TAFULA RA HOSI

0599 - Tsonga

R. Mills

Hi fanele hi nga tivoni "hi nga ri na nkoka" eka hinkwaswo swa Hosi Yesu. Hi vulavula hi swilo leswi a nga hi lerisa swona swi ri "Matlharhi." Ndhavuko wa vanhu wu ni nkoka we ntsanani swinene, kambe swilo hinkwaswo swa Xikwembu swi ni nkoka lowukulu swinene, hikwalaho a swi faneli swi siyiwa endzhaku. A swi na mhaka na leswaku hi na yindlu ya kereke leyi hi khongelelaku eka yona, i swa Xinkarhana kambe miako ya kereke a yo boha ku khongelela na le ku ponisi weni ka vanhu. Loko hi khongela hi siku ra Xikwembu, loko hi dyondzisa leswaku vanhu leswaku va khuvuriwa hi moya lowo kwetsima na mati lomo tala. Loko hi tsundzuka rifu, ku lahliwa na ku pfuka ka Hosi eka ntirho wa Xilalelo, swilo leswi swi na nkoka. Swi tirhana na vutomi lebyi nga heriki hi nga byi kumaka. Lawa hi wona matlharhi ya Hosi Yesu Kriste. Hikwalaho ka leswi, hi fanele hi vona leswaku hi va lava lulameke; na ku va hiri kahle hi tshembhekile, eka ku tsundzuka leswi vuriwaka "Xilalelo" kumbe tafula ra Hosi.

TLHARHI RA HOSI YESU KRISTE

Ku tsundzuka loku a ku sungulangi hikwalaho kaMunhu. Kambe ku sungurile hi n'wana wa Xikwembu. Eka swona u te "endlisani sweswo hi masikuloko mina, mi ta ndzi anakanya hi swona." Loko a kova munhu a swi nga ta pfuna ngopfu eku hlayisa leswi hi byeriweke. Hi fanele hi hlayisa kumbe ku ka hi nga tsundzuki ku ya hi ku lava ka yena. Kambe, i ku tsundzuka ka nkoka loku languteriweke leswaku hi ku endla. "Ku kondza a vuya na kambe." Xilalelo xi nyikiwe hina leswaku xi hi tsundzuxa hi ta rirhandzu lerikulu eka hina. Hi leswaku i ntambhu leyi endlaka leswaku hi va ekusuhi na yena handle ka swona, matimu ya hi byela leswaku munhu la lahlekeke kule na Hosi hi leswaku u lahlekile emoyeni. A swi koteki ku va na Xihundla loko uri muKriste kumbe muKriste wa "Moya wa mahala. Hi fanele hi va va Hosi hi tlhela hi hle ngeletana ku tsundzuxana hi mhaka leyi; kambe loko swi nga ri tano a hi va Hosi na kantsongo. Ku hlangana na Hosi ku tiyile, hi nga ka hi nga fani na Xikepe lexi nga onhaka kutani xi pepetseka hikwalaho ko va xi banane na maribye.

Muapostola Paul u te, "Hikuva mina ndzi amukerile eka Hosi leswi ndzi mi byeleke swona, leswaku Hosi Yesu, hi vusiku lebyi a nyike tiweke hi bydna; o, teke Xinkwa, kute loko a nkhensile, a phema a ku tekani mi dya, endlisani sweswo mi ndzi anakanya ha swona. Hikuva hi mukhuva wa lowe, a teka Xinwelo, loko va lalerile aku, Xinwelo lexi i ntwanano lowuntshwa engatini ya mina, endlisani sweswo hi masiku loko mi ndzi anakanya ha swona loko mi nwa. Hi masiku hinkwawo loko mi dya Xinkwa lexi, ni loko minwela exinweleni lexi, mi ta va mi vula rifu ra Hosi, a kondza a fika. Hikwalaho ke-mani na mani la dyaka xinkwa lexi, kumbe la' nwelaka exinweleni lexi, kumbe la nwelaka exinwelweni xa Hosi hi mukhuva wo biha, u ta va ni nandzu wa mmiri ni wa ngati ya Hosi. Munhu un'wana na un'wana a tikambi ha kona, ku va kona a nga ta dya xinkwa lexi, hikuva la' dyaka ni la' a nwa ka hi mukhuva lowu nga fanelangi ki, wa ku dya ni wa ku nwa ku avanyisiwa i ka yena, hikuva a nga tsundzukangi mmiri wa Hosi. Hikwalaho ku nga ni lavo tala ni lava nga tsakangiki emmirini ni lava vabyaka exikarhi ka n'wina, van'wana kambe va file." (1 Vakorinto 11:23-30)

EKA TAFULA RA HOSI HI WONA NKARHI WA KU:

Endla Xinghano - (1 VaKorinto 10:16-17) "Xinwelo xa ku kateka leswi hi swi khensaka, xana a hi ku hlangana na mmiri wa Kriste xana? Ni xinkwa lexi hi phemaka, xana a hi ku hlangana na mmiri wa Kriste ke? Hina hi nga lavo tala, hi mmiri wun'we, hikuva, na Xinkwa i xin'we ntsena. Hikuva hinkwerhu hi dya Xirikwa xiri xin'we. Muapostola Yohane u vula swo fana na swona loko ate, "loko mi nga dyi nyama ya n'wana wa munhu, ni loko mi nga nwi mati ya yena, a kuna vutomi eka n'wina la' dyaka nyama ya nga, ni la' nwaka mati ya nga. U tshama eka mina, na mina eka yena." (Yohane 6:53-54)

Xitsundzuxo lexi xi byeriwa vanhu hinkwavo xiri xa Xikongomelo xin'we ntsena. Loko hi ri xirho xa mmiri, naswona hi ta hlangana hi tsundzuka Hosi, kutani hi ndlela ya leyo hi endla nhlangano wun'we. Mmiri hi woxe i nhlangano. Hi un'we eka Kriste. "Ni xinkwah xi hi phemaka xana a hi ku hlangana ke? na mmiri wun'we." (1 VaKorinto 10:16) Paul u byele va-Galatiya, "Hinkwavo lava nga khu vuriwa eka Kriste va vekiwe eka Kriste." (Va-Galatiya 3:27) Xikwembu xi rhumele n'wana wa xona ku ta fela vanhu hinkwavo hikuva xi rhandza vanhu hinkwavo. (Yohane 3:16) U lave leswaku vanhu hi nkwavo va endla nchumu,, wun’we. (Yohane 17:21)

Ku-tlhela u tinyiketa - Eka ntwanano wa xi Mosaic, loko muprista a nga si nghena etempeleni, u fanele a hlamba mmiri leswaku a tibasisa. A nga ti eka Xikwembu a "thyakile." Loko a hlambile a basa, a nga swi kota ku yima a khongelela yan'wana. Na hina swi tano, loko hi nga si ringana leswaku hi yima emahlweni ka Xikwembu hi fanele hi khuvuriwile hi mati na Moya. (Yohane 3:5)

Ku khuvuriwa loko hi mati lamo tala i swa ku rivaleriwa ka swidyoho, swivuriwa "Nkhuvulo" swi te endzhaku ka rito ra xiGiriki leri vulaka nkhuvulo ku nga "baptiso". "Hikwalaho ka ku basisiwa loku, kutani hi ni ntshuxeke leswaku hi nga yima emahlweni ka Xikwembu "Muprista lowo kwetsima", u basisiwile: A hi pfuxeteni ku tinyiketa ka hina vhiki rin'wana na rin'wana tani hi ku titshuneta etafuleni ra Hosi, hi tikamba leswaku xana hi tipfuxetile.

Ku tsundzuka - Xikongomelo xo tsundzuKa i Ku-pruxeta ku ehleketa ka hina, ka leswi swi nga humelela. Mhaka leyikulu hi leswaku Yesu u file, a lahliwa, a tlhela a pfuka esirheni. Hi yena a fambisaka vanhu hi ndlela leyinene Swi hlamarisa ngopfu "mahungu lamanene'' leyi i "evangeli."

TAFULA RA HOSI KU NGA XILALELO I NCHUMU LOWU KULU SWINENE EKEREKENI

Nhlangano lowu nga tsundzukeki murhangeri wa wona na musunguri wa wona hi nga ka hi nga wu vuli leswaku wu lulamile. Yesu Kriste i nhloko ya kereke. U vurile a ku "ku kondza ndzi ta." Ndzi tsundzuka sesi un'wana ehosini, loyi a ehleketa leswaku wa fa hikwalaho ka vuvabyi bya khensa, ntsena loko a ta swi kota, a va kona etafuleni vhiki rin'wana na rin'wana. Eka maVhiki mambirhi yo hetelela loko a nga si fa, a nga ha swi koti ku va kona etafuleni hikuva a nga ha ta swi kota ku teka riendzo lero leha kutani vakulukumba va teke xilalelo va ya n'wi nyiketa. Loko ku nga si heta tiawara timbirhi a nga si byeriwa ku ya hlangana na Hosi ya yena, a ri etafuleni ari karhi a tiphina hi xilalelo na va buti na vasesi. Leswi hi swona swi tiyisaka mhaka leyi a yi vuleke ya leswaku "ku kondza ndzi vuya." A swi hi hlamarisangi loko nuna wa yena a hi byerile hi ta ntsako wa sesi lowu eka mpundzu wa siku rero loko a nga si timeka loko a ha tilulamisela swa siku. Sesi loyi a tilulamisile, a tlhela ari loyi a lulameke, ngopfu ngopfu ku hlangana na Hosi.

TAFULA RA HOSI KUMBE MHAKA LEYI YA XILALELO I YA NTIKELO SWINENE

A yi faneli ku siyiwa endzhaku - Buku ya Timhaka ta va apostola loko yi hi fananisela timhaka leti yiri, hi fanele ku ya emahlweni hi "hiteka" eka ku hlangana, ni le ku phemeni ka xinkwa, na le mikhongelweni. Nkandziyiso wa Bibele ya xinghezi leyi vuriwaka NIV yi tirhisa marito "a va hiteka." Vanhu lava a va tshembekile, va veka mhaka leyi emahlweni eka vutomi bya vona. A va nga yi siyi endzhaku mhaka leyi.

Mhaka leyi ya Xilalelo yi ni nkoka swinene hikwalaho ka swona yi hlamuseriwile hi vutalo etibukwini leti Mateo, Mark, Luka, na le ka 1 VaKorinto. Loko rito ra Xikwembu rivula xilo hi ku vuyelela, hi fanele hi tekela mhaka leyi enhlokweni.

Lawa a kuri masungulo ya kereke leyo sungula loko swi ta eku khongeleni. Loko muapostola Paul a ta eka Troas, a swi tiyile leswaku vaKriste va ta hlangana ku ta dya Xilalelo hi siku ro sungula ra vhiki, kutani u tshamile ku kondza vhiki ri fika leswaku a ta hlangana na vona va tiphina hi Xilalelo etafuleni. (Mintirho 20:7)

A swi faneli leswaku swi nga tirhisi wi kahle - Van'wana vaKriste va teka nkarhi wa ku dya Xilalelo kuri ntlangu lowukulu swi endla onge hi loko ku gandzeriwa swikwembu swa hava. Van'wana ava pyopyiwile vatlhela va nga ri na mhaka na Xisiwana loko va dya Xilalelo. Paul u kale a hlundzuka swinene hikwalaho ka vona, a boxa leswaku loko va lava ku endla hi ndlela liya va swi endlela emakaya ya vona, laha va nga ta rhamba lava va va tsakelaka. Xilalelo i ntirho wo tsundzuka kambe ku nga ri nkhuvo kumbe ntlangu! A va dya va tlhela vanwa kutani va ta ya voniwa nandzu lowu va ngo lo tiendlela hi voxe.

Leyi i mhaka ya mbilu - Loko mbilu ya muKriste yi nga khumbiwi, kutani mhaka yo dya Xilalelo yi endla Xihlekiso no ka yi nga pfuni nchumu. Xikwembu xi hi nyikile n'wana wa xona! N'wana loyi wa Xikwembu u twisiwe ku vava exihambanweni xa xi Rhoma a fela hina, Leswaku hi ta rivaleriwa swidyoho. Hi fanele hi tsundzuka mhaka leyi hi tlhela hi tiva minkarhi hinkwayo.

Loko ho rivala ku tsundzuka swilo leswi; hi endla mhaka yo dya Xilalelo Xihlekiso kutani hakelo ya kona i ku khoma hi vuvabyi na ku fa loko ho ya emahlweni hi dyoho. "Hikuva la' dyaka ni ku nwaka hi mukhuva lowu nga fanelangiki, wo dya ni ku nwa ku avanyisiwa ka yena, hikuva a nga tsundzukangi Hosi mmiri wa yena. Hikwalaho ku nga na lovo tala lava vabyaka na lava nga tsakangiki emmirini exikarhi ka n'wina, van'wana kambe vafile." (1 Vakorinto 11 :29-30)

Leswi swi fana na hakelo yo tshika ripfumelo leswi van'wana va endlaku. (Va-Heberu 10:25). Swi ni nkoka ngopfu leswaku hi tshembheka loko hi dya Xilalelo. Yesu Kriste wa hi arisa loko hi endla leswi, uri hi fanele hi swi endla hi mukhuva lowunene, hi tsuridzuka ku fa ka yena ku kondza a ta vuya eka hina: . Xana mbilu ya wena yi tengile ke? Hikuva handle ka swona u ta eyisa mhaka ya Xilalelo u nga ha tsundzuki ku fa ka Hosi

Rifu leri i ra ntikelo swinene ku tlula lero fa hikwa laho ka vuvabyi. Vuvabyi byo kota ku hlasela vutomi byebyi bya nyama, rifu ra moya a ri nge swikoti! Hi nga ringiwa hi vula leswaku Xikwembu xa hi xanisa. E-e, sweswo a hi swona na ka ntsongo.h) Loko hi endla rifu ra Hosi Yesu Xihlekiso, ku dyoha ka hina ku tlula lavaya a va yime eku suhi na xi hambano va ku, "A va mbiwi" A va nga switivi leswaku ari Muponisi. Loyi hi nga na yena. Hambi loko hi ta va hi n'wi tiva, hi nga n'wi landzula. Vunyingi bya lava a vari ekusuhi na Xihambano lexi a ku vambiwe Yesu byi vuye byi tisola swidyoho kutani va endla vaKriste. Hi byeriwe leswaku muapostola Petro loko a dyondzisa hi siku ra Pentekosta, vunyingi bya lava va nga n'wi twa, ku te loko va swi yingisile, va tlhaveka timbilu, kutani va ku ka Petro ni ka vaapostola van'wana, vavanuna varikwerhu, hi ta endla yini?" (Mintirho 2:37)

"Petro aku ka vona, hundzukani, kutani un'wana ni un'wana na a khuvuriwa hi vito ra Yesu Kriste, eku khomeriweni ka swidyoho, kutani mi ta amukela nyiko wu gna moya lowo kwetsima"..."Lava amukeleke rito ra yena hi ku tsaka, va khuvuriwa, kutani ku engeteriwa siku rero e vanhu lava lavaku ku va makume manharhu ya madzana." (Mintirho 2:38,41)

Vunyingi bya vona va vuye va tinyikela va tisola swidyo ho swa vona hikwalaho va ponisiwile. VaKriste a va nge hundzuki naswona vaKriste lavo ala ku hundzuka va ta ya emahlweni va endla xilalelo xa Hosi Xihlekiso hikuva va ta hluleka ku dya Xilalelo leyi hi mukhuva lowunene. Kriste u te vanhu lava muxaka lowu va ta ya va vabya swinene naswona va ta fa hikwalaho ka xidyoho lexi. Ku tiva Hosi u tlhela u tlhelela endzhaku, swi fana na nguluve leyi tlhelelaku endzhopeni wa thyaka laha yi yaku yi ya handza swakudya ethyakeni!

XANA HI FANELE HI ENDLA YINI KE?

Hi faneie hi dya Xilalelo hi moya wa ku hi sungula hi tikamba loko kuri leswaku swa hi fanela xana. "Munhu un'wana na un'wana a tikambi ha kona, kuva kona a nga ta dya Xinkwa lexi, a nwela exinweleni lexi. Hikuva la' dyaka ni la' nwaka hi mukhuva lowu nga fanelangiki. A nga tsundzuki mmiri wa Hosi. (1 VaKorinto 11:28,29) I swilo swintsanani ku tikamba na ku veka Miehleketo ya hina eka ku tsundzuka leswi faneleke ku tsuridzuka swona. Tsalwa riri, "loko hi tiavanyisa hi hexe eswidyohweni swa hina, hi nge yisiwi eku avanyisiweni. Loko hiavanyisiwa hi Hosi, ha lulamisiwa kutani hi nge avanyisiwi na misava." (1 VaKorinto 11:30,31)

Kutani ke, a hi kambeni a ri hina loko hi nga si dya Xilalelo leswaku ha wu vona mmiri wa Hosi hintiyiso naswona loko ho tlula xileriso lexi hi nyikiweke xonz hi ta va hi fana na vaendli va swo hombolaka.

Hi na ku vonana na Hosi ya hina kan'we hi vhiki, loku i ku rhamba ka Hosi Yesu. A ku na nchumu xa nkoka eka hina ku tlula leswi. Kambe, a hi tihlayiseni hi ku dya Xilalelo hi ndlela leyinene hi tengile leswaku hi kuma matimba ku nga ri ku twisiwa ku vava.