DAFULA LA MURENA (TSHILALELO)

1746 - Venda

R. Mills

A ro ngo fanela u di vhona sa vha si na ndeme kha murena Yesu. Ri amba nga zwithu zwila zwi nangaho uri zwi vhe u langa sa maanda a mulayo. Mvelele ya vhanna a i na ndeme, fhedzi izwi zwithu zwo nangwaho kha Murena ndi zwa ndeme, zwi so ngo vha sa zwi sa dzhielwi ntha. A zwi na mulandu arali ri na tshifhato tshine ra rabela khatsho. Zwi a leluwa, fhedzi tshifhato a tsho ngo lugela u rabela khatsho na tshidzo ya vhanna. Arali ri tshi rabela nga duvha la Murena, Arali ri tshi funza uri vhanna vha tea u bebwa nga madi na nga muya ndovhedzoni nga u mbwandamedzwa; Arali ri tshi humbula lufu, tswito na u dzamuluwa ha Murena washu kha tshilalelo

zwithu izwi ndi zwa ndeme. Vha amba nga vhutshilo vhu sa fheli na uri ri do vhutshila ngafhi. Yothe ndi milayo ya Murena Yesu Kristo. Ngauri nga izwi ndi zwa ndeme uri nga lutendo ri zwi dzhiela nzhele, na nga zwavhudi, tshihumbudzo ndi tshilalelo kana "Dafula la Murena."

Mulayo wa Murena Yesu Kristo

Tshihumbudzo itshi a tsho ngo thoma nga muthu. Tsho thoma nga nwana wa Mudzimu. Kha u thusa vhathu ori: "Ni di ralo misi yothe, ni tshi tshinwa, ni tshi itela u nnyelelwa ngazwo." 1 VhaKorinta 11:25b.

Arali zwo vha zwi zwa muthu, zwi do vha zwi si na ndeme arali ro vha ri so ngo dzhiela nzhele mulayo wa hone. Ri nga tevhedza tshihumbudzo kana ri nga zwi hangwa musi ri tshi nanga. Fhedzi ndi tshihumbudzo tsha ndeme tshine ra lavhelela u tshi sedzesa u swika a tshi vhuya. Tsho fhiwa na u ri humbudza lufuno lwawe luhulwane kha rine. Ro vhofhekanywa uri ri vhe khae tshifhinga tshothe. Nga nnda hatsho, divha-zwakale yo sumba uri vhathu vho sendedzwa kule na Murena wavho vha xela lwa Muya. A zwo ngo tea uri zwi vhe tshidzumbe kana Muya wa Mu-Kristo wo vhofhololwaho. "Ri vhana vhawe na u kuvhangana uri ri eletshedzwe ngazwo, kana a ri ho khae na luthihi. U vhofhekanywa hashu na u ri ri sendele kule sa tshikepe tshi no ngula-ngula tshi fanela u khwathiswa nga u tavhanya matomboni zwo xela!

Muapostola Paulo uri, "A vha nne, ndo nekedzwa nga Murena zwenezwo zwe nda ni kumedza, zwauri: Murena Yesu vhusiku he a naledzwa, O dzhia tshinkwa. O livhuha a tshi nwata a ri: "Ndi muvhili wanga, we nda kumedza, ni ralo, ni tshi itela u nnyelelwa ngazwo." Aralo-vho na tshinwelo, musi ho no lalelwa ari: Tshinwelo itshi ndi mulanga muswa wa malofhani anga, ni di ralo misi yothe ni tshi tshinwa, ni tshi itela u nnyelelwa ngazwo. Ngauri misi yothe arali ni tshi la itshi tshinkwa, ni tshi nwa itshi tshinwelo, ni tanziela lufu lwa Murena; a tshi da a wane ni tsha di ralo. Ndi zwone zwine alaho tshinkwa na u nwa tshinwelo. Ngauri ane a sokou la a soku nwa, u khou dilela na u dinwela mulandu, nge a si talukanye uyo muvhili. Ndi zwone zwine ha anda Vhalwadze na Vhahota Vhukati hanu, Vhanwe Vha ita na u dzama.

DAFULA LA MARENA NDI TSHIFHINGA TSHA :

Vhukonani - (1 VhaKorinta 10:16-17). "Tshinwelo tsha phathushedzo tshine ra tshi fhatutshedza a si u tangana na malofha a Kristo naa? Vhuswa Vhune ra Vhu nwata a si u tangana na Muvhili wa Kristo naa? Vhunga hu Vhuswa Vhuthini ndi uri, naho ri Vhanzhi ri muvhili muthihi. Ngauri rothe ri Kovhekana Vhuswa Vhuthihi. Johane O shumisa - Vho a ya maipfi ari : "Ngoho - ngoho ndi a ni Vhudza, arali na sa la muvhili wa Murwa-muthu, na nwa malofha awe, ni nga si vhe na vhutshilo kha inwi. A laho muvhili wanga a nwa malofha anga, u na vhutshilo vhu sa fheli, huno nne ndi do mu vusa nga duvha la vhufhelo (Yohane 6:53,54)

Tshihumbudzo itshi tshi tanganyisa vhathu uri vha vhe tshithu tshithihi. Arali ri muvhili muthihi na u tangana ra humbula Murena, ri fanela u vha tshithu tshithihi na vhanwe-vho. Muvhili ndi vhuthihi. Ri tshithu tshithihi kha Kristo. "Vhuswa vhune ra vhu nwata rothe ndi u tangana na Kristo ra vha muvhili muthihi." (Vhakorinta 10:16)

Paulo o vhudza vhagalata, "Ngauri nothe no lovhedzwaho kha Kristo no ambara Kristo." (VhaGalata 3:27) "Mudzimu o rumela Murwa wawe uri a fele vhothe vha mu tendaho." (Yohane 3:16) O toda uri vhothe vha vhe tshithu tshithihi.

KANA

Mudzimu o funa shango zwingafha, a vhuya a nekedza Murwa wawe Mubebwa-ethe uri vhothe vha mu tendaho vha si lovhe; tshavho hu vhe u tshila tshothe. (Yohane 3:16) na Yohane 17:21

U diimisela hafhu kha mulanga wa pfunzo ya Mushe, phanda ha musi mufunzi a tshi dzhena Altareni, O tea u tamba muvhili uri a dikunakise. A so ngo diimisela uya phanda ha Mudzimu a so ngo tanzwiwa zwivhi zwawe. Nga murahu ha musi o tanzwiwa, a nga ima vhukati ha Mudzimu na vhathu. Na rine-vho ri sa athu u ya phanda ha Mudzimu ri tea u tanzwiwa nga madi na nga muya. (Yohane 3:5) U mbwandamedzwa madini uri muthu a hangwelwe zwivhi, zwi pfi "ndovhedzo" nga murahu ha musi u lovhedzwa nga tshigirika "ndovhedzo" zwo shandulwa ngauri ro tanzwiwa, ri vhavhuya uri ri ime phanda ha Mudzimu. Vhufunzi vhukhethwa, u tanzwiwa. Nga ri vusuludze u diimisela vhege inwe na inwe musi ri tshi da Dafulani la Murena, u dilingedza uri ri itwe vhaswa hafhu.

Mbuelo ya tshihumbudzo ndi u ri humbudza zwithu zwine zwa itea. Vhungoho na zwo iteaho kha vhu-Kristo ndi Yesu o faho, a switwa a dovha a vuwa vha funi, u ranga phanda vhathu vhothe. Tshine tsha mangadza, "Mafhungo madifha!" Izwi ndi u andadza "fhungo la Mudzimu!"

Musi ri tshi sedza Dafula la Murena, ri sedza kha vhida ri tshi humbula lufu lwa Murena. Ri nwatakana tshinkwa na Mutshelo wa Veine, ri tshi humbula uri muvhili wawe wo vhambwa tshifhambanoni na malofha awe o shuluwela zwivhi zwashu. Na u sedza u dzamuluwa a tshi bva vhidani a gonya haya hawe Tadulu uri a vhe na kho tsi awe (Mudzimu). Ro vhudzwa uri ri ite izwi u swika a tshi vhuya hafhu u elelwa Murena washu kha u fhenya!

DAFULA LA MURENA NDI VHUMATSHELO HA TSHOTHE KEREKENI YAWE:

Tshivhidzo tshine tshi sa elelwe thoho yatsho na mutumbuli watsho tshi nga si vhe sa tshi fulufhedzaho. Yesu Kristo ndi thoho ya kereke. O ri, "u swika ndi tshi vhuya" ndo humbudzwa nga musidzana a funeswaho kha Murena wenaho vha a tshi khou fa nga cancer, tenda a tshi kona u zwi ita, o vha Dafulani la Murena vhege inwe na inwe o dzula o mu lindela uri a tshi swika a vhe nae. Vhege mbili phanda ha musi a tshi fa, ha ngo tsha kona uya uri a vhe hone zwenezwo vhahulwane vho dzhia tshihumbudzo itshi vhatshi isa kha ene. Hu saathu u fhela iri mbili phanda ha musi a tshi vhidzwa uri a tangane na Murena, o vha e Dafulani lawe a na vhakomana na dzikhaladzi nnzhi kha tshanda tsha u la tsha Murena. Izwi ndi zwe a amba musi a tshiri "U swika ndi tshi vhuya a zwi mangadzi uri munna wawe o ri vhudza nga madakalo awe uri duvha la u fhedzisela la Murena nga matsheloni a tshi khou dilugisela mutangano wa lenelo duvha. O vha o diimisela a tshi fulufhedzea, na lutamo lwa u tangana na Murena wawe.

DAFULA LA MURENA NDI LA NDEME:

A lo ngo tea u dzhielwa fhasi-bugu ya mishumo ya Vhaapostola i tshi fanyisa na zwa kereke iri vho ya phanda "u ima kha lithihi," na dzithendo dza vhaapostola na tshivhidzo, na u nwata tshinkwa, na kha dzithabelo. Vhanwali vhane vha nwala luambo lunwe vha tshi lu isa kha lunwe luambo N.I.V. Vha shumisa maipfi "U diimisela vhone vhane." Vhathu avho vho vha vha tshi fulufhedzea, vha tshi vhea izwi phanda kha vhutshilo havho. Vho vha vha sa dzhieli fhasi mushumo wavho.

Zwi thusaho vhathu ndi zwa ndeme khulwane kha Dafula la Murena na uri ndi zwo nwalwaho nga u pfufhifhadza kha bugu ya Mateo, Marko, Luka na Vhakorinta. Musi ipfi la Mudzimu li tshi dovholola tshithu, ri tea u li dzhia li la ndeme.

Izwi ndi u rangwa phanda nga thabelo ya u thoma ya kereke. Musi Muapostola Paulo a tshi swika Tiroasi, o divha zwauri VhaKristo vha do tangana u sedza Dafula la Murena kha duvha la u thoma la vhege, Zwenezwo o lindela vhege yothe uri a kone u dzhenela tshivhidzo itshi navho na Murena Dafulani. Mishumo ya Vhaapostoli (20:7).

KANA:

Nga duvha la phanda la vhege vhafunziwa vha kuvhanganela u nwata tshinkwa; Paulo a vha funza a tshi funa u tuwa nga la matshelo:

Ha vhuya ha vha vhu siku vhuhulu a tshi khou amba mafhungo. (Mishumo ya Vhaapostola 20:7)

Ri so ngo zwi shumisa nga ndila i so ngo teaho-vhanwe vha-Kristo vho shumisa tshifhinga tsha u da Dafulani sa tshifhinga tsha vhutambo sa vhaitazwivhi musi vha tshi ita thabelo ya u elelwa Mudzimu. Ndi musi vha tshikhou ita na u kambiwa na u litsha vhashai kha vhukonani havho. Paulo o vha sinyutshela a vha vhudza uri vha na midi yavho ine vha nga itela vhutambo havho hone na uri vha meme vhane vha vha funa. Uvhu vhutambo ho vha hu ha tshihumbudzo tsha u nwata tshinkwa hu si vhutambo ha vhaita-zwivhi. Vho vha vha tshi kho la vha vha tshi khou nwa nga ndila i sa tanganedzeiho.

A si maipfi ane a ambiwa Dafulani ane a sedzea a makhethwa. Ndi u nwata tshinkwa na u dovholola. Sa munwe a tshi ri "Uyu ndi muvhili wanga u ne nda khou ni nwatakanya sa tshihumbudzo tshanga." A hu na tsho khakheaho nga vhudipfari arali ri tshi humbula ngaho, na uri a ri kombetshedzwi nga Mudzimu.

A si uri kana mutshelo wa veine ndi mutete, mutshena na mutswuku, ngauralo vhathu vha tou nga vha do vha na dzithendelo. Ngauri ane a sokou la, asokou nwa, u dilela na u dinwela mulandu, nge a si talukanye uyo muvhili. Zwa ndeme ndi zwauri ri a humbula u itwa ha tshihumbudzo! Ri a huwelela hafhu u elelwa Murena we a nwatakanya muvhili wawe na u shuluwa ha malofha awe musi ri tshi kuvhangana? (1 Vhakorinta 11:29)

Aya ndi mafhungo a mbilu-Arali mbilu ya Mu-Kristo i so ngo kwamea zwi sedzea zwa ambiwa vhuvhi na u vha zwi si na tshithu. Mudzimu o nekedza Murwa wawe! Uyo nwana o vhambiwa kha thanda ya tshifhambano tsha Vharoma a tshi vhambelwa rine; uri rine ri

hangwelwe kha zwivhi zwashu. Izwi zwithu ri fanela u zwi elelwa na u zwi tanganedza. Arali ri tshi kundwa u elelwa izwi zwithu, ri khou sasaladza tshihumbudzo zwine zwa do vha hone ndi vhulwadze na lufu arali ri tshi ya phanda. Ane a sokou nwa a sokou la u khou di nwela na u dilela mulandu nge a si talukanye u yo muvhili. Ndi zwone zwine ha anda vhalwadze na vhahota vhukati hanu, vhanwe vha ita na u dzama. (I VhaKrointa 11:29-30)

Ri so ngo bvafha u ya hune ra kuhangana, ndi zwine vhanwe vha ita. Ndi zwa vhutshilo uri ri fulufhedzee kha u dzhenela Dafula la Murene. Jesu o divhadza uri ri ite izwi, na uri ri ite nga vhuthu, ri tshi elelwa lufu Lwawe u swika a tshi da u ri dzhia. Mbilu yanu yo luga? Zwi nga si vhe zwone a rali ri tshi dzhiela fhasi Dafula la Murena Kana ri sa elelwi tshihumbudzo tshawe.

Ulu lufu lu na ndeme na vhulwadze ha u vhulaha. Vhulwadze vhu sa fholi vhu kwama vhutshilo u vhu; lufu lwa Muya lu isa vhutshiloni vhu sa fheli. Ri nga lingwa uri ri ambe uri Mudzimu ha, ri pfeli vhutungu. Hai, Ha ngo ralo.

Arali ri tshi sasaladza lufu lwa Murena Yesu, ri nga vhala vhe vha kuvhana Calvary, vha hewelela vha ri: "Nga A vhulawe!" A vho ngo divha uri ndi Mutshidzi ri nazwo. Naho vho mu divha, ri a zwi hana zwa u vhambiwa Hawe a tshi vhambelwa rine. Vhunzhi ha vhe vha vha vhe Calvary vho rembuluwa zwivhini vha vha vha - Kristo. Ro vhudzwa uri Muapostola Petro a tshi funza Pentekoste, vhunzhi ha vho mu pfaho, vhanzhi vho mu pfaho, vha tshi pfa aya mafhungo, a vha thavha dzimbilu, vha amba na Petro na vhanwe vhaapostola vhori, "Vhanna vha hashu, ri do ita hani?" (Mishumo ya Vhaapostola 2:37).

"Petro aamba navho ari: "Shandukani nothe ni lovhedzwe dzinani la Yesu Kristo, hu vhe u hangwelwa zwivhi, ndi hone ni tshi do tanganedza tshifhiwa tsha Muyamukhethwa"..."Huno vho tanganedzaho mafhungo vha tshi zwi funa, vha da vha lovhedzwa. Duvha ilo ha tanganedzwa vhathu vhane tshivhalo tshavho tsha toda u vha madana a mahumi mararu." (Mishumo ya Vhaapostola 2:38,41).

Vhanzhi vhavho vho shanduka vha tshidzwa. Vha-Kristo vhanzhi vha nga si shanduke na uri vha do ya phanda na u sasaladza Murena Yesu nga u sa dzhiela ntha tshihumbudzo tshawe. O amba uri vha do hudza malwadze na u fa nga zwivhi izwi. U divha Murena na u shanduka zwivhini. Zwi nga nguluvhe ilaho mashika a sa todei hune ya toda zwiliwa thopheni na manyoroni!

NAA RI NGA ITA HANI?

Ri fanela u ya Dafulani la Murena nga Muya wa u disedza. "Muthu izwo nga a disedze a kone u do la tshinkwa a nwe tshinwelo, Ngauri ane a sokou la, a sokou nwa, u khou dilila na u dinwela mulandu, nge a si talukanye uyo muvhili. Ndi zwone zwine ha anda vhalwadze na vhahota vhukati hanu, vhanwe vha ita na u dzama." (1 VhaKorinta 11:28-29). Zwi a leluwa u di sedza na u vhea mihumbulo yashu kha Tshihumbudzo. Manwalo ari, "Ngavhe ro vha ri tshi disengisa, ndi musi ri sa vhewi mulandu. Huno ri tshi vhewa mulandu, ndi u laiwa nga Murena, uri ri sa do latiwa na shango." (1 VhaKorinta 11:30,31)

Vhakomana, nga ri difhe mulayo Dafulani la Murena uri ngoho ri nga vhona muvhili wa Murena nge ra tutshela mulayo wa Murena kha vhana vha so ngo laiwaho.

Ri na mulanga wa vhege inwe na inwe na khosi, Tshimemo tsha Murena Yesu. A hu na zwinwe zwine zwi nga vha na ndeme kha rine, fhedzi nga ri di fhe mulayo rine vhane uri ri tevhedze mulanga uyu nga ndila ya vhudi uri ri kone u khwathiswa hu na uri ri hotefhadzwe.