa njengelibamba. Loku kusho kutsi konkhe lesinako asiko kwetfu. Konkhe lesinako ngekwaBkhulunkhulu, futsi ulindzele kwekutsi sikusebentise ngendlela leyomjabulisa yena. (Luka 16:1-8, 19:11-28). EmaKrestu ngeke aletse incenye yemali enzuzweni yawo, kutsi lesele alindzele kuyisebentisa nobe kanjani ngendlela labafisa ngayo. Ingani natsi singebakaNkhulunkhulu. Asikatiphatsi. Akumele lenamali lesele siyisebentisele njengasetjwaleni, ligwayi, kugembula, nobe yini nje lokusono. Leyoncenye lesele solo ngeyaNkhuluunkhulu, uyasiyala kwekutsi siyisebentisele tidzingo temindeni yetfu. Kumele sente konkhe te sijabulise Nkhulunkhulu.

Libhayibheli njalo lisifundzisa kwekutsi lokungenani kumele sinikele ngekwelishumi emalini lesiyiholako. Loku kubitwa ngekutsiwa ngekweshumi. (Gen. 28:22; Ne h. 10:37,38; Malaki 3:8-10). EmaJuda nawo kwabe kudzingekile kwekutsi akhokhe kweshumi eNkhosini. Tsine-ke lesinaKrestu, sinesikweletu lesikhulu eNkhosini kunemaJuda. Nkhulunkhulu uyetsembisa kubusisa labo betfu labamutfobelako kuloku. Kumele simuphe Nkhulunkhulu ngelisontfo kuluoku lesikuzuzako. Angeke simuphe nje emapenyana bese kuye silindzela tibusiso letinkhulu. Encwadzini yaMalaki labo labatama kwenta loku ubabita ngekutsi "tigebengu". (Malaki 3:8).

Sifundza ku-2 Korinte 8:4 na ku Misebenti 2:42 ngemisebenti yebudlelwano ndzawonye ekukhonteni. Loku akusibo budlelwane ekukhulekeni, kodvwa budlelwane ekuphaneni eNkhosini.

Konkhe kupha kwetfu kwabe kungobe sinelutsandvo eNkhosini. Nkhulunkhulu utsandza labanesihe sekupha. Ngalenandlela sinelilungelo lekuba simbonge ngekupha.

2. Kuphela indlela Nkhulunkhulu lapha ngayo kuchaswa libandla ngetipho tebuKrestu.

Nkhulunkhulu akasho-ke kutsi sihambe singena umnyango nemnyango sibutsa timali telisontfo. Kungemahloni kwekutsi libandla libutse timali kubantfu labange siwona emakholwa te kumiswe umsebenti welisontfo. Akumele sibhadale imisebenti ye Nkhosi ngekutfola imali kumakhonsati, nobe ngungayiphi indlela yekucoca imali. Ana emaKrestu enta loku lokulungile ebusweni baNkhulunkhulu, kuyoba nemali lenyenti te kutewubhadaleka tonkhe tindleko telisontfo.

3. Iminikelo yelisontfo kulifa laNkhulunkhulu.

Ebadikoni banalo lilungelo lekusebentisa lenamali njengesikhwama seNkhosi. Lokusho kutsi kungatsengwa tintfo letidzingekato telisontfo, nekukhokhela liholo lemvangeli, netindlela tekuhambisela labanye livangeli. Liholo lekuvunyelenwe ngalo kumele liphume njalo ngeliviki, sikweletu semanti nagesi kumele naso sikhokhelwe, irenti yesakhiwo selisontfo kumele kukhokhwe kanjalo naletinye tindleko telisontfo nobe telisontfo sikolo. Lisontfo futsi kumele libeke eceleni samba lesitsite te sitfunyelwe esikolweni seliBhayibheli te kuceceshwe ebavangeli, kanjalo nesikhwama sebuvangeli nesesakhiwo te kumiswe umsebenti weNkhosi kuleminye imiphakatsi.

4. Lisontfo kumele libenesipesheli sesikhwama sesakhiwo.

Lisontfo nelisontfo line-akhawunti yekonga te banakekele sakhiwo selisontfo. Lenamali ingasetjentiswa kuphela ekulungiseni sakhiwo nobe ekwakhiweni kwesakhiwo lesisha nobe indlu yemishini. Ngako-ke iminikelo ingasetjentiselwa lesisikhwama.

SEHLUKO SESIPHOHLONGA

KUSONTSA

1.Umsebenti wekusontsa kumele uhlelwe ngenhlonipho yeNkhosi.

Lawomalungiselelo bakentiwa lingakangeni lisontfo, kubukwe nekutsi kungasetjentiswa maphi emaculo, bese ayakhetfwa, nekutsi lomunye acelwe kwekutsi ahole ngemkhuleko, nekutsi sidlo seNkhosi sendluliselwa kahle na. Yonkhe imisebenti kumele ihambe ngelusiko.

2. Sikhatsi sesidlo senkhosi sikhatsi lesisipesheli.

Labasikati kumele bafake tindvwangu, etafuleni bagcwalise titja tetinkhwa nemakomishi embikwekutsi umsebenti ucale. Kumele kube netinkhomishi letenele te kube nguloyo naloyo abeneyakhe, luju lwemagilebisi lokumele lufakwe kahle emabhodleleni lamancane, kumele kulungiswe kahle kutfululelwe ejekeni te kutewutfolakala malula ana sekusetjentiswa. Kumele kube nemacebelengwane lenele ana sekucalwa umsebenti. Ana kungatsengwangwa luju lwemagilebi, jamu wemagilebisi ungahlanganiswa nemanti kwentiwe luju. Sesisho-ke emadolobheni lamancane.

3. Lubhabhadiso lusikhatsi lesingcwele kuMkrestu lomusha.

Loyomuntfu kumele asikhumbule ngenjabulo leso sikhatsi labhaphapathiswa ngaso. Kumele kube nekufundvwa kwemibhalo, umkhuleko, nekubhapathiswa, mhlawumbe nekuculwa kwemaculo. Emagosa kumele abeneliciniso lekutsi emanti anele. Kumele lawomanti ahlolisiswe kahle. Esitibeni kubalulekile kwekutsi umuntfu ahlole kushona kwaso, nekutsi asishoni kakhulu na. Loyo lobhapathiswako kumele afakwe alaliswe aze afike esihlabatsini, bese masinyane uyaphakanyiswa, bese usulwa ngengubo, agcokiswe timphahla letomile.

4. Sitifiketi sekubhapatizwa kumele siphume masinyane emvakwekubhapatizwa.

Ngekushesha lokungahle kwenteke emvakwekubhapatiswa, mabhalane welisontfo kumele alungise sitifiketi nayo yonke imininingwane, bese siniketwa uMkrestu lomusha esontfweni. Akumele sibitwe imali, nobe silahlekile. Ebatali kumele bente njalo makubantfwana babo babengemaKrestu latsembekile ana sebekhulile.

NKHULUNKHULU

0659 - Seswati

LIHAWU LENKHOLO


ORVIL MORGAN


Lencwajana ibhalelwe kusetjentiswa ngendlela yekufundzisa labasandzakuphendvuka te bati bungcele bendzawo yesifundvo seNkhosi yeMakhosi. Siyihlekle tifundvo letingafundvwa ngebusuku lobusiphohlongo. Nobe masontfo lasiphohlongo, ifundiswe ngumuntfu lonelwati loluphelele nalolongelwe kufundziswa.


Ibhalwe ngemvume yembhali.




LIHAWU LENKHOLO


SIFUNDO 1

Umbuto 1. Ngubani Nkhulunkhulu?

Imphendvulo. Nkhulunkulu unguMdali welizulu nemhlaba, kanye nemuntfu. Genesise 1 na 2.

Umbuto 2. Sinjani simo saNkhulunkhulu?

Imphendvulo. Nkhulunkhulu ungumoya. Johane 4:24.

Umbuto 3. Nkhulunkulu wacala nini kubakhona?

Imphendvulo. Akanaso sicalo nesiphetfo, uhlala ekhona njalo futsi uyohlala akhona. Kusukela phakade wena Nkhulunkhulu ukhona. Emahubo 90:2.

Umbuto 4. Bangakhi boNkhulunkhulu?

Imphendvulo. Munye Nkhulunkhulu. Efesu 4:6.

Umbuto 5. Ukuphi Nkhulunkhulu lomuhla nje?

Imphendvulo. Likhaya lakhe lisezulwini. Mathewu 6:9. Kantsi-ke ukuto tonkhle tindzawo. Emahubo 139:7,10.

Umbuto 6. Nkhulunkhulu wabe atibonakalisa njani kubantfu bakhe?

Imphendvulo. Njengabobabe esikhatsini sababemkhulu. Bokhokho. Njengendvodzane kuba Juda. Kantsi njengeMoya kumaKrestu.

Umbuto 7. Sacala nini sikhatsi sabobabemkhulu? (Bokhokho.)

Imphendvulo. Sacala ngendzabuko, Genesise 1, site siyophela ngekubitwa kwa-Abrahama. Genesise 12.

Umbuto 8. Sabe satiwa ngaliphi ligama sikhatsi sema Juda?

Imphendvulo. Sasatiwa kusukela ekubitweni kuka-Abrahama. Genesise 12. Kuye kumhla wePentekoste A.D. 30. Tento 2.

Umbuto 9. Sicala nini sikhatsi sebuKrestu?

Imphendvulo. Kusukela ngemhla wePentekoste, A.D. 30. Tento 3. Kute kube sikhatsi sekubuya kwa Jesu kwesibili.

Umbuto 10. Indalo yaNkhuluunkulu yabe yatiwa ngaliphi ligama esikhatsini sabokhokho?

Imphendvulo. Emadvodzana akaNkhulunkhulu. Genesise 6:2.

Umbuto 11. Bebabitwa ngaliphi libito bantfwana baNkhulunkulu ngesikhatsi sema Juda?

Imphendvulo. NgemaHebheru. Genesise 40:15.

Umbuto 12. Babitwa ngaliphi libito esikhatsini sebuKrestu.

Imphendvulo. NgemaKrestu. Tento 11:26.

Umbuto 13. Ngutiphi tigigaba letinkhulu letenteka ekhatsi kwaletikhatsi letintsatfu na?

Imphendvulo. Kwekucala - ngukuwa kwemutfu, Kwesibili - Kufika kwaKrestu atewuhlenga umuntfu; kwesitsatfu - kuhlengwa kwekugcina.

Umbuto 14. Kwabe kuyini inhloso yaNkhulunkhulu ngekutibonakalisa kwakhe endalweni yakhe.

Imphendvulo. Kwekucala - watibona kalisa njengababe, abanakekela, Kwesibili - Njengendvodzane letokubasindzisa; Kwesitsatfu - Njengemoya loNgwele abahola.

Umbulo 15. Ungubani uMoya loNgcwele?

Imphendvulo. UMoya loNgcwele ubitwa ngekutsi "ngumdvudvuti" Johane 15:26; 16:7. Futsi watiwa njengesipho lositfola mhla uBhabhadiswa. Tento 3:38.

SIFUNDO 2

LIBHAYIBHELI

Umbuto 1. Yini inkhemba yeMoya?

Imphendvulo. Livi laNkhulunkhulu. Kubase-Efesu 6:17.

Umbuto 2. Ngabe kuyimfanelo kufundzisa liBhayibheli?

Imphendvulo. Yemo 2 Timothi 2:15.

Umbuto 3. Tingakhi tincwadzi letiseBhayibhelini?

Imphendvulo. Tingu 66.

Umbuto 4. Lehlukaniswe tigaba letingakhi liBhayibheli?

Imphendvulo. Lehlukaniswe tigaba letimbili.

Umbuto 5. Tibitwa njani?

Imphendvulo. Sivumelwane lesidzala nobe liTestamente lelidzala kanye nesivumelwane lesisha nobe liTestamente lelisha.

Umbuto 6. Lehlukaniswe njani liTestamente ngalinye?

Imphendvulo. Kane eTestamenteni lelidzala, nato-ke; (1) Temtsetfo, (2) Temlandvo, (3) Tetinkhondlo, (4) Kanye netebaProfethi.

Kantsi eTestamenteni lelisha time njena: (1) Tizukulwane ngekulandzelana. (2) Umlandvo, (3) Tincwadzi tebaPostoli, (4) Siprofetho.

Umbuto 7. Sitfolani eTestamenteni lelidzala?

Imphendvulo. Indlela, uGenesise 1 Kuye na 2. Kuwa kwemuntfu Geneseise 3. Kubitwa kwa-Abrahama Genesise 12. Umlandvo webantfwana baka-Israyeli kanye netiProfetho leticondzene nabo kanye nemaHubo abo.

Umbuto 8. Sitfolani eTestamenteni leliSha?

Imphendvulo. EmaVangeli titukulwane taKrestu, nekucalwa kweliBandla tento 2. Netinewadzi temabandla kanye netincwadzi tebaPostoli ngamunye ngamunye, netiProfetho macondzana neMbuso.

Umbuto 9. Tsine siphila ngephasi kwasiphi sikhatsi lomuhla?

Imphendvulo. Siphila ngephasi kwesivumelwane lesisha nobe ngephasi kweTestamente leliSha.

Umbuto 10. LiTestamente lelisha lisembulelani tsine?

Imphendvulo. EmaCiniso lokumele siwakholwe nemitsetfo lokufuneka kwekutsi siyitfobele, netecwayiso lokumele siticaphele, netetsembiso letijabulisako.

Umbuto 11. Kumele silente njani liBhayibheli?

Imphendvulo. Silifundze, silifundzisise, silitfobele, bese silindlulisela kulabanye.

SIFUNDVO 3

SONO

Umbuto 1. Siyini sono?

Imphendvulo. Sono singukwephula Umtsetfo 1 Johane 3:4; Roma 14:23; Jakobe 4:17.

Umbuto 2. Sacala nini sono?

Imphendvulo. Sono sekucala sentiwa ngu-Adamu naEva ensimini yase-Edeni. Genesise 3:1-8.

Umbuto 3. Ngubobani labenta sono?

Imphendvulo. Bonke lasebakwatiko kwehlukanisa lokuhle nalokubi. Roma 3:10,26.

Umbuto 4. Yini umvuzo wesona?

Imphendvulo. Kufa nokwehlukaniswa naNkhulunkhulu. Hezekeli 18:4; Kolose 1:21; Efesu 4:18.

Umbuto 5. Tingakhi tinhlobo tetono?

Imphendvulo. Timbili, ngukwenta intfo lengakafaneli, nesono sokungenti lokuhle kufanele ukwente. 1 Johane 1:10; 5:18.

Umbuto 6. Sihlengwa ngani etonweni tetfu?

Imphendvulo. Ngengati yaJesu Krestu. 1 Johane 1:7.

Umbuto 7. Ngubani lokwati kutsetselela tono?

Imphendvulo. Akekho longatsetselela umuntfu tono, nguJesu yedvwana lonemandla ekutsetselela tono. Matewu 9:6; 1 Johane 1:9.

Umbuto 8. Ngubani losicondzisa tono tetfu?

Imphendvulo. NguMoya loNgcwele ngelivi laNkhulunkhulu. Johane 16:8-11.

Umbuto 9. Ana senta sono ngemvakwekutsi sesingemaKrestu, Kufanele sentenjani khona sitewutsetselelwa.

Imphendvulo. Kwekucala kufanele sitivume tono tetfu kuKrestu ngemkhuleko, sicele Intsetselelo. Bese sicela emandla kute silwele kwekutsi singoni futsi. Tento 8:22.

Umbuto 10. Siyini sijeziso sesono?

Imphendvulo. Kufa kwekucala nekwesibili nekubhubha kwaPhakade. Matewu 25; 2 Petro 2:9; Sambulo 21:8.

SIFUNDVO 4

INSINDZISO

Umbuto 1. Ana umvuzo wesono kungukufa, kepha siyini sipho saNkhulunkhulu lesingukuphila kwaphakade, sisitfola njani lesisipho?

Imphendvulo. Singu Jesu Krestu umsindzisi wetfu. Johane 3:16; Roma 6:23.

Umbuto 2. Sisindziswa njani pho?

Imphendvula. Sisindziswa ngemusa. Efesu 2:8.

Umbuto 3. Lichaza kutsini ligama lelitsi "umusa?"

Imphendvulo. Umusa lona sipho lesisiphiwa singakasisebenteli, sipho lesisiphiwa nguNkhulunkhulu te sitewuhlengwa.

Umbuto 4. Lusindziso lunetigaba letingakhi?

Imphendvulo. Lunetigaba letimbili luhlangotsi lwaNkhulunkhulu, neluhlangotsi lwemuntfu kodvwa-ke Nkhulunkhulu uwueedzile umsebenti wakhe. Ngobe Krestu wabuyisana nemhlaba. (2 Korinte 5:19). Luhlangotsi lwemuntfu ngukutsi amukele Nkhulunkhulu bese atfobela mitsetfo yeNkhosi. Marko 16:16.

Umbuto 5. Nguliphi luhlangotsi lokumele alente te asindziswe?

Imphendvulo. Ngukuva, nobe kucwaya ana livi leNkhosi likhuluma. Roma 10:17.

Umbuto 6. Yini leyenteka ngemva kwekuva?

Imphendvulo. Ngukukholwa.

Umbuto 7. Ngabe lukholo lufanele na?

Imphendvulo. Yemo, Fundza kumaHeberu 11:6.

Umbuto 8. Luyini lukholo?

Imphendvulo. Lubitwa ngekutsi, ngukuqiniseka ngetintfo letetsenjwako kube liciniso ngetintfo letingabonwa. Heberu 11:1. Kungukukholelwa kuko konkhe lakushoko etincwadzini, netifundvo lokudzingeka kwekutsi siticubungule.

Umbuto 9. Kufuneka kwekutsi sokholwe yini, te sihlangabetane netimiso tensindziso na?

Imphendvulo. Kumele kwekutsi sikholwe kutsi Jesu unguKrestu indvodzana yaNkhulunkhulu lophilako. Matewu 16:16-18; Tento 8:37.

Umbuto 10. Ngusiphi sinyatselo lesilandzelako ngemva kwekukholwa?

Imphendvulo. Ngukutimisela ngekuphendvuka, sihlukane nesono bese singabe sisahamba ngetindlela letindzala; loko kubitwa ngekutsi: ngukuPhendvuka (kuyekela) indlela yesono uhambe ngendlela yekulunga. Tento 2:38.

SIFUNDVO 5

LIBANDLA

Umbuto 1. Ngubobani emalunga eliBandla?

Imphendvulo. Ngibo bonke labasindzisiwe. Tento 2:47.

Umbuto 2. Libitwa njani liBandla?

Imphendvulo. Ka Krestu. Efesu 5:23; KubaseKolose 1:18. Ngesi Greki kutsiwa yi-"Eklesiya," lokusho kutsi lababhabhadisiwe lababitwe baphuma eveni, bangena emphilweni yekulunga.

Umbuto 3. Lacalwa nini liBandla?

Imphendvulo. NgePentekoste lekucala ngemva kwekuvuka kwaJesu Krestu ngaboma A.D. 30. Tento 2.

Umbuto 4. Lifanele kubitwa ngamaphi emagama libandla?

Imphendvulo. Libandla kubaseFiliphi 3:6. Libandla laKrestu emaRoma 16:16; Matewu 16:18; Libandla laNkhulunkhulu. Kubase 2 Korinte 1:2.

Umbuto 5. Kumele lenteni liBandla?

Imphendvulo. Intsandvo yeNhloko lenguKrestu. KubaseKolose 1:18.

Umbuto 6. Iyini intsandvo yaKrestu?

Imphendvulo. Ngukutsi bonkhe basindziswe. Bese bafundzi bakhe babemunye. Matewu 28:18-20; Johane 17:2; 2 Petro 3:9.

Umbuto 7. Kumele abemangakhi emaBandla emhlabeni?

Imphendvulo. Libe linye, ngobe munye Krestu. LoyiNhloko yeliBandla. Lona lingumtimba wakhe. Lokusho kwekutsi kufanele libe linye liBandla. Base-Efesu 4. Kwehlukana kuso. Kubase 1 Korinte 3.

Umbuto 8. Ngubani lonemandla ekubusa eBandleni?

Imphendvulo. NguKrestu. Matewu 28:18.

Umbuto 9. Ngabe kufanele yini kwekutsi liBandla lihlangane njalo ngeliSontfo?

Imphendvulo. Yemo. KumaHeberu 10:19-25.

Umbuto 10. Lihlanganelani liBandla?

Imphendvulo. Kukhumbula iNkhosi, Jesu nemitsetfo yakhe, Ngekwentanjalo licinisele.

Umbuto 11. Yini lekungiyo intfo lenkhulu ekukhonteni kwetfu?

Imphendvulo. Sitsebe seNkhosi lesentiwa njalo ngelilanga lekucala leviki. Tento 20:7.

SIFUNDVO 6

SITSEBE SENKHOSI

Umbuto 1. Nguyiphi imimiselo lemibili kaKrestu?

Imphendvulo. LuBhabhadiso lwaKrestu kanye nesitsebe seNkhosi? Ngalesinye sikhatsi kutsiwa yinkhonzo yekuhlangana.

Umbuto 2. Siyini sitsebe seNkhosi?

Imphendvulo. Sitsebe lesinetintfo letimbili, lekutsiwa, sinkhwa lesingenayo imvubelo nesitselo semvini (umgilebisi lokhanyiwe) lolula ngobe ungadzakisi. 1 Korinte 11:23-29.

Umbuto 3. Ngubani lowamisa lesisidlo?

Imphendvulo. NguKrestu ngebusuka lakhashelwa ngabo. 1 Korinte 11:17-34; Mathewu 26:26-30.

Umbuto 4. Letitintfo letimbili timeleni?

Imphendvulo. Sinkhwa simele umtimba wakhe lowahleshulwa. Sitselo semvini sona simele ingati yakhe leyacitseka.

Umbuto 5. Sibaluleke njani sitsebe seNkhosi?

Imphendvulo. Jesu watsi ngephandle kwetsi udle inyama yeNdvodzana yeMuntfu unatse ingati yayo, aninako kuphila. Kuphila kwaphakade nekuvusa kulab

afile kusekutseni udle futsi unatse lesisidlo. Johane 6:52-59.

Umbuto 6. Kumele sisihlephule nini na?

Imphendvulo. Njalo ana sihlangene, futsi ana sifanekile.

Umbuto 7. Ngutiphi letinye tintfo letentekako enkhonzweni yesidlo?

Imphendvulo. Sikhumbula kufa kweNkhosi ite iphindze ibuye futsi. Kubase 1 Korinte 11:26. Kusuka lapho sibe nebudlelwane lomunye kulomunye, nebudlelwane lesinabo naNkhulunkulu.

Umbuto 8. Ngubobani lokumele basondzele eSidlweni seNkhosi?

Imphendvulo. Phela sitsebe seNkosi ete sakhetsa futsi angeke sivimbe muntfu.

Umbuto 9. Kwentekani ana sisondzela singakafaneleki?

Imphendvulo. Sibanelicala lokungawuhlukanisi umtimba weNkhosi.

Umbuto 10. Singentani te sifaneleke ana sitewuhlephula sinkhwa?

Imphendvulo. Kumele sitilungiselele matfupha. Lokusho kutsi sente loku lokushiwo nguPawula kube 1 Korinte 11:27-29. Ngekuphila imphilo yebuKrestu ngalokukhulu kutimisela.

SIFUNDVO 7

BUGOSA

Umbuto 1. Sichaza kutsini ana sitsi buGosa?

Imphendvulo. Kuphila kwetfu sikuphilela Krestu. Lokusho kutsi tsine sonkhe nelitsemba letfu singebakhe. Akusasimi lophilako, kepha Krestu uphila ngekhatsi kwami. Galathiya 2:20.

Umbuto 2. Kufuneka Nkhulunkhulu simnike sikhatsi lesingakanani.?

Imphendvulo. Sonkhe sikhatsi setfu kungesakhe, kodvwa ikakhulu kufuneka siligcine liLanga leNkosi.

Umbuto 3. Kufuneka sentenjani ngemaTalenta etfu?

Imphendvulo. Onke emaTalente etfu angewakhe siyacelwa kutsi siwasebentisele kundvumisa. Roma 12:1,2; 1 Korinte 6:20; Kolose 3:17.

Umbuto 4. Kufuneka simnike malini Nkhulunkulu?

Imphendvulo. Yonke imali yetfu ngeyakhe. Tsine singebabhapathiswa bakhe, konkhe kwetfu kwakhe. Uyasivumela kutsi singasebentisa incenye lenkhulu kulesikutfolako kodvwa naye uyilindzele yakhe. 1 Korinte 4:2; Malaki 3:10.

Umbuto 5. MaJuda bekanikela njani?

Imphendvulo. Ngekweshumi, nemihlatshelo.

Umbuto 6. EmaKrestu wona anikela njani?

Imphendvulo. Konke, ngetulu kwekunikela kwemaJuda ngobe Nkhulunkhulu usentele lokukhulu (tonkhe tintfo).

Umbuto 7. Sikhatsi setfu, nemaTalenta etfu nemali yetfu Kanye nemphilo yetfu kufuneka sikusebentise ngayiphi injongo?

Imphendvulo. Ngenjongo yekuDvumisa Krestu nekutisindzisa nekusindzisa labanye emakhaya nasetindzaweni tonkhe. Roma 12:1,2; 1 Korinte 6:19,20.

Umbuto 8. Ngabe siyotilandza ngebuGosa betfu?

Imphendvulo. Kakhulu. 1 Korinte 4:2.

Umbuto 9. Kuyokwentekani uma sitfolakala singakholekile ebuGoseni betfu?

Imphendvulo. Sifundzisiwe kutsi emaGosa langakatsembeki iNkhosi iyawacosha. Luka 16:1-13.

Umbuto 10. Kuyokwentekani uma singemaGosa latsembekile?

Imphendvulo. Fundza. Matewu 25:14-30.

SIFUNDVO 8

IMPHILO YEBUKRESTU

Umbuto 1. Ngabe kusifanele yini kutsi sikhule ngebuKrestu?

Imphendvulo. Yebo kufanele. 2 Petro 1:5-11.

Umbuto 2. Shono tibusiso letiyinkhomba lokumele sibe nato njengemaKrestu?

Imphendvulo. Kwengeta, lwati, kutibamba, kubeketela, buThico, lutsandvo lebuzalwane, nemusa.

Umbuto 3. Yini lengahle isisite te sikhule ebuKrestwini?

Imphendvulo. Umkhuleko. Johane 15:7.

Umbuto 4. Uyini umkhuleko?

Imphendvulo. Kukhuluma naNkhuluunkulu eligameni laJesu Krestu.

Umbuto 5. Kufanele kwekutsi sikhuleke nini?

Imphendvulo. Sikhuleke singayekeli. 1 Thesalonika 5:17.

Umbuto 6. Siwutfolaphi umkhuleko weNkhosi?

Imphendvulo. kuMatewu 6:9-12.

Umbuto 7. Kufanele sithandaze njani?

Imphendvulo. Ngelukholo, singangabati. Jakobe 1:6. Futsi nangekwwetsemba kuNkhulunkulu ngentsandvo yakhe. Netetsembiso lasetsembisa tona.

Umbuto 8. Ngukuphi lokunye lokungasisita te sikhule?

Imphendvulo. Kufundzisisa livi leNkhosi te sitfole intsandvo yakhe. 2 Timothi 2:15; 3:14-17.

Umbuto 9. Ana sesitsite ekufundzeni kwetfu sayibona intsandvo yaNkhulunkulu, kufuneka kwekutsi sentenjani?

Imphendvulo. Kumele kwekutsi silitfobele bese senta intsandvo yakhe ngemandla etfu onkhe. Jakobe 1:22.

Umbuto 10. Ngukuphi lokunye lokungasisita sikhule ngebuKrestu?

Imphendvulo. Kukhutsalela kuyanjalo eNkhonzweni. Heberu 10:25.

Umbuto 11. Kushumayela kunemsebentimuni ekukhulekeni kwetfu?

Imphendvulo. Kusisita kakhulu. Ngobe kushumayela kungukumemetela intsandvo yaNkhulunkhulu njengaloku imbuliwe evini laKrestu.

Umbuto 12. Pho kufanele kutsi mine ngenteni te ngikhule?

Imphendvulo. Kumele usebentele lwakho lusindziso, ngekwesaba nangekutfutfumela. Filipu 2:12.

Umbuto 13. Kumele kakhulukati ngenteni ngebuKrestu bami?

Imphendvulo. Kufuneka uphile ngabo onkhe emalanga utame kumtfokotisa nekwebelana nalabanye emhlabeni njengobe kushiwo kuMatewu 28:19,20; Kolose 3:17.

MITSETFO LELISHUMI TE UPHILE IMPHILO

0811 - Seswati

LENEMPHUMELELO EBUKRESTWINI

D. DeWelt

UMTSETFO WEKUCALA:

Khumbula kwekutsi imphilo yeMkrestu ibekeke kuye nekutimisela lanako umKrestu kwekuba atame kakhulu kwekuba imitamo yakhe kuba ngeyekuphilela Krestu ngenhlitiyo yakhe yonkhe.

KubaseFiliphi 3:13,14. "Bazalwane, angisho kutsi mina lucobo sengikubambile; ngibuke emgomeni, emklomelweni wekubitwa lokukhulu kwasetulu/nguMkhulunkhulu kuJesu Krestu."

KubaseFiliphi 2:12,13. "Fezani kusindziswa kwenu ngekwesaba nangekutfutfumela, ngobe nguNkhulunkulu losebenta kini nekutsandza nekwenta njengentsandvo yakhe."

UMTSETFO WESIBILI:

Fundza liBhayibheli Ngendlela Lefanele:

A. Loku kwentenjalo ubeke sikhatsi lesihle njalo ngelilanga. (Kodvwa ekuseni kuncono kakhulu).

B. LiBhayibheli lingafundvwa ngalendlela lelandzelako.

1. Indlela Yekufundza Incwadzi - Loko kungukufundza sibili, kufundza incwadazi uyicedze ngaleso sikhatsi. (Hleze lomunye angacala ngencwadzi yakaJohane nobe yeTento).

2. Bana Nesihloko - Loko ngiko kufundzisisa liBhayibheli, macondzana netihloko, njengaleti: lutsandvo, lukholo, kutinikela, nobe ngelibandla. Tincwadzi letibanetihloko tiba ngulelikhulu lusito ekufundzeni kwakho, nawa emagama aletincwadzi letinelusito, "Topical text book or concordance."

3. Indlela Yembhali - Umbhali ukhetsile futsi wasebentisa ikhonkodesi te nawe usitakale utfole tindzawana eBhayibhelini njengoba umbhali achazile. Kantsi neliBhayibheli lokutsiwa yi "cross reference Bible" linelusito lolukhulu ekufundzeni kwakho. Ana usebentisa tincwadzi letinjenqaleto kuyokwenta kutsi ukuwati kugcina lokutsite engcondvweni yakho futsi kutsi njengaloku ufundzile nawe kubekhona lokutfolile LOKULUSITO EMPHILWENI YAKHO LUCOBO.

C. Uma ufundza liBhayibheli kufuneka kwekutsi utibute uphindze uphendvule lemibuto lelandzelako macondzana naleyondzawo lofundza kuyo:

1. Ngubani lokhulumako?

2. Ngayiphi injongo?

3. Kwabe kungusiphi sikhatsi?

4. Ukhuluma nabani?

5. Ngephasi kwasiphi sihloko?

UMTSETFO WESITFATFU:

Umkhuleko wamalanga onkhe.

KubaseFiliphi 4:6. "Ningakhatsateki ngalutfo, kepha kuko konkhe ticelo tenu atatiwe nguNkhulunkhulu ngekukhuleka, nekuncusa kanye nekubonga.

A. Khuleka TIKHATSI TONKHE NGELILANGA. Kungenteka kwekutsi tikhatsi letimbalwa ngelilanga, kodvwa nobe kunjalo wena ciniseka kutsi unato tikhatsi letitsite lotibeke eceleni wentela kuba ukhuleke ngato, kungabi bikho lolukutsikametako ngaleso sikhatsi. Labanengi bayadibana emkhulekweni ngenjongo yekufundza nalabanye liBhayibheli.

B. Yenta umkhuleko wakho UCACE. Khulekela bantfu labatsite ngenjongo lefanele. Pawula wawakhulekela emakholwa elibandla laKrestu leliseRoma. Fundza kumaRoma 1:9. Njalo ngiyanikhumbula emikhulekweni yami ngincusa kwekuba uma kungenteka ngiphumelele kufika ngentsandvo ngaNkhulunkhulu, ngiphumelele kufika kini. "Phonsani tonkhe tinkhatsato tenu kuye ngobe yena uyanikhatsalela."

C. Khuleka ngekuphimisela NGENHLONIPHO NEKUTFOBEKA utfobela intsandvo yaNkhulunkhulu. Ana Nkhulunkhulu sayembulile intsandvo yakhe ngako masisondzele ngesibindzi esihlalweni semusa waNkhulunkhulu sime etukwetetsembiso taNkhulunkhulu sinelitsemba lokwemukela, kodvwa ana ngabe intsandvo yaNkhulunkhulu ayikakembulwa kufanele kutsi sitinikele kuye. Yena lowehlulela labalungile, sikhuleke sitsi intsandvo yakho ayentiwe emhlabeni, site siyemukele intsandvo yakhe ana seyembuliwe nakitsi.

Kukhuleka kungukuphefumula kwemKrestu, ngako-ke ungawuvali umoya. KubaseKolose 4:2-6.

UMTSETFO WESINE:

Beka Embili Umtamo Wekutfola Labanye Ubaholele KuKrestu.

A. Jesu watsi WONKHE UMKRESTU kufanele kwekuba abe "NGUKUKHANYA KWEMHLABA". Matewu 5:14. Loko kukhanya lokukhulunywa ngako kushiwo imfundziso nga Jesu ngelivi, nangetento. Kodvwa kusukela "kukholwa kuta ngekuva, kuva livi laKrestu". KubaseRoma 10:17. LABANYE ANGEKE BAKHOLWE FUTSI NGEKE BAGUCUKE NGEPHANDLE kwekuba wena ute ufike kubo nelivi laKrestu. Loko akusiwo umsebenti wemfundisi yedvwana. KRESTU NAWE UKUNIKILE UMTFWALO WEKUBA NGUKUKHANYA KWELIVE, NGALENDLELA.

B. Watsi Jesu WONKE UMKRESTU ufanele kutsi abe "LUSWAYI LWEMHLABA". Matewu 5:13. Luswayi lwakamoya luvimbela live kutsi lingabhubhi luyimfundziso ya Jesu Krestu. Leyomfundziso kufanele kutsi yentiwe NGEBALANDZELI BAKHE. Watsi NINA niluswayi lwemhlaba siba naloluswayi ngesimanga sekufundzisa imfundziso yakhe kulabanye te balondvoloteke bangabhubhi; KRESTU NAWE UKWETFWESILE UMTFWALO WEKUBA UBE LUSWAYI LWEMHLABA NGALENDLELA.

C. Ebandleni le Testamente leliSha WONKE UMKRESTU WABE ANGUMSHUMAYELI WELIVI. Tento 8:4, "Labehlukene base bahamba bashumayela livi levangeli, labo kwabe kungemaKrestu elibandla laseJerusalema labahamba yonkhe INDZAWO BASHUMAYELA LIVI". Ana ngabe sifuna kulandzela indlela yeliBhayibheli kufuneka WONKHE UMKRESTU ALANDZELE TIBONELO TEBAPOSTOLI TEKUSHUMAYELA LIVI. Akusho kutsi bonkhe bebashumayela elibandleni njalo kodvwa bebativa banemtfwalo WOKUTSI BAYEWUFUNA LABANYE BABAHOLELE KUKRESTU.

"Krestu akanato tandla kepha tsine sitandla takhe tokwenta umsebenti Wakhe lomuhla. Akanato futsi tinyawo kephana tsine sitinyawo takhe tekuholela ebantfu eNdleleni yakhe; ute lulwimi kephana singilo lulwimi lokutjela ebantfu kutsi wafa njani; akakwati kutisita kephana tsine silusito kuye lekuba sibuyise bonke bantfu kuye.

UMTSETFO WESIHLANU:

Hlukana Nebangani Lababi.

A. Ana umKrestu afuna kuhambisana nebangani lababi kuliciniso loku lokushiwo nguNkhulunkhulu evini lakhe ana atsi; "Ningayengwa kwetayelana nalababi loko konakalisa kutiphatsa lokuhle". 1 Korinte 15:33.

B. Kephana ana ufuna kubusiseka njengemntfwana waNkhulunkhulu ubengu- "Mkrestu" lotfokotile, "Ungahambi ngeteluleko takababi, ungemi endleleni yetoni, ungahlali enkhundleni yalabadzelelako". Emahubo 1:1.

C. Loko akusho kutsi tsine sitente labangcwele embikwabo kephana similo setfu etininini tetfu takulelive, kephana kufanele kutsi sikhulume, sente, konkhe siticabangela kwekutsi tsine singemaKrestu latinikele nabo bayibone leyontfo kitsi. Ngenca yokwentanjalo kuyokwenteka basabe kwenta lokubi, bate badonseleke kuKrestu ngesimanga setfu, nobe mhlawumbe bavele bahlukane natsi. Asewufundze letitinewadzi ngalokukhulu kunakekela. Kubase Roma 6:16,17; KubaseRoma 12:1,2; 2 Korinte 6:14-17.

Bukisisa ana ngabe ebangani bakho bakukhubekisa ungabe usakwati kukhuleka.

UMTSETFO WESITFUPHA:

Tsembeka Uhambele Tonkhe Tinkhonzo Telibandla.

A. Khumbula kutsi TONKHE TINKHONZO TELIBANDLA TENTIWE NGENJONGO YEKUTSI NAWE USITAKALE. Ngobe kuyashunyayelwa, kuhlatjelelwe emaculo, kwentiwe Sidlo seNkhosi, kube budlelwane ekunikeleni, konkhe loku KWENTELWE WENA: Ana nje wena uke wasuka kuletotintfo sewutama kwehlula intsandvo nenjongo yelibandla ana lihlangene.

B. Khumbula kutsi NKHULUNKHULU WALAYETA ELIVINI LAKHE ATSI "Singakuyeki kuhlangana kwetfu njengekwemkhuba walabanye masivuselelane, ikakhulu njengobe nilibona lilanga lisondzela". EmaHeberu 10:25.

C. Khumbula kutsi ANA UKE WANGETI ESIDLWENI SENKHOSI NGEMABOMU LOKO KUTOKWENTA KUTSI SIBE BUTSAKATSAKA, SIGULE, TE KUTSI UMPHUMELA WALOKO KUBE NGUKUFA EMOYENI. 1 Korinte 11:30; Johane 6:53-58. Kutebesela sidlo seNkhosi kubonisa kunganaki tibonelo tebapostoli (Tento 20:7; Tento 2:42). Futsi kungukungawulaleli umtsetfo waKrestu. Luka 22:19.

Asikwati kwekutsi sitsi siyamtsandza Krestu kodvwa sibe singafuni kungena eliBandleni lakhe lona lelingumakoti Wakhe. Kubase-Efesu 5:25.

UMTSETFO WESIKHOMBISA:

Tfobela licebo laNkhulunkhulu Lekunikela.

A. Kwemukela ngekweshumi kulicebo laNkhulunkhulu te kondleke labo labenta umsebenti wakhe 1 Korinte 9:13,14. "Anati yini kwekutsi labaphetse imisebenti yelithempheli badla kwelithempheli nekutsi labaphetse ealtare bahlanganyela ealtare? Ngalokunjalo iNkhosi imisile kwekutsi labamemetela livangeli baphile ngelivangeli". (Lawomavi akhulunywa ngebapristi lebabesebenta elithemphelini ngetikhatsi teli Testamente leliidzala utsi labasebenta elithemphelini batewudla kwelithempheli, nanyalo Pawula utsi BANESABELO SABO ngesimanga semisebenti yabo kantsi lesosabelo singalapho bantfu bente khona kweshumi kwabo neminikelo). Nyalo-ke Pawula lenamfundziso uyibhekisa kubefundisi belivangeli ana atsi, "Ngalokunjaloo (nobe ngayona leyondlela). Nkhulunkhulu umisile (nobe wente umtsetfo) wekutsi labo labamemetela livangeli kumele baphile ngalo".

B. Abrahama wakhipha kweshumi kuMelkizedeki ngo 200 B.C. Kwendlula iminyaka lengu 400 EMBIKWEKUTSI kumiswe umtsetfo. Kantsi Jakobe yena wakhipha kweshumi nga 1800 B.C. Kuse iminyaka lengu 300 EMBIKWEKUTSI kumiswe umtsetfo. Ngesimanga saloko kuyabonakala kutsi loko kwaba sisekelo lesifanele kwekutsi semukele ngumhlaba wonke, kantsi futsi bekungeke kwekutsi loko kubetselwe esiphambanweni ana kubetselwa uMtsetfo, ngobe leyomtsetfo leyabetselwa nguleyo leyabe inikwe sive saka-Israyeli kuphela. Genesise 14:20; EmaHeberu 7:1-10; Genesise 28:22.

C. Jesu waliphakamisa kakhulu lizinga leTestamente leliDzala. Amange alehlise lizinga. Matewu 5:21-22; Matewu 5:43,44; Matewu 5:20. Ngesimanga sekweshumi kumele kube NGUBUNCANYANE bemnikelo wetfu.

Asitfoli ndzawo lapho kutsi kwake kwabakhona umKrestu loyinikele yonkhe imphilo yakhe, anikela ngekweshumi kuNkhulunkhulu, kodvwa kephana akangabusiseka, sitfola kutsi bonkhe labakwentako loko bayabusiseka futsi bakwati kutifeza tonkhe tidzingo tabo ngobe babusiswa ngentfokoto.

UMTSETFO WESIPHOHLONGO:

Asewubukeyete Yonke Inzuzo Loyitfolile Njengobe SewungumKrestunjej.

ASEWUCABANGE NJE-

A. Nkhulunkhulu ukutsandza sibili ngobe utsite akubona usoni nesitsa kephana wayitfumela iNdvodzana Yakhe lokungukuphela kwayo te ikusindzise nawe ikwente ube nenjabulo. KubaseRoma 5:6-8.

B. Tonkhe tono titsetselelwe. Angati kutsi inhlitiyo yami iJabula njani "inentfokoto lengakhulumeki futsi kugcwele inkhatimulo" ana sicabanga ngalamaciniso lamangalisayo.

C. Manje Krestu longumkhulumeli wakho kuYise njengemmeli wakho ukutsetselele tonkhe tono takho ngekugucuka nje nekukhuleka.

D. Sewunesipho sakho lesiphuma kuNkhulunkhulu uMoya loNgcwele lohlala enhhlitiyweni yakho ute ugcwalise nembeza wemphilo yakho.

E. Nyalo sewulilungu lemtimba kaKrestu LiBandla Lakhe futsi sewunebafowenu labatinkhulungwane nabodzadzewenu kuKrestu labatfokota kanye nawe, bakhale kanye nawe te nicinisane lomunye nalomunye.

UmKrestu unjinge kwendlula bonkhe bantfu labakhona.

UMTSETFO WESISHIYAGALOLUNYE:

Ungapheli Emandla.

A. Khumbulo umsebenti wakho. Umsebenti wakho lomkhulu emhlabeni waNkhulunkhulu ngukusindzisa miphefumulo uyiyise kuJesu yena lowabafela bonkhe.

B. Khumbula "basi" wakho loyiNkhosi Jesu Krestu; Ngaye Nkhulunkhulu usiphile konkhe "tonkhe tintfo". KubaseRoma 8:34. "Ana singenamandla uyasicinisa yena". Ana sifuna kuhlakanipha kufuneka sikucele kuye yena utawusipha ngesihle. Jakobe 1:5.


C. Khumbula kwekutsi unemvuzo wakho. Umvuzo wemaKrestu lakhutsele emsebentini ekuzuza miphefumulo ayizuzela kuKrestu futsi aba nelitsemba nesiciniseko sekungena ezulwini.

D. Khumbula ummangaleli wakho, sathane uhlakaniphe kakhulu futsi uhlala alungele kuhlupha bantfwana baNkhulunkhulu. Yinye kuphela indlela yekumehlula sathane lona, ngemkhuleko, nekufundza liBhayibheli, nekufakaza. Sondzela kuNkhulunkhulu ngaleyondlela Sathane yena utawuvele abaleke.

Singaphela njani emandla ana sicabanga indlela langaphoceka ngayo uMsindzisi wetfu?

UMTSETFO WELISHUMI:

Condzisisa kahle ngendlela Nkhulunkhulu aphila ngayo.

A. Nkhulunkhulu uyibuke lemphilo njengemphilo yetfu sitihambi nabofakazi. Genesise 47:9; 1 Petru 2:11; emaHeberu 11:13. Loku kusho kutsi "siyendlula kulomhlaba usimikisa kuwengunaphakade. Ngenca yaloko kufuneka tingcondvo tetfu tiyibeke kancane nje etinhlitiyweni intfo lesinayo kulelive kepha sati kutsi tiyendlula nobe kulabanye tiligugu nje.

B. Nkhulunkhulu utsandza kutsi wonke umuntfu lophilako lapha emhlabeni atibone kutsi uphila emoyeni nje kepha ingunaphakade lakhe uyolidlela kwenye yaletindzawo ezulwini noma esihogweni, lokho-ke kusekutsini umuntfu ngekwakhe wenteni ngesimanga saJesu. Johane 14:6; Johane 3:36; Marko 16:16. Kutsi bengentani ngaJesu loko kungumtfwalo wakho. Fundza kuHezekeli 3:16-21 ne Tento 8:4.

C. Nkhulunkhulu utsandza kutsi wati kwekutsi imphilo ifana nenkhungu levele inyamalale nje, nanjengesitfunti (Umshumayeli 6:12). Kufuneka sikwati loko kutsi liningi lebantfu labaphilako lomuhla angeke basalitfola litfuba lokwemukela Jesu Krestu; kodvwa lomuhlanje ngilo lilanga lekuba nobe belahlekile batjele phela kutsi Jesu unguMsindzisi lonemandla?

"Kukhona imphilo leyodvwa lesiyiphilako; kwesibili siyendlula masinyane; ngabe wena umenteleni Krestu loko lokwentile kuyohlala sikhatsi lesidze"?

KUZUZA IMIPHEFUMULO KUTITSELO - TEBUKRESTU

0906 - Seswati

Ngu Richard Laue

Sitselo salolungile singumutsi wekuphila, naloohlakaniphile uyazuza miphefumulo. Taga 11:30. Sitselo semKrestu singukuzuza imiphefumulo. Tonkhe letinye tintfo tilandzela lomsebenti lomuhle. Kufundisa kuhambisa sidlo seNkhosi, kuhlabelela ekhwayeni, nekutsi ubelilunga lelilungile konkhe kuyalandzela kulomsebenti lomkhulu wekuzuza labanye. Jesu watsi, ngobe iNdvodzana yeMuntfu yetela kufuna nekusindzisa loko lokulahlekile. UMpostol Pawula watsi, etukwako konkhe ngitsandza kuzuza labanye. Kenneth T. Taylor wachaza emavi eTaga watsi, "Sitselo salolungiule singumutsi wekuphila nalohlakaniphile uyazuza imiphefumulo." Bantfu baNkhulunkulu bangumutsi lokhula utfwele sitselo sekuphila, kantsi lohlakaniphile uzuza miphefumulo." Nobe umuntfu lozuza ludvumo uhlakaniphile, nobe lonemfundvo uhlakaniphile. Kodvwa, "Loyo lozuza miphefumulo uhlakaniphile."

Watsi Solomoni, "Milente yenyonga iyalengalenga." Taga 26:7. Emabandla lamanengi. nebeantfu labanengi baNkhulunkhulu lomuhla nje bayachuta ngobe milente yabo ayilingani. Linengi lemaBandla linemilente lelinganako ebudlelwaneni, emfundvweni, etifundzisweni, nasekutfokoteni, kepha macondzana nekuzuza imiphefumulo siyashoda. Bese kutsi imiphumela yaloko sibe nemabandla lachutako. Asemane setame kwekutsi sente imilente yeNkhosi ilingane te sichubeke sitsi, "Maye tinhle tinyawo talabashumayela tindzaba letinhle livangeli lekuthula, tindzaba letimnandzi, netintfo letinhle.

Asilandzele lokukubaluleka bekuzuza imiphefumulo. Nkhulunkhulu akubusise te ube nguMkrestu lotfwele titselo. Letitintfo tibalulekile ana uzuza imiphefumulo.

1. Kufuneka wati kutsi usindzisiwe

Njengekutsi ngeke utsi ungemange uye endzaweni bese ukwati kulayela lomunye. Nawe ngeke uholele umuntfu kuMsindzisi ungakasindziswa wena. Sibindzi, nemandla kukulabo lebatatiko kutsi basindzisiwe. Kuba liluunga lelibandla angeke kwakwenta umzuzi wemiphefumulo. Kufuneka kwekutsi wati kutsi usindzisiwe, nekutsi Krestu uyaphila futsi uyasebenta emphilweni yakho. Caphela lamavesi ngekuciniseka 1 Johane 2:3-6; 2 Timotewu 1:12, kumaHeberu 10:22.

2. Kumele uhambe:

Utsi umhlabeleli, "lohamba akhala tinyembeti, aphetse imbewu yekuhlanyela, utawubuya ngekutfokota, aphetse tinyandza. (EmaHubo 126:6) Kuzuza imiphefumulo kufuneka kwekutsi ucondzise emehlo akho, inhlitiyo nengcondvo, esonini lesilahlekile, bese uya kuye neliVangeli. Kufuneka uphindze uhambe fusi, njalo njalo ana kunesidzingo. Ucondze endleleni leya kuso utsi, kukhona umuntfu lodukile, lokufuneka ngimvakashele njalo ngeMsombuluko ebusuku aze amukele Krestu, njengeMsindzisi wakhe. Utsi umkhuleko lomkhulu. "HAMBANI." Mat. 28:18-20.

3. Bana ngumelusi wemiphefumulo:

Tifundzise ngekwakho kucabanga njalo uma uhlangana nemuntfu longamati, "ngabe ulahlekile, nobe usindzisiwe?" Nonopha-ke ukwati loko masinyane. Batisise labonamtfu lohlangana nabo wonkhe malanga kwekutsi batewucitsa ingunaphakade kulenye indzawo. Yiba nemkhuba wekunakekela indzawo yemphefumulo walomuntfu. Ubokwenta njenga John Wesley, utsi, "Umhlaba yindzawo yetfu." Nekutsi bonke labo labangakasindziswa bangumtwalo wetfu.

4. Phatsa livi laNkhulunkhulu:

Ngekwami ngibone kuncono kuhlala uphetse liTestamente leLisha, kuneliBhayibheli. Ungabi nemahloni ngeliBhayibheli, modvwa liTestamente leliSha liphatseka kalula nobe ngabe uyaphi. Ungahambi ngephandle kweLivi laNkhuluunkhulu ngobe ngeke wati ana sekufika litfuba lekutsi uzuze umphefumulo. Umzuzi wemiphefumulo kufanele afanane nebafana bema-Scouts-tilungisele.

5. Hamba nalabanye:

Linengi lebaseTestamenteni leLisha ngeLisha ngebazuzu bemiphefumulo bebahamba ngababili. Kunetizatfwanyana letimbalwa. (1) Kunika emandla ekuhambisana, Lomunye uvuselela lo,unye. (2) Kubhaliwe Jesu watfuma bafundzi bakheh ngababili. (3) Ekusiteni nasekukhanyiseni indlela. Utsi lomunye esakhuluma lomunye abe ecabanga ngesimo nekungena emitini.

6. Kholwa kutsi umphefumulo utawusindziswa:

Ana usacala nje kuphuma, cabangisisa kutsi utawuhlangana nesoni lesidzinga Krestu. Ungaphumi nje ngobe ufuna kutsiwe nawe uyahamba. Shono loku usatewungena endlini, "Nkhosi ngiyakholwa kutsi lababantfu labakulomuti batewusindziswa lomuhla." Lalela kutsi Jesu watsini, Jesu wase utsi kuye, "Ana unemandla konkhe kungenteka kuye lokholwako. Marko 9:33. Hamba ngelukholo.

7. Bana nemusa nesihawu:

Timisele, ubenemusa ana utewungena emtini, emvakokuba umenyiwa emakhaya abo. Ebantfu labanengi malanga lamanengi kodvwa bangakaze baweve emavi lamnandzi. Sihlala emhlabeni lokhohlakele. Ebantfu labatsandza kunaka tintfo letinhle. Ticaphele Ungabi nenkhanikodvwa veta Jesu Krestu. Ungashumayeli umlilo wesihogo nesibabuli. Loko kuyeke kutokwenta umshumayeli ngeliSontfo. Wena hamba uyoncenga bantfu ubatsandze te bemukele Jesu.

8. Caphelisisa emandla aNkhulunkulu lamakhulu evini lakhe:

Livi laNkhulunkulu lisikhali. Nkhulunkulu watsi kuJeremiya, Jeremiya 23:29. "Livi alinjengemlilo na, ushonjalo Jehova, nanjengesandvo sephila litje na?" Ebantfu basindziswa ngemandla elivi. Ungativeti wena-Njalo veta livi laNkhulunkhulu bantfu batewusindziswa. Caphela lawamavesi 2:3:16, MaHeberu 4:12.

9. Caphelisisa emandla aNkhulunkulu emithandazweni:

Watsi Jesu, "Cela utawuphiwa, funa urawutfola, Nchonchotsa utawuvulela, Ngobe nobe ngubani locelako utawuphiwa, naloyo lofunako utawufumana, kanjalo naloyo lonchonchotsako utawuvulelwa," (Matewu 7:7-8). Loko kusho kutsi ana ucela Nkhulunkhulu kwekutsi asindzise uphefumulo, utawukwenta loko. Umthandazo ungemandla lamangalisako kumuntfu lozuza miphefumulo. Caphelisisa lamaVesi Matewu 21:22; Johane 16:24; Jakobe 4:2.

10. Caphelisisa emandla lamakhulu eMoyeni loNgcwele:

Tinkhulungwane letintsatfu letasindziswa ngemhla wePentekoste ngobe bafundzi babagcwele uMoya loNgcwele. UMoya wagcwalisa emadvodza, nalabasikati, Lomuhlanje singabona miphefumulo leminengi isindziswa. Watsi Jesu, "Ningakhatsateki, ana sewufikile uMoya weliciniso, utaniholela kulo lonkhe liciniso, ngobe angeke akhulume ngekwakhe kodvwa loko lakuvako uyakukhuluma, anikele lokutako." (Johane 16:13-14). UMoya loNgcwele utawusibonisa kwekutsi singayizuza njani imiphefumulo. Cela emandla kuNkhuluunkul; Kute ukwati kuzuza imiphefumulo.

11. Bana nekubonisana:

Ana ungena emtini, yiba nentfo loyishoko, bente bantfu bative bakhululekile. Bingela bonke ekhaya.

12. Hlala esifundvweni sakho:

Sathane utawutama kwekutsi akususe esifundvweni lesicondzene neLusindziso. Kodvwa wena chubeka. Lol;iwe unjinge nje lomuhla kungobe wacinisela kadzeni kuhamba etukwaJantji. Emabandla afile lomuhla nje ngobe tsine sibuye siyekele kubeketela. Intfo lenkhulu emabandleni ngukutsi sizuze imiphefumulo. Hamba ngaleyondlela ungabe usaphuma. Ebantfu batewukubuta imibuto lefana nalena, "Khayini wamtfolaphi umfati?" "Unganatsa kodvwa usindziswe?" "Ucabanga kwekutsi kulungile kuba seNyangeni?" Nanyalo ana lemibuto ichamuka, ubokutsi, "Loyombuto wakho muhle kakhulu kodvwa sitawutsi ana sicedza bese sibuyela kuwo." Hlala esihlokweni sakho.

13. Yetama kutfola indlela yekutfola bantfu labalahlekile:

Awukwati kusindzisa umuntfu longakalahleki. Ana umuntfu agula uyakwati loko, utakulemukhela lusito, kodvwa ana angati angeke alufune lusito. Kunjalo-ke nakutakaMoya. Te sitfole bantfu labalahlekile kumele sisebentise liVi leNkhosi. Sihloko lesilandzelako sitokwenta kutsi atibone kutsi usesimeni lesinjani.

14. Ngabe unquMkrestu?:

Imphendvulo levamisile ngulena, "ngiya kuleliya naleliyaSontfo, " noma "njalo ngiye ngihambe namake ngiye eSontfweni." Kodvwa uyabona, lomuntfu amange awuphendvule kahle umbuto, ngako-ke awukamlandzeli kahle.

15. Ana ungafa lomuhla nje ungaya ezulwini na?:

Loko kuyatentekela, futsi akumenti umuntfu kwekuba njengoba asontsa utoya ezulwini nobe usindzisiwe. Imvamisa yetimphendvulo talomuntfu kutawuba ngukutsi ngiyetsemba nobe atsi angati. "Ngabe ikhona yini lenye indlela yekutsi wati?" Umbuto wesibili lolandzelako.

16. Ngabe uyatsandza kwati na?:

Ngabe uyatsandza kwati kwekutsi uyaya ezulwini nobe awuyi na? Imvamisa yettimphendvulo titsi, Yinindzaba, Yebo ana kungenteka ngingatsandza kwati. Nqulapho kufuneka ucale kuvula livi laNkhulunkhulu, livumele livi laNkhulunkhulu lisebente esonini.

17. Mbonise kutsi bonkhe bonile:

LiTestamente leLisha lembula kutsi, "Akekho lolungile, akekho namunye," (KumaRoma 3:10). "Bonkhe bonile basilelwe yinkhatimulo yaNkhulunkhulu." (Roma 3:23). LiBhayibheli ngumuntfu (Roma 5:2).

18. Mbonise kutsi bonkhe bonile:

Pawula uyasifundzisa kutsi, "Umvuso wesono ngukufa." Roma 6"23. Sono lesingakatsetselelwa sitawumbhubhisa umuntfu. Roma 5:2; Sambulo 20:11-15.

19. Mbonise ngesipho saNkhulunkhulu:

"Umvuzo wesono ngukufa, kodvwa sipho saNkhuluunkulu ngukuphila kwaphakade ngaJesu Krestu iNkhosi yetfu." (EmaRoma 6:23). Johane 3:16 kuyabonisa kutsi Nkhulunkhulu uyabatsandza ebantfu kakhulu wate wanikela ngeNdvodzane yakhe lengukuphela kwayo. Jesu ulihlawulile licala lesono. (Roma 5:8) Buyeketa konkhe njalo.

20. Mbute kutsi uyatsandza yini kutfola sipho sankhulunkhulu:

Noma angamemukela yini Jesu njengeMsindzisi wakhe, te tono takhe titsetselelwe. Johane 1:12. "Kepha bonkhe labamemukelako wabapha emandla ekuba babengebantfwana baNkhulunkhulu." Labo labakholwa egameni lakhe. Sipho akusiso sipho ana singakemukelwa. Mbonise iSambulo 3:20 kulelophuzu. Mtjele kwekutsi te amukele Krestu neticiniseko telusindziso, kumele ente loku....

21. Kholwa kuNkhulunkhulu:

Umbhali wemaHebheru utsi. "Ngephandle kwekukholwa asikwati kumtfokotisa ngobe lovo lota kuNkhulunkulu kumele kwekutsi akholwe kutsi nguve umvuzi walabo labamfunako." (KumaHeberu 11:6). Lukholo lusisekelo sensindziso ngobe avikho lenve indlela vekusindziswa ngephandle kwelukholo. LiBhavibheli livasembulela kutsi "Kukholwa kuta ngekuva, kuva livi laNkhulunkhulu."

22. Phendvuka etonweni:

Kuphendvuka nekukholwa kuvintfo lemiswe nguNkhulunkhulu. Luka 13:3-5; nasencwadzini veTento 17:30 lapho sitfola sidzingo sekuphendvuka ngobe kuphendvuka kunguhushintja kwengcondo nenhlitivo kanye nesimo sekutiphatsa.

23. Kufuneka uvume:

Te usindziswe kufuneka wente sivumo sokholo lwakho uphendvuke bese uvuma. Buka kuMatewu 10:32 nakubaseRoma 10:9. Uvakholwa ngenhlitivo, ngemlomo uvume iNkhosi lenguJesu.

24. Kufuneka utalwe kabusha:

Mchazele ngekutalwa kabusha, njengobe Jesu alinganisa ana akhuluma naNikhodemu kuJohane 3:1-5. Watsi kumele atalwe kabusha ngeMoya nangemanti. Kutalwa ngemanti kuphela lesikutfola eTestamenteni leLisha lokungilonaBhabhadiso lebuKrestu. Bese usebentisa Marko 16:16; Tento 2:38; kubaseKolose 2:12; kumaRoma 6:3-6.

25. Ngabe sewuytayekela lapho:

Mkhutsate kwekuba atalwe kabusha futsi, te amukele uMsindzisi. Limise-ke ngesihloko kwekutsi ubacele bemukele Krestu. 2 Korinte 6:2 mbonise kwekutsi lomhlanje lilanga lekusindziswa. Kumele kwekutsi sisindziswe litfuba lisekhona. Bacele "kwekutsi basindziswe bese babita liGama leNkhosi." (KumaRoma 10:13).

26. Bakhutsate kwekutsi bacwiliswe:

Kanenginengi bantfu eTestamenteni leliSha bebabhabhadiswa, ngwa lobobusuku nobe ngabe bamamkele nini Krestu bese bayabhabhadiswa ngalesosikhatsi. Kwemukela Krestu nekubhabhadiselwa kuKrestu kufanele nobe kanjani kusheshiswe.

27. Khuleka embikwekutsi uhambe:

Noma kukuphi nobe kunini, kumele, khuleka kabye nabo utisondzete kakhulu kubo. Ana ubaholela kuKrestu kumele kwekutsi ubabuke, ubasite te bakhule emuseni nasekwatini iNkhosi.

Siphetfo:

Unqalibali kwekutsi kuzuza imiphefumulo vikona kwekucala nalokubalulekile kakhulu nemsebenti wemKrestu eliBandleni. Ana uncobile lovomphefumulo utawasindziswa te kube phakade, tama-ke kwenta lokutsite nawe, ana andemange kusho kwekutsi lencwadzi vehlulekile kwenta umsebenti ndesimanga sakho

LISONTFO EBHAYIBHELINI

0934 - Siswati

1. Ingabe lesisho lesitsi lisontfo njengaloku Kuchaziwe eBhayibhelini, ingabe yini inchazelo lokungiyo.

A. Macondzana neligama lesiGriki "ekklesia", ngesiNgisi silihumusha ngekutsi "libandla", lichaza "Inhlangano lebumbene".

B. Lisetjentiswa ngetindlela letinengi te kugcwaliseke nobe ngabe nguyiphi inhlanganyelo lebumbene nobe ngayiphi inhloso. Loku kubonakaliswe encwadzini yeMisebenti 19:23-41. "Iekklesia" isetjentiswe tikhatsi letintsatfu, kanye evesini laka 32: "Labanye bamemeta lokunye nalabanye lokunye, ngobe libandla layalutela. Labanengi amange bati kutsi babutsene ngani. Kulesisisho sisitfola sifaniswa nelibandla lengcebo ebantfu bafaniswe nemsebenti. Buka livesi laka 25. Futsi kusetjentisiwe evesini laka 39: "Kepha ana nifuna lokutsite etukwaloko, kuyalungiswa elibandleni lelimisiwe." Lapha lichazwa njengekwemtsetfo wesiGriki. Kusetjentiswa kwesitsatfu kutfolakala evesini laka 41: "Sakushilo loko, walimukisa libandla." Loku kuyatsintsana nelibandla njengaloku kushiwo kuvesi 32. Kusetjentiswa lokugcwele kuyatfolakala kuMisebenti 7:38. "Nguye loyo lowabe aselibandleni ehlane kanye nengelosi leyakhuluma naye entsabeni yaseSinayi kanye nabobabe, nalowemukel'emavi ekuphila, te aninike wona." Lapha-ke kutsintsa libandla lebantfwana baka-Israyeli, lababitwa nguNkhulunkhulu eveni laseGibhite.

C. Jesu utsatsa lesisisho sonkhe usihlanganisa nelicembu nobe libandla, lalibita ngekutsi libandla lakhe. Loku kutfolakala kuMatewu 16:18. "Etukwelidvwala leli, ngiyolakha libandla lami." Wabe acondze kwekutsi "Ngiyolikhetsa lami libandla."

2. Ngubobani emalungu elibandla ebhayibhelini?

Bonkhe bantfu labasindzisiwe. Lusindziso nebulungu belisontfo kusho intfo yinye eBhayibhelini. Loku sikutfola kuliciniso ana sifundza Imisebenti 2:47 ... "Bemduvmisa Nkhulunkhulu, batsandzeka kubantfu bonkhe. Inkhosi yenetela elibandleni imihla ngemihla labasindzisiwe." Siyabona kwekutsi sikhatsi sinye, bantfu basindziswa, iNkhosi yandzisa ngabo lisontfo layo. Imibhalo itsi ebantfu bebasindziswa malanga onkhe, kanjalo nebantfu bebangeteka esontfweni leNkhosi. Catsanisa Imisebenti 5:14 nebase-Efesu 1:22-23 lapho liciniso lelifanako liniketiwe.

3. Ngubobani emalunga ekucala elisontfo elibhayibhelini?

Imphendvulo lecondzile kumele ibeyintfo yinye, lokungukutsi "labobantfu labasindziswa kucala." Encwadzini yemisebenti, esahlukweni sesibili sinesibonelo semuntfu wekucala lowasindziswa ngengati yaKrestu etonweni takhe. (Imisebenti 2:14-47). Ngulapho-ke Krestu abita khona libandla lekucala, lelamiswa yimiphefumulo letinkhulungwane letintsatfu. Bonkhe labantfu "babitwa" nguKrestu njengaloku wabe akhulumile ngelivangeli lelashunyayelwa ngebaPostoli. Lababantfu lababitwa "Kwabe kulibandla lakhe," nobe lisontfo lakhe, ngemcondvo locinisekisiwe njengaloku batsengwa ngengati yakhe leyabe kumele iphalale emalangeni lambalwa nje. Akekho namunye lowabe angaba semcondvweni welivi leNkhosi emvakwalesisi khatsi, ngobe kutsengwa kwakhe kwabe kungakafezeki kwadzimate kwafezeka esiphambanweni saseKhalivari.

Phendvula umbuto ngalokucondzile:

Ngubani lowamisa lisontfo njengaloku Jesu atsembisa?

Imphendvulo: NgemaKrestu.

Yini leyabenta babengemaKrestu?

Imphendvulo: Livangeli. KubaseRoma 1:16: "Ngobe anginamahloni ngelivangeli, ngobe lingemandla aNkhulunkhulu, kube yinsindziso kuloyo naloyo lokholwako. 1 baseKorinte 15:1-2. "Kepha ngiyanikhumbuta bazalwane livangeli lenganishumayela lona nenalemukela nalenime kulo, nenasindziswa ngalo."

Yini imbuyiselo legcina umphefumulo kulelivangeli nobe "tindzaba letinhle"?

Imphendvulo: Kufa, kungcwatjwa nekuvuka kwaKrestu. 1 BaseKorinte 15:3-4.

"Ngobe kwekucala nganinika loko lengakwemukela nami kwekutsi Krestu wafa ngesimanga setono tetfu njengakwemibhalo, nekutsi wembelwa, nekutsi wavuswa kulabafile ngelilanga lesitsatfu njengakwemibhalo."

Pho wonke lawamaphuzu ashunyayelwa nini?

Imphendvulo: Ngelilanga lePentekosi edolobheni laseJerusalema, kusele emalanga langemashumi lasihlanu embikwekutsi bafeze. Fundza Imisebenti sahluko sesibili.

Babayini laba labatinkhulungwane letintsatfu kulonambiko?

Imphendvulo: NgemaKrestu ekucala eveni.

Ngekuhlangana njengenhlangano, ingabe lawamaKrestu ahloseni ngaloko?

Imphendvulo: Lisontfo lelo Jesu atsembisa ngalo kuMatewu 16:18.

4. Kwabe kuyini leyabe idzingekile ekubeni usindziswe nobe te kuvikeleke bulungu esontfweni lasebhayibhelini?

A. Baliva livangeli. Imisebenti 2:14-37: "Baliva nini-ke livangeli ..."

B. Bakholelwa elivangelini. Imisebenti 2:37: "Bahlabeka enhlitiyweni."

C. Bafundziswa kwekutsi bavume tono. Imisebenti 2:38: "Kuphendvuka."

D. Wonke emakholwa bekumele avume kukholwa kwabo. KubaseRoma 10:9-10: "Ngobe uma uvuma ngemlomo, ukholwa ngenhlitiyo ekulungeni, kepha ngemlomo uyavuma kube ngukusindziswa."

E. Batjelwa kwekutsi babhapathiswe te batsetselelwe tono batfole sipho saMoya loyiNgcwele. "Petro wase utsi kubo, Phendvukani, nguloyo naloyo abhapathizwe egameni laJesu Krestu kuko kutsetselelwa kwetono tenu, khona niyokwemukeliswa siphiwo saMoya loNgcwele." Imisebenti 2:38.

F. Etukwekubeketela etinyatselweni lesetibekiwe, njengaloku sebasindzisiwe, bendzawonye benta libandla leli Jesu atsembisa ngalo encwadzini yaMatewu 16:18.

5. Nguyiphi imphumelelo lena leyentiwe lisontfo ebhayibhelini lelandzela indzabuko yalo?

Ngokusho kwemibhalo lisontfo eJerusalema labekwa ngetindlela letehlukene ngesikhatsi seMbuso wesiRoma, kepha "bahamba bashumayela yonke indzawo." (Imisebenti 8:1-4). Emabandla asungulwa kulolonkhe laseRoma. Loku kwabe kugcwaliswa ngemitamo yetitfunywa telivangeli, teMpostoli Pawuli nalabanye. Umlandvo ngemphumelelo yaloku ingafundvwa encwadzini yeMisebenti.

6. Ngubani inhloko yelibandla ebhayibhelini?

Krestu nguye inhloko yelibandla ngale nangala. Kubase-Efesu 1:22-23. Sifundza kutsi: "Wakubeka konkhe ngephasi kwetinyawo takhe, wamisa abeyinhloko etulu kwako konke kulo libandla, lokungalo lingumtimba wakhe, kugcwala kwakhe logcwalisa konkhe kubo bonkhe." Krestu waniketa "onkhe emandla." Matewu 28:18. Kuto tonkhe tintfo telisontfo "uniketwe buzibulo." Kolose 1:18.

7. Ngubobani tikhulu telibandla ebhayibhelini?

A. Ngokwesidalo kunetihlalo letisihlanu: ebapostoli, ebaprofethi, ebavangeli, emagosa nebadikoni. Kubase-Efesu 4:11. "Nguye futsi lowanika labanye kwekutsi babengebapostoli, labanye ngebaprofethi, labanye ngebavangeli, labanye ngabelusi nebafundzisi." KubaseFilipu 1:1 sichazelwe ngelihhovisi lemdikoni. Loku kuyatfolakalal futsi ku 1 Thimothi 3:3-13.

B. Tihlalo tekucala letimbili, tebupostoli nebuprofeti, bekutihlalo tesikhashane nje. Besewungekho umsebenti wato ngalesikhatsi umsebenti wato sewufeziwe.

Leliciniso lelamiswa etisekelweni letimbili: (1) Elwatini letiphatsi-mandla. Ebapostoli: Imisebenti 2:22-23. Luka 6:13. Ebaprofethi: 1 Korinte 12:10. (2) Emsebentini wetiphatsi-mandla. Ebapostoli: Luka 24:46-48. Imisebenti 1:8,22. Matewu 16:19. Matewu 18:18. Ebaphrofethi: 1 Korinte 14:29-33. Efesu 3:5. 1 Korinte 13:8-10.

C. Letinye tikhundla letintsatfu elivangelini, ebugoseni nasebudikoneni kungubufundisi lobugcwele lobunikiwe tiphatsi-mandla telisontfo laseBhayibhelini. Kunaletinye tikhundla leti Nkhulunkhulu latinike kwekutsi tihanjiswe ngemtsetfo welisontfo. Nkhulunkulu amange ashiye kuphatfwa kwelisontfo lakhe ekuhlakanipheni nasekwatini kwemuntfu, kepha washiya kitsi emasu akhe ngelivi lakhe lelisiphelelisako emsebentini wakhe lomuhle. 2 Timotewu 3:16-17. Caphelisisa: Sisho lesitsi "umbishobhi" "neligosa" kuwela esikhundleni sinye. Buka ku Titu 1:5-7 naseMisebenti 20:17-18. Caphelisisa futsi: umsebenti wemfundisi wabe nawo wentiwa ligosa emasontfweni akucala.

8. Ingabe lisontfo lisebenta ngephasi kwamuphi hulumende na?

Hulumende walo kuyatiwa kwekutsi kuhlanganyela, kepha ngemitsetfo yemagosa te kuvimbeleke kudideka. Inhlangano ingahlangana ana kunentfo letsite lebalulekile, lokukanye umtsetfo wemagosa ungasetjentiswa te kubuswe umtimba, sincumo sabo singacondziswa yinhloko yelibandla, Jesu Krestu. Fundzisisa ngekucophelela lena mibhalo lelandzelako: Imisebenti 6:1-6; 13:1-3; 1 Korinte 5:4-5; 2 Korinte 8:19; Imsebenti 11:30; 20:17; 21:17-18.

9. Liwubonakalisa njani lisontfo umsebenti walo ebhayibhelini?

Ngekuchubekela ngalokugcwele "Bacinisela njalo esifundzisweni sebapostoli, nasekuhlanganeni, nasekuhlephuleni sinkhwa, nasemikhulekweni." Imisebenti 2:42. Ngekutsi lomunye akhulume kulomunye ngemahubo, ngemaculo, kanye nangemaculo akamoya, kuhlatjelelwe te kufezeke lisu lemculo etinhlitiyweni tabo eNkhosini. Kubase-Efesu 5:19; Kolose 3:16 bese catsanisa Imisebenti 20:7 neMaheberu 10:25.

10. Kutsiwani ngebunye belisontfo eBhayibheli?

Kuphela kunelisontfo "linye" lelichaziwe ku Testamente leliSha. Bunye balo bungagcinwa ngalawa magama lalandzelako lachazwako:

Bubekwa njengemtimba Munye. Kubase-Efesu 1:22-23, 1 Korinte 12:13.

Bubitwa njengemhlambi Munye. Johane 10:16.

Bukhuluma njenge "Bukhosi" bukhosi Bunye. Matewu 16:19.

Bubitwa "njengendlela", indlela Yinye. Imisebenti 9:2.

Bubitwa "njengesakhiwo", saNkhulunkhulu, sakhiwo Sinye. 1 Korinte 3:9.

Bubitwa "njengendlu" yakamoya, indlu Yinye. 1 Petru 2:5.

Bubitwa "njengelisontfo" lisontfo Linye. Matewu 16:18.

Nobe ngukuphi kwehlukana kwemtimba lokuyobakhona kwajeziswa kwalungiswa. 1 BaseKorinte 1:10-13, Roma 16:17-18.

11. Ngumaphi emabito labe anikwe kumuntfu ngamunye nasesontfweni.

A. Kwabe kunemagama lahlukahlukene lanikiwe kumaKrestu ngalinye, ngulelo linenchazelo yalo. Nawa lamanye awo: "Ebafundi" (Imisebenti 6:1) lichaza kutsi "ebafundzi", "Bantfu labangcwele" (Imisebenti 9:13) lesingasho kwekutsi ngumlingiswa longuMkrestu: "Labanemoya" (Imisebenti 6:3) Lesingatsi ngako ngukuhlobana kwemakholwa lahlangana ngabo. "EmaKrestu" (Imisebenti 11:26), lekukhomba bunikati bentfo, lokungukutsi "ngokukaKrestu."

B. Kunalamanye emagama labekiwe kulelicoco lemtimba nobe lisontfo. Nawa lamanye awo:

"Lisontfo" (Imisebenti 9:31) "Lisontfo laNkhulunkhulu" (1 Korinte 1:2)

"Lisontfo lemazibulo" (Heberu 12:23) "Umtimba waKrestu" (1 Korinte 12:27),

"Emasontfo aKrestu" (Roma 16:16), "Lisontfo lalabatiphetse kahle" (1 Korinte 14:33).

Caphela: Lawamagama wonke aniketwe ngephasi kwekuyalelwa ngumoya longcwele. Ngako-ke, labo labafuna kuhlonipha Nkhulunkhulu, sitawusebentisa emagama lasinikile ngalesikhatsi asehlisela esontfweni.

12. Siyini sivumo selukholo eBhayibhelini?

Njengaloku leligama "sivumo selukholo" lisho kulungile, "Ngiyakholwa", njengaloku lukholo lincike ncamashi elusindzisweni, sivumo selukholo leTestamente leliSha amange sifumaneke emagameni alo, kodvwa kwatfolakala kumuntfu, umuntfu longuJesu Krestu. "Ayikho insindziso ngalomunye." Imisebenti 4:12. Fundza ku 2 Timotewu 1:12. Ana umuntfu afuna kusindziswa, akumele atinikele kumuntfu. Watjelwa kwekutsi lusindziso lungatfolakala kuKrestu. Imisebenti 16:31. Watjelwa-ke kutsi angangenanjani elusindzisweni lwaKrestu. Imisebenti 2:37-38, Galayjiya 3:27, Roma 6:1-4.

13. Ngutiphi tikhumbuto telisontfo letiseBhayibheli?

A. Lilanga leNkhosi, lilanga lekucala evikini. Lilanga leli lelakhetfwa nguKrestu ngalelilanga lavuka ngalo. (Luka 24:1-2; Johane 20:26) te lisontfo likwati kwenta timvuselelo taNkhulunkhulu ngaKrestu. Imisebenti 20:7; Isambulo 1:10; Imisebenti 2:42. (Lilanga lePentekoste nalo labe liselangeni lekucala evikini.)

B. Sidlo SeNkhosi. Leli litiko lasungulwa nguJesu (Luka 22:19), te lilandzelwe ngibo bonke bantfwana Bakhe. (1 Korinte 10:16-17). Saniketwa njengesitfombe sebunye kubantfu baNkhulunkhulu, (1 Korinte 10:17), kuchaza ngesimemetelo sekufa kweNkhosi (1 Korinte 11:26) futsi kuchaza sicinisekiso ngemphilo yebuKrestu. (Johane 6:53-58; 1 Korinte 11:30).

14. Nguyiphi imfundziso letfolakala eBhayibhelini?

Kuphela umtsetfo wekukholwa nekwenta wabe utfolakala emagameni njengaloku avelile kuTestamente lelisha, nekutsi abe anikiwe ngeMoya loNgcwele ngebaPostoli. Lisontfo labe libuswa ngemavi eNkhosi lashiwo te kugcwaliseke tsine "sipheleliswe yonkhe imisebenti lemihle" 2 Timotewu 3:16-17. 2 Petru 1:3. Emasu aNkhulunkhulu te kuphatfwe lisontfo, abe aphelelisiwe angewekugcina.

15. Labe likhokhelwa njani na lisontfo kutetimali?

Ngekweshumi nangeminikelo yebantfwana baNkhulunkhulu.

A. Kweshumi kwabe kulisu laNkhulunkhulu te kondleke umsebenti wakhe. 1 Korinte 9:13-13. "Anati yini kwekutsi labaphetse imisebenti yelithempheli badla kwelithempheli nekutsi labakhonta ealtare bahlanganyela neli-altare na? Ngalokunjalo iNkhosi imisile kwekutsi labamemetela livangeli baphile ngelivangeli." Lapha kukhulunywa ngebapristi beliTestamente leliDzala lababe basebenta athemphelini nasealtari. Pawula utsi NINEKUHLANGANYELA emsebentini wabo, nekutsi kuhlanganyela loku kuniketwa kubo ngebantfu LABANIKELAKO NGEKWESHUMI NANGEMINIKELO. Nyalo Pawula usitjela kwekutsi lenamfundziso yendlulele kubefundisi belivangeli, futsi utsi, "Nobe kunjalo (ngalokufanako) ngabe iNkhosi yamisa umtsetfo (nobe yenta umtsetfo) ngekutsi kumenyetelwe livangeli te liphile livangeli."

B. Malaki ucwayisa ngengoti yekugebenga Nkhulunkhulu. Malaki 3:8-10. Jesu uyakuvusa kweshumi. Matewu 23:23.

C. Jesu uvusa bonkhe bungako beliTestamente leliDzala. Amange ehlise lizinga lakho. Matewu 5:20-22; 27-28; 43-44. Ngaloko-ke kweshumi kumele kube ngulokubekiwe.

16. Kwabe kuyini tinjongo telisontfo eBhayibhelini?

A. ushumayela livangeli. Marku 16:15. Imisebenti 8:4. Loku kwentiwa ngebavangeli nangemalungu lahlukene langemaKrestu ngalokugcwele nangekungena indlu nendlu. Imisebenti 20:20; 5:42; 11:12-15.

B. Te kwentiwe ebafundzi. Matewu 28:19. Loku kwabe kutawuba 'ngukuchumana nebantfu, ngemitsetfo yebufundzi kungukubenta "EBAFUNDZI BAJESU".

C. Te kubhapathiswe labo bantfu labaye bati ngekutsi kunesidzingo sekutsi basindziswe, futsi bambone Jesu njengemsindzisi. Matewu 28:20.

D. Te kufundziswe labo bantfu labafanako, "onkhe lawomavi alenamphilo." Imisebenti 5:20; Matewu 28:20.


E. Lababantfu bekumele babutsane ndzawonye babeyinhlangano, futsi batibophetelele ekutitfobeni nebantfu labakwatiko kutibusa bona, kutondla, nekutikhulisela emasontfo. 2 Timotewu 22:2; Imisebenti 13:1-4.

UMBHABHADISO NAMOYA LONGCWELE

1301 - Siswati

Conley

SINGENISO

Kulesifundvo lesilandzelako, imibhalo letawusetjentiswa itawubalwa kunaleyo letfolakala ekucaleni kwencwadzi yeMisebenti nasekugcineni encwadzini yaJuda. Sizatfu saloku sibalekela kudideka. Imisebenti yincwadzi yemilandvo. Icuketse tigigaba njengekwenteka kwato. Bupostoli lobuvela kusukela kubaseRoma kuya kuJuda tincwadzi letibhalelwe emabandla lahlukahlukene. Bafundzisa ngemitsetfo yalawo mabandla. Kumele kufundzeke futsi kwemukeleke njengakwemibhalo. Lobubupostoli babe bubhalwe ngetilimi tebantfu. Bekungibo lobutowufundzisa ebantfu kutsi bamkhonte njani Nkhulunkhulu neNdvodzane yakhe.

Njengobe ufundza liBhayibheli kumele wati kwekutsi awukho umbhalo lophikisana nalomunye. Ngalamanye emagama, yonkhe imibhalo iyavumelana. Umbhalo awusobe usho lokungephasi kunaloko lokushiwo, kepha ungachaza lokunengi. Ngalamanye emagama, ana sifundza leminye imibhalo ngesihloko sinye kuvamisile kutsi kubelikhuni kukucondza loko. Nkhulunkhulu akafuni kutsi umuntfu asangane. Uma umumtfu amukela liVi laNkhulunkhulu njengobe limile, angaliguculi, angeke kubekhona kudideka.

Ekubhabhadisweni nakuMoya loNgcwele kunekudideka lokunengi. Imbangela yaloko kudideka ngukutsi ebantfu abemukeli liVi laNkhulunkhulu njengobe linjalo. Batama kuligucula, badale kudideka.

UMBHAPATHIZO

Leligama lelitsi umbhapathizo eBhayibhelini lichaza kucwiliswa nobe kudijwa. Kufafatwa angeke kutsatfwe njengembhapathizo ngokweBhayibheli. Kufafata kucitsa umcondvo wekufa, wekumbelwa, nekuvuswa kulabafile. Kulesisifundvo ana sikhuluma ngekubhabhadiswa sisuke sikhuluma ngekucwiliswa. Umangabe umuntfu sacwilisiwe njengekusho kweliBhayibheli, lonamuntfu usuke sabeke ematsemba akhe ekufeni, ekwembelweni, nasekuvusweni kwaKrestu. Naloyo losuke sacwiliswe emantini utfokotela kufa kunesono, kumbelwa kwemuntfu lomdzala esonweni nekuvuswa emphilweni lensha lekuKrestu. Konkhe loku kulahleka ngekufafatwa.

AKUSIWO UMSEBENTI

Umbhabhadiso eBhayibhelini amange ubitwe nobe ucatjangwe nje"ngemsebenti." Bantfu lomuhla batsatsa shangatsi "ngumsebenti," kepha liBhayibheli liyakuphika. KubaseKolose 2:12 sifundza kutsi:

"nembelwe kanye naye ngembhabhadiso, lokungawo futsi navuswa kanye naye ngekukholwa ngemandla aNkhulunkhulu lowamvusa kulabafile."

Futsi kubaseGalathiya 3:26-27:

"ngobe nonkhe ningebantfwana baNkhulunkhulu ngekukholwa kuKrestu Jesu. Ngobe nonkhe lenabhapathiselwa kuKrestu nembatsa Krestu."

Umbhabhadiso "ungukukholelwa emsebentini waNkhulunkhulu." Umbhabhadiso ungukukholelwa ekutsaneni sembetse kulunga kwaKrestu "sabangebantfwana baNkhulunkhulu." Umbhabhadiso awehlukile nelusindziso. Ungukukholwa ekufeni, ekwembelweni, nasekuvusweni lokungiko lokuholela ekutseni ukwati kusindziswa.

MUNYE UMBHABHADISO

Munye umbhabhadiso lomuhla ngekusho kwembhalo. Kubase-Efesu 4:4-5-6 utsi:

"Munye umtimba, munye umoya, njengobe nabitelwa etsembeni linye lekubitwa kwenu. Yinye iNkhosi, yinye inkholo, munye umbhabhadiso; munye Nkhulunkhulu, longuYise wabo bonkhe, losetukwabo bonkhe nalosekhatsi kwabo bonkhe."

Kunemibhabhadiso leminengi leshiwo eBhayibhelini, njengembhabathiso wekuhlupheka, umbhabhadiso waJona, nembhabhadiso wakaMoya loNgcwele, newemlilo.

Nobe kunjalo kwabe kunembhapathiso munye lowamiswa ngalesikhatsi Pawula abhala kubase-Efesu. (UMoya longcwele kutawucocwa ngawo ngalesinye sikhatsi eluhlelweni lakaMoya LoNgcwele.) Lubhabhadiso lemaKrestu lingumbhabhadiso lowatsenjiswa ebantfu lomuhla. Lesisitsembiso "singukutsetselelwa kwetono nesipho sakaMoya LoNgcwele." Imisebenti 2:38.

UMBHABHADISO WEKUTSETSELELWA KWETONO

Lamanti ekubhabhadisa akusiwo lasindzisako nobe lasusa sono. Ingati yaJesu Krestu ngiyo lesusa tono. Ihlangana njani ingati yaKrestu nembhabhadiso na? Loko kutawuchazwa. Incwadzi yeMisebenti 2:38 itsi:

"Wase utsi Petru: Gucukani, nguloyo naloyo abhabhadiswe egameni laJesu Krestu kuko kutsetselelwa kwetono tenu, ngobe niyowemukeliswa siphiwo sakaMoya loNgcwele."

Imisebenti 22:16 utsi:

"Pho usalindzeni, Sukuma ubhabhadiswe, uhlambulule tono takho ngekukhuleka egameni lakhe."

Lena mibhalo angeke isho lokungephasi kwaloko lokushiwo, nobe kunjalo kumele ichaze lokungetulu ekukhanyiseni leminye imibhalo. Umbhalo lowengeta kukhanya kulawa mavesi kubaseRoma 6:3-11 lelifundzeka njena:

"Kumbe anati yini kutsi sonkhe lesabhabhadiswa kuKrestu Jesu, sabhabhadiselwa kuko kufa kwakhe na? Ngako-ke sembelwa naye ngekubhabhadiselwa kuko kufa kutsi njengaloku Krestu wavuswa kulabafile ngenkhatimulo yeYise, kanjalo natsi sihambe ekuphileni lokusha.

"Ngobe ana sihlanganisiwe kanye naye ngekufa lokufanako, siyobanjalo nangekuvuka, sati kutsi umuntfu wetfu lomdzala wabetselwa kanye naye esiphambanweni, te umtimba wesono wentiwe lite, singabe sisakhonta sono. Ngobe lofile ukhululiwe esonweni. Kepha ana safa naKrestu, siyakholwa kutsi siyophila futsi kanye naye, sati kutsi Krestu savusiwe kulabafile angeke asafa, kufa akusabusi etukwakhe. Ngobe kufa lafa ngako wakufa kwabakanye nje ngenca yesono, kepha kuphila lakuphila ukuphilela Nkhulunkhulu. Kanjalo nani tishoni kutsi ningulabafile macondzana nesono, kodvwa niphilele Nkhulunkhulu kuKrestu Jesu."

Uma umuntfu abhabhadiswe ngokwembhalo, "ubhabhadiselwe kuKrestu Jesu." "Ubhabhadiselwe ekufeni kwakhe." Jesu wacitsa ingati yakhe ekufeni kwakhe. Johane 19:33-34 kutsiwa:

"Safika kuJesu, abona kutsi sewufile, amange ayephule imilente yakhe; kodvwa lelinye lemabutfo lamgwaza elihlangotsini ngemkhonto, kwaphuma masinyane ingati nemanti."

Tonkhe letento leti tekubulawa kwaJesu ngito letenta kutsi icitseke ingati yakhe. Ekufeni kwakhe wanikela ngengati yakhe. Embhabhadisweni "sibhabhadiselwa ekufeni kwakhe," lapho kwaphalala ingati yakhe khona.

LiBhayibheli likubeka ngalokusobala kutsi "kwembelwa kanye naye ngekubhabhadiswa. Akusiko "kufana naye", akusiko "kubanguye" futsi "akusiko kwakhe." LiBhayibheli litsi "kanye naye." "Kanye" usho kubandzawonye nobe kubambana. Evesini laka-5 ligama lelisetjentiswe kakhulu "ana sihlanganyele naye ekufeni njengaye." Ngekubhabhadiswa sivumela kufa kwaKrestu kutsatse indzawo yekufa lesiyokwamukela ngetono tetfu, Roma 6:23. Ekuhlanganyeleni ekufeni lapho ingati yakhe yaphalala khona, leyo leyasusa tono

Etahlukweni kubaseRoma 6:3-11, Imisebenti 2:38 na 22:16 kunetinchazelo letengetiwe. KubaseRoma 6:6 umuntfu lomdzala "wabetselwa" nobe wabulawa. Sono asinawo emandla etukwemuntfu losake wabhabhadiswa kuKrestu Jesu. Livesi laka-7 litsi umuntfu "ukhululiwe esonweni." Loyo losabhabhadisiwe sewutsetselelwe tono ngobe kufa kwaKrestu kwatsatsa indzawo yemuntfu lomdzala. Ingati yaJesu ihlambulula lona muntfu lomdzala.

Akekho longacala imphilo lensha ana tono takhe tingakatsetselelwa. Roma 6:3-11 ukhomba kutsi ana umuntfu sabhabhadisiwe usuke "sasetfubeni lokutsi ahambe emphilweni lensha yaJesu." Leyomphilo-ke suke sekuyimphilo yaNkhulunkhulu. Ekubhabhadisweni umuntfu "ubanemphilo lensha kuNkhulunkhulu ngaKrestu Jesu." Futsi, "ana sifile naKrestu, sinelitsemba lekutsi sitawuvuka naye."

Buka futsi kubaseGalathiya 3:27 futsi, "ngobe nonkhe lenabhabhadiselwa kuKrestu nembatsa yena." Labo "lababhabhadiselwa kuKrestu" amange kubalwe kulunga kwabo ekubeni basindziswe, kepha bembatsa yena. Krestu wabangulolungile kubo, bona bembatsiswa ngaye ngekusindziswa. Labo lababhabhadiswa kuKrestu babeka "lukholo emsebentini waNkhulunkhulu, lowamvusa ekufeni." Kolose 2:12.

1 Petru 3:21 utsi, "lenisindziswa ngawo nyalo." Asobe nani kwentiwe lutfo ngekubhava te kusuke insila enyameni. Umbhabhadiso, kucela kuNkhulunkhulu nembeza lomuhle, ngekuvuka kwaJesu Krestu." Kepha umuntfu angaba naye njani nembeza lomuhle ana asesetonweni? Umbhabhadiso ngiwo lolungisa nembeza wetfu ngobe kutsetselelwa kwetono kuvela embhabhadisweni ngekufa, ngekumbelwa nangekuvuka kwaJesu Krestu.

UMPHANGI ESIPHAMBANWENI

Umbuto njalo uyachamuka, "Kwentekani ngemphangi na esiphambanweni? Asiva lutfo ngaye kutsi wabhabhadiswa futsi Jesu wamtjela kutsi uyobanaye eParadise. Imphendvulo kulonambuto itfolakala kumaHeberu 9:15-17 lapho kutsiwa khona.

"Ngaloko-ke ungumlamuli wesivumelwane lesisha, te kutsi ngekufa lokungesimanga sekukhululwa etiphambekweni tesivumelwano sekucala kulababitiwe bazuze lifa langunaphakade lelatsenjiswa. Ngobe lapho kukhona khona litestamente, kumele kutsi kubikwe kufa kulona lowalenta, ngobe litestamente lisebenta sekufiwe, ngobe alibi nemandla asesekhona lona lowalenta."

Umphangi wasesiphambanweni wabe angaphili ngephasi kweli Testamente leliSha kodvwa wabe aphila kulelidzala. Wafa embikwekutsi liTestamente leliSha lisungulwe. Wafa ngephasi kwemtsetfo, hhayi ngephasi kwemusa. Ngalesikhatsi ingati yaKrestu iphalala, kanjalo "kufa kwakhe kwabakhona," sivumelwane lesiSha sabakhona. KuTestamente leliSha ebantfu kufanele "bagucuke babhabhadiswe egameni laJesu Krestu ekutsetselwaneni kwetono, bamukele Moya loNgcwele."

UMOYA LONGCWELE

ETestamenteni leliSha uMoya loNgcwele wabe uniketwe emadvodza lamatsatfu ngetindlela letehlukahlukene. (1) Wehla ezulwini, Imisebenti 2:1-5, (2) Ubekwe etandleni tebaPostoli, Imisebenti 8:17-18 naku 19:6-7, kwesi-(3) ngembhabhadiso, Imisebenti 2:38 naku 19:2-5. Kunetizatfu letitsite netinhloso ngekutsi kungani uMoya loNgcwele uniketwe ngetindlela letehlukene kubantfu labahlukene.

UMBHABHADISO NGOKWAKAMOYA LONGCWELE

KuMisebenti 1:1-5 Jesu utsembisa ebaPostoli kutsi batawemukeliswa emandla lachamuka ezulwini hhayi malanga onkhe. EbaPostoli bekufanele bahlale eJerusalema baze bamukele lawamandla. Imisebenti 1:5 isho njalo.

"Ngobe Johane wabe abhabhadisa ngemanti, kepha nine niyobhabhadiswa ngaMoya loNgcwele kungakendluli emalanga lamanengi."

Jesu watsembisa ebaPostoli loko nekutsi ngibo kulabanye labayowumukeliswa. Encenyeni yekugcina encwadzini yeMisebenti, sahluko sekucala, emakholwa akhetsa munye kubeka Juda kubaPostoli labalishumi nakubili. Lomunye lowakhetfwa nguMatewu "wabalwa kanye nalabo labalishumi nakunye." Ekucaleni kwesahluko sesibili "bebandzawonye endzaweni yinye." Usabitwana "ubona" losho ebaPostoli, ngobe kulibito lelisedvutane lesichumana nesabitwana.

Lesinye sifakaziso ngulesi sekutsi: "Petru ume nalabanguleveni," hhayi nelikhulu lelinemashumi lamabili, Imisebenti 2:14. Sizatfu ngukutsi amange bamukele umbhabhadiso wakaMoya loNgcwele. Futsi naku-Imisebenti 2:43 "timangaliso netibonakaliso tentiwa ngabo ebaPostoli." EbaPostoli ngibo kuphela labenta timangaliso kuze kube sehluko sesitfupha semisebenti lapho "ibeka konkhe sobala." Nobe kungukutsi ebaPostoli ngibo babenta imilingo netibonakaliso, Nkhulunkhulu wabe anikele uMoya loNgcwele kulabo bebakholwa, Imisebenti 2:38 naku 5:32.

Umbhabhadiso wakaMoya loNgcwele wachamuka ezulwini upheleketelwa ngumsindvo "njengemdvumo wemoya lonemandla," lapho kwachamuka tilimi kubo njengemlilo, bamukeliswa, wabekwa kumunye namunye." Bakhuluma ngetilimi nabo. Lokwentekako ana uMoya loNgcwele wembhabhadiso uta utowubonakala futsi uvakale. Imisebenti 2:33 kutsiwa, "uMoya loNgcwele wakutfulula loku lenikubonako nalenikuvako."

Lesinye siciniseko saMoya loNgcwele ngekuta kwawo sibhalwe encwadzini yeMisebenti 10:44-48. Loko kuletsa bufakazi bekutjela emaJuda kutsi nebaseGalile bayokwemukela livangeli njengabo. Siyati kutsi loku kunjengekutsi kwentekani ku-Imisebenti 2 ngobe ku-Imisebenti 11:15. Petru wabe ahambisa lonamlayeto kubeJuda, watsi: "njengobe ngicala kukhuluma ngaMoya loNgcwele, wase wehlela etukwabo bonkhe njengobe kwenteka ekucaleni." Ekucaleni uMoya loNgcwele wachamuka ezulwini, ngemdvumo lonemandla lamakhulu, kwase kuvela tilimi letinengi kubo njengemlilo.

Indzaba leku-Imisebenti 10 iseyinsha ngeminyaka lengu-7 kunalena leku-Imisebenti 2. Petru amange akubone loku kwaze kwabayi Pentekoste, iminyaka lenguseveni embikwaloko, ngobe watsi, "uMoya loNgcwele wehlela etukwabo njengakitsi ekucaleni." EmaJuda ekucala emukela uMoya loNgcwele ngalenandlela kanjalo nebaseGalile. Nkhulunkhulu akayena lokumele ahloniphe ebantfu.

UMOYA LONGCWELE UBEKWA ETANDLENI TEBAPOSTOLI

Esahlukweni sesitfupha ku-Imisebenti umsebenti wekushumayela nekuhambisa tindzaba telivangeli wabamkhulu kubaPostoli. Ngako-ke emadvodza lasiphohlongo akhetfwa labo "bebagcwele uMoya," babekwa embikwemaPostoli.

EbaPostoli "babathandazela bababeka tandla etukwabo." Imisebenti 6:8 sifundza kutsi Stefanu (lomunye walaba labanguseveni) "wenta timangaliso nemifanekiso kubantfu." Imisebenti 8:6 ebantfu baseSamariya "Sicuku sabe silalele kutsi utsini Filipu," (lomunye walabasikhombisa) "siva, sibona tibonakaliso latentako." Timangaliso kubhalwe ngato evesini laka 7. Imisebenti 5:12 kuphela ebaPostoli babenta imilingo. Kodvwa esahlukweni saka-6, emva kwekubekwa etandleni tebaPostoli, letinye tandla tacala kwenta imilingo.

Nobe kungukutsi Filipu abekwati kwenta lenamilingo, wabe angeke loko akwendlulisele kumaSamariya. Buka nje ngobe ku-Imisebenti 8:14 lapho ebaPostoli eJerusalema beva kutsi emaSamariya amukele livangeli, kwatfunyelwa lapho ebaPostoli labangubo Petru ana Johane lokungibo "lababatowubakhulekela kutsi bamukele naMoya loNgcwele. Ngobe wabe ungakehleli ngisho nakumunye kubo, kodvwa bebasabhabhadiswe egameni leNkhosi lenguJesu kuphela. Khona babeka tandla etukwabo, base bamukela Moya loNgcwele." Futsi ku-Imisebenti 8:18, "Simoni, abonile kutsi ngekubekwa kwetandla tebaPostoli uyaphiwa uMoya."

Imisebenti 19:6-7 Pawula wabeka tandla "kulabangu-12" labo bebangebafundzi baJohane naMoya loNgcwele wehlela kubo, bakhuluma ngetilimi baprofetha." Pawula ukhuluma ngebuPostoli ku-1 Korinte 9:1-2.

INCHAZELO

Kungani Moya loNgcwele aniketwe ngaletitindlela letimbili? (1) Kubhabhadiswa kuMoya loNgcwele naku (2) UMoya loNgcwele ubekwa etandleni tebaPostoli. Kokubili kucuketse tibonakaliso netimangaliso. Kokubili kubeka lona lowemukele kutsi ente umlingo nobe imilingo, njengetilimi, kuprofetha, nekuphilisa. Imphendvulo iku-1 Korinte 13:8-13. Lapho ufundza kubekucala 1 Korinte, kufanele ukhumbule kutsi tahluko 12, 13 na 14 tikhuluma kakhulu ngetipho takaMoya loNgcwele. Ku-1 Korinte 13:8 Pawula utsi:

"Kepha nobe kukhona kuprofetha, kuyoncipha, nobe kutilimi, tiyophela, nobe kungukwati, kuyophela."

Evesini laka 9 na 10 Pawula uyasitjela kutsi loku kuyokwenteka nini:

"Ngobe sati incenye, siprofeta incenye. Kepha ana sekufikile lokuphelele, loko lokuyincenye kuyopheliswa."

Lokuphelele kuchaza kutsi "phelelisiwe" nobe "gcwele" akukho lokunye. Libhayibheli liphelelisiwe. Johane naye wayiphelelisa incwadzi yeSambulo ngabo 95 A.D. awekho lamanye emabhuku langetwa kusukela lapho. LiBhayibheli liphelele. Linayo yonkhe imininingwane leyo ledzingwa ngumuntfu lofuna kwati ngaNkhulunkhulu. "Umtsetfo wenkhululeko" loko liBhayibheli lelikubita ngekuphelela kuJakobe 1:25.

Nobe liBhayibheli liphelele kitsi ebaPostoli nalabo bebasifundzisa babengenalo liTestamente leliSha. Tibonakaliso lebatemukeliswa nguMoya loNgcwele bekunguleto betiyobasita kuze "kupheleliswe" nobe kucedzelwe liTestamente leliSha. Letitibonakaliso tabe tiyincenye yekukhula kwelisontfo libe ngulelikhulu, 1 Korinte 13:11.

LiTestamente leliSha, selicedziwe, liyokhombisa bunjalo bemuntfu njengoba anjalo, 1 Korinte 13:12 nakumaHebheru 4:12-13. Ana liTestamente leliSha selicedziwe Tiprofetho nelwati (lugcozi lekubhala imibhalo) "kwendlula" "netilimi" tancamuka.

Loku kuyabonakaliswa emilandvweni. Bobabe bemaSontfo (labo bekungubofakazi bebaPostoli nobe bangebangani babo) babeka kutsi tibonakaliso taphela ngesenturi yesibili (150-200 A.D.). Johane wabanguMpostoli wekugcina kulabafa ngabo 95-97 A.D. Nobe kungukutsi Johane wabeka tandla takhe ekubeni nguwekugcina ekwenteni imilingo. Kepha imilingo yabe ingakadzingeki kangako. LiTestamente leliSha liphelele (ligcwalisiwe). Nelisontfo lacala kabusha eJerusalema ngePentekose ngemtimba wemhlaba wonkhe, Kolose 1:23.

Tipho takaMoya tibekwe kuleminye imibhalo njengaku-1 Timotewu 4:4, naku-5:22. Ku-2 Timotewu 1:6 Pawula ukhutsata Timotewu kutsi: "avuse sipho saNkhulunkhulu lesikhona kuwe ngekubeka tandla (taPawula nebaPostoli)."

Ngalesikhatsi Pawula abhalela baseKorinte wabe akhuluma ngetipho takaMoya (imilingo, tilimi njll.). Nobe kunjalo, ngalesikhatsi abhalela baseRoma, lisontfo lelabe lisengakacalwa ngebaPostoli, Pawula amange achaze ngaletitipho. BaseRoma babenoMoya loNgcwele ngekusho kwabaseRoma 5:5, kepha Pawula walangatelela kubabona te "ababele sipho lesitsite semusa sakamoya kutsi baciniswe, Roma 1:11. Babe bangenaso sipho semilingo ngobe kwabe kungenaMpostoli lowabe abeka tandla kubo.

UMOYA LONGCWELE WAPHIWA NGEKUBHABHADISWA

Incwadzi yeMisebenti sehluko sesibili umbhabhadiso wakaMoya loNgcwele wehlela kubaPostoli. Bamemeta ngebukhulu bemisebenti yemandla aNkhulunkhulu. Petru wasukuma nebafundzi labalishumi nakunye batjela ebantfu ngaJesu. Petru wachaza ngekufa kwaKrestu, ngekungcwatjwa nangekuvuka kwakhe ekufeni nangekutsi Jesu wabe angasesandleni sekudla saNkhulunkhulu. Imisebenti 2:37 utsi:

"Sebevile bahlabeka etinhlitiyweni tabo, batsi kuPetru nakulabanye ebaPostoli: Madvodza, bazalwane, siyokwentenjani na!"

Imisebenti 2:38-39 Petru uyaphendvula.

"Petru wase utsi: Gucukani, nguloyo naloyo abhabhadiswe egameni laJesu Krestu kuko kutsetselelwa kwetono tenu, khona niyomukeliswa siphiwo sakaMoya loNgcwele. Ngobe sitsembiso senu nesabantfwana benu, sabo bonkhe labasekudzeni, bonkhe iNkhosi Nkhulunkhulu wetfu leyobabita."

Lababantfu batjelwa kutsi embhabhadisweni batewumukela kutsetselelwa kwesono nesipho (hayi tipho) sakaMoya loNgcwele. Nkhulunkhulu upha uMoya loNgcwele kulabo labamhloniphako, Imisebenti 5:32, kepha tibonakaliso tanikwa kuphela ebaPostoli naku-Imisebenti 6 nakulabo lababekwa tandla ngebaPostoli. Imisebenti 2:39 Petru utsi: "Ngobe setsembiso ngesenu nesebantfwana benu, sabo bonkhe labasekudzeni, bonkhe iNkhosi Nkhulunkhulu wetfu leyobabitela." Setsembiso singukutsetselelwa kwetono, nesipho sakaMoya loNgcwele kuko kubhabhadiswa. Setsembiso sabe sisalabo labamuva Petru, nebantfwana babo nabo bonkhe labasekudzeni. Njengaloku sisekudzeni nePentekoste nobe kuba ngemaJuda, lesi setsembiso loku ngesetfu. Setsembiso lesisinikwa nguNkhulunkhulu ngukutsi "siyokwemukela kutsetselelwa kwetono nesipho saMoya loNgcwele ngembhabhadiso."

Imisebenti 19:1-7 Pawula ubuta ebafundzi baJohane, "Namemukela yini uMoya loNgcwele mhla nikholwa na?" Babengemange sebake beve kwekutsi uMoya loNgcwele waniketwa. Wase uyabuta futsi Pawula, "Pho, nabhabhadiselwa ngakuphi na?" Amange bawemukele uMoya loNgcwele ngobe babengemange babhabhadiswe ngendlela lengiyo. Lawamadvodza abhabhadiswa ngembhabhadiso waJohane. Emvakwekubhabhadiswa egameni laJesu ngaletitetsembiso, Pawula wababeka tandla, base bayakwati kukhuluma ngetilimi baprofetha.

Imisebenti 8:4-25, Filipu wenta tibonakaliso netimangaliso ebantfu bakholwa base bayabhabhadiswa egameni laJesu. Baphindze batfola setsembiso lesiku-Imisebenti 2:38 (kutsetselelwa kwesono nesipho sakaMoya loNgcwele). Ebantfu baseSamariya babete tipho letibalulekile. Babete tibonakaliso kwaze kwatsi boMpostoli Petru naJohane bababeke tandla. Kugucuka kwabo kwabe kungakalungi ana bete uMoya loNgcwele. Roma 8:9 utsi: "Kepha ana umuntfu angenaye uMoya waKrestu, loyo akasiye wakhe."

Kuletinye tingucuko telibhuku leMisebenti kushiwo kwekutsi ebantfu babhabhadisiwe. Tibonelo ngumthenwa wase-Etopiya, Imisebenti 8:26-40; Lidiya nabendlu yakhe, Imisebenti 16:11-16; umgadzi wetiboshwa, Imisebenti 16:25-34. Bonkhe laba babhabhadiswa ekukholweni etitsembisweni, Imisebenti 2:38. Ana kungenjalo, abasiwo emaKrestu. Awukho lomunye umbhalo loshoko kwekutsi bangawutfola uMoya loNgcwele ngalenye indlela. Kunembhabhadiso munye loshiyiwe ngekusho kwebase-Efesu 4:5. Loyombhabhadiso ngewekucwiliswa ekufeni kwaKrestu ekutsetselelweni kwesono ekwamukeleni uMoya loNgcwele.

UMSEBENTI WAMOYA LONGCWELE ETIMPHILWENI TETFU LOMUHLA

Kwekucala Moya loNgcwele "sibambiso selifa letfu, kube kuhlengwa kulokungekwakhe," Efesu 1:14. Lapha Pawula usicacisela ngekutsi Nkhulunkhulu usinamatsisele ngeMoya wakhe kuze kutsi ngalelinye lilanga siye ezulwini. UMoya uphiwe emaKrestu te aboniswe kutsi "kunjani kuhlala enkhatimulweni yakhe." EmaKrestu ananyatsiselwe ngaMoya loNgcwele kuze kufike lilanga lokwehlulelwa. Nobe kunjalo Moya loNgcwele ungadzatjukiswa ana uMkrestu angawuvumeli kwekutsi umfundzise, Efesu 4:30.

Asiwudzingi uMoya loNgcwele ana kubhalwa livi laNkhulunkhulu, kepha sidzingo lusito lakaMoya loNgcwele te sibe nekucondza. Nkhulunkhulu uyasitsembisa ku-1 Korinte 2:10-13. LiVi laNkhulunkhulu lithulusi lelisetjentiswa nguMoya ekhatsi kwebantfu te bahlambuluke etonweni, KumaHeberu 4:12-13. Lihawu lakaMoya livi laNkhulunkhulu, Efesu 6:17. Ana umuntfu avumela uMoya loNgcwele, loyo-ke usuke angenti imisebenti yenyama lena lokukhulunywa ngawo ku-Galathiya 5:16-21. Ana uMoya loNgcwele sewungekhatsi kwetimphilo tetfu, utawubonakalisa titselo. Nati titselo tawo, lutsandvo, intfokoto, kuthula, kubeketela, umusa, kulunga nekutiphatsa.

KubaseRoma 8:1-27 sitjelwa kahle ngemsebenti wakaMoya lobusa tonkhe tinkhanuko tenyama. Futsi sitjelwa kutsi usisita njani Moya loNgcwele ebutsakatsakeni emikhulekweni ngekwati imizwa yenhlitiyo "lesekujuleni kwemagama." (Loku-ke akusito tilimi ngobe kumele kujule emagameni.) UMoya uhlola tinhlitiyo tetfu, "ngobe ukhulumela labangcwele ngokwentsandvo yaNkhulunkhulu."