GO NGWALOLLA PUKU GO A ILETSWA

1183 - Sepedi

MATSENO

J. Conley

Thutong yekhwi, go tla somiswa mangwalo a makgethwa e lego go tloga ka puku ya Ditiro go feletsa ka ya Juta, e le go thibela kgakanego yeo e ka bago gona. Ditiro ke puku ya bophelo-tiragalo. E ngwetswe ditiragalo go ya ka mowe di diregilego ka gona, e bile go feta mowe ga go ditsiebadimo goba dipheteletso go yona. Ka moka Diepistola go thoma ka Puku ya Baroma go fihla go Juta, ke mangwalo ao a ngwaletswego diphuthego goba batho. Di swanettswe go balwa le go amogelwa ntle le ngomgorego. Ke Diepistola tseo di ngwaletswego batho ka maleme abo bona. Di ngwetswe ka nepo ya go rutisa batho mokgwa wa go direla Modimo le morwa wa Gagwe.

Ge o bala Beibele o swanetswe go tseba gore gore karolo ye nngwe ya Beibele e thulanago le e nngwe. Thereso ke Beibele ka moka e a dumelelana. E bile ga go ka mowe molaetsa go tswa Beileng o ka bago le tlhaloso yeo e lego ka tlase ga seo o lekago go se hlagisa, empa gantshi molaetsa o ka ba le tlhaloso ye kgolgo tswa thekgong le leseding la mangwalo a mangwe, ao a hago le hlogo ya ditaba yeo e swanago le yeo e balwago empa e sa kwege. Modimo ga nyake motho a gakanega. Ge motho a ka amogela lentsu la Modimo ntle le a le fetosa, nkabe go se ne kgakantsho go lona.

Go bile le kgakanego e kgolo mabapi le kolobetso le Moya o Mokgethwa. Lebaka leo le hlagisago bothhato bjokhwi ke batho bao ba sa amogelego Lentsu la Modimo ka mowe le lego ka gona. Ba leka go le fetola ka seo ba tlisa kgakanego.

KOLOBETSO

Kolobetso ke lentsu leo le hlalosago go thintsha goba go sobeletsa. Go fokela ga go ka mowe go ka go amogelwa bjale ka kolobetso Beibeleng. Le gona go fokela goba go tshela go timeletsa kgopolo ya lehu, poloko le tsogo mabitleng. Thutong yekhwi ge re bolela ka kolobetso, re tla be re bolela ka ya go thintsha. Ge motho a thintshwa go ya ka Beibele, o bea tshepo ya gagwe lehung, polokong. le tsogong ya Kreste bahung. Go feta mowe yowe a thintshwago o ipshina ka go hwa dibeng, bolokwa ga motho wa kgale wa dibe, le go tsogela bophelong bjo boswa ka go Kreste. Ka moka tseo di timeletswa ke phokelo ya meetse.

GA SE MOSOMO

Kolobetso go tswa Beibeleng ga go ka mowe, goba e kilego ya tsebagatswa go ba "mosomo" empa Beibele ga e bolele bjale. Pukung ya Bakolose 2:12 re bala gore:

"Ka ge le fihlilwe le yena lebitleng ka kolobetso, yeo gape le tsogilego le yena ka yona, ka tumelo ye e dirwago ke Modimo e a mo tsositsego bahung."

Bala gape Bagalata 3:26-27.

"Gobane ka moka le bana ba Modimo ka go dumela go Jesu Kreste. Gobane ka moka ba le kolobeditswego go Kreste, le apere Kreste."

Kolobetso ke "tumelo yeo go yona go somago Modimo" e bile kolobetso ke tumelo yeo re e aparago ka kgaugelo ya Modimo yeo gape e re fetolago "barwa ba Gagwe". Kolobetso ga se sefoka sa pholoso, empa ke tumelo lehung, polokong le tsogong yeo e tlisago pholoso.

KOLOBETSO E TEE FELA

Go ya ka mangwalo go na le kolobetso e tee fela lehono. Baefesu 4:4-6 e re:

"Mmele o tee le moya o tee, ka mo le bileditswego kholofelo e tee ya go bitswa ga lena. Morena o tee, tumelo e tee, kolobetso e tee. O tee Modimo le Tatago bohle, e a lego godimo ga bohle le ka bohle le mo go bohle."

Go na le dikolobetso tse ntshi tseo di ngwetswego Beibeleng bjale ka kolobetso ya matshwenyego, kolobetso ya Johane, le ya moya o mokgethwa le mollo. Ge Paulo a ngwala puka ya Baefesu, go be go setse kolobetso e tee fela. (Tsa kolobetso ya moya o mokgethwa di tla hlaloswa ka morago karolong e amanago le yona) Kolobetso ya SeKreste ke yona fela e nago le kholofediso go batho lehono. Kholofediso yeo ke "tebalelo ya dibe le neo ya moya o mokgethwa." Ditiro 2:38.

KOLOBETSO YA TEBALELO YA DIBE

Meetse a kolobetso ga se ona a pholosago le ge e ka ba go hlatswa dibe. Madi a Morena Jesu ke ona fela ao a kgonago go hlatswa dibe. Tswalano ya madi a Kreste le kolobetso e tla hlaloswa ka moragontana. Ditiro 2:38 e re. "Petrus a ba botsa a re: Sokologang, me e mongwe le e mongwe wa lena a kolobetswe leineng la Jesu Kriste e be gona go lebalelwa dibe, me le tla fiwa neo ya Moya O Mokgethwa."

Ditiro 22:16 e re:

"Bjale o diegelang? Ema o kolobetswe o hlapiswe dibe tsa gago ka go rapela leina la Morena."

Mangwalo a ka se be le tlhaloso e nnyane go seo se ngwetswego goba goba thulanong le sona, empa bokaone a ka ba le tlhaloso yeo e lego ka godimo ga seo ge e balwa tshedimosong ya mangwalo ao a hlatselanago le leo o ka bago o kgatha tema go lona. Lengwe la mangwalo ao a ka go re sedimosa ka kolobetso ke Baroma 6:3-11 yeo e rego:

"A ga le tsebe gore bohle ba re kolobeleditswego go Kreste Jesu, re kolobeleditswe lehung la gagwe? Ke gona re fihlilwe le yena lebitleng ka go kolobetswa lehung, gore bjale ka Kriste ge a tsositswe bahung ka letago la Tate, le rena re sepele bosweng bja bophelo."

"Gobane ge re hlomagane ka go swana nae lehung, le tsogong ya gagwe re tlo swana nae. Re tseba gore motho wa rena yo motala o bapotswe le yena sefapanong gore mmele wa sebe o fediswe, re tle re seke ra hlwa re hlankela sebe. Gobane yo a hwilego o hunolotswe sebeng. Ge re hwile le Kriste, re dumela le gona gore re tla phela le yena. Re tsebe gore Kriste yo a tsositswego bahung ga a sa hwa; lehu ga le sa mmusa. Gobane ge a hwile, o hwile ka baka la sebe gatee, me ge a phela o direla Modimo. Ka mokgwa owe le lena le re le bahu thokong ya sebe, me le phelele Modimo ka Jesu Kriste Morena wa rena."

Ge o kolobetswa go ya ka mangwalo a makgethwa, gona o "kolobeletswa mmeleng wa Kriste Jesu". O kolobeletswa "lehung la gagwe". Jesu o tshologile madi lehung la gagwe. Johane 19:33-34 e re:

"Ya re ge ba etla go Jesu me ba bona ge a setse a hwile, ga ba ka ba mo roba maoto; eupsa e mongwe wa bahlabani a mo phula lehlakore ka lerumo, me madi le meetse a akgofa a tswa."

Ditiragalo ka moka tseo di bakilego lehu, ke tsona gape di hlodilego tshologo ya madi a Gagwe. Lehung la Gagwe Jesu ofane ka madi a Gagwe. Le kolobetsong re "kolobeletswa lehung la Gagwe" e lego gona fao a tshologilego madi.

Beibele e kwisisega botse ge e re, "go bolokwa le yena ka kolobetso" ga se "go swana nae." ga se "bjale ka yena" "le" ke lekopanyi leo le dirago tse pedi se tee goba kopanelo. Temaneng ya bohlano lona lentsu lekhwi le somisitswe "Gobane ge re hlomagane ka go swana nae lehung la Gagwe." Kolobetsong lehu la Kriste le ema sebakeng sa lehu leo re bego re tlamegile go le kwa ka baka la dibe tsa rena. Baroma 6:23. Kopanelong ye ya rena le yena lehung la gagwe e lego fao madi a tshologilego ntshe, e lego ona (madi) a hlatswago dibe.

Go tswa seetseng sa Baroma 6:3-11, Ditiro 2:38 le 22:16 go na le tshedimoso e kaone. Puku ya Baroma 6:6 motho wa kgale wa dibe "o a kokotelwa" goba o a bolawa. Sebe ga se buse yowe a kolobeleditswego ka lehung la Kreste. Temaneng ya 7 e re motho o "lokolotswe sebeng" Yowe a kolobeditswego o lebaletswe dibe ka gore lehu la Kreste le tsere maemo a motho wa dibe. Madi a Jesu a thakgafaditse motho wa dibe.

Ga go ka mowe motho a ka thomago bophelo bjo boswa ka gona ge a sa lebalelwa dibe. Baroma 6:3-11 e laetsa gabotse gore yo a tsogago kolobetsong o tsogela go "sepela bophelong bjo boswa." Bophelo bja go phelwa ke bao ba kolobeditswego, ke bja go direla Modimo. Kolobetsong motho o "Phele Bokreste a le go Kreste Jesu". Gape "ge re hwile le Kreste, re dumela gore gape re tlo phela le Yena.

Lebelela Bagalata 3:27 gape "Gobane ka moka ba le kolobeitswego go Kreste, le apere Yena." Bohle bao ba "kolobeleditswego go Kreste" ga ba balelwe toko ya bona go pholoswa empa ba apere Kreste. Kreste o fetogile tokelo ya bona ya pholoso ka go mo apara.

Bohle bao ba kolobeleditswego go Kreste ba beile "tumelo ya bona go direla Modimo, yowe a ba tsositsego lehung." Bakolose 2:12.

1 Petrose 3:21 e re, "Kolobetso bjale e pholosa wena". Ga e amane ka selo le go hlapa ditshila tsa nama. Kolobetso "ke go kgopela letswalo le lebotse go Modimo, ka tsogo ya Jesu Kreste bahung." Naa motho a ka ba bjang le letswalo le leswa empa a sa le dibeng tsa gagwe? Kolobetso e thakgafatsa letswalo ka baka la tebalelo ya dibe yeo e tlago lebakeng la kolobetso ka lehu, poloko, le tsogo ya Jesu Kreste bajung.

LEHODU SEFAPANONG

Gantshi go tswelela potsiso, "naa sephetho sa lehodu sefapano e bile sefe?" Ga go fao go tswa mangwalong re mo kwago gore o kolobeditswe le ge Jesu a mo holofeditse go ba le yena Paradeising. Karabo ya seo e pukung ya Bahebere 9:15-17 yeo e rego:

"Me ka baka leo yena ke Mmoelanyi wa kgwerano e mpsha, gore ge go setse go diregile lehu go ba le topollo ya dikarogo tsa mehleng ya kgwerano ya pele. Gobane mo kwano ya bohwa e lego gona, e ka kgona lehu la moreri wa yona le begwe, gobane kwano ya bohwa e na le maatla ge go hwilwe, ka gobane e ka se be le maatla ge moreri wa yona a sa phela."

Lehodu leo le lego sefapanong le phetse Testamenteng ya kgale e sego e mpsha. O kwile pele go hlongwa Testamente e Mpsha. O hwile lebakeng la molao e sego Kgaugelo. Go tshologa ga madi le "lehu la Kreste ke tsona di hlomilego" kwano ye mpsha ya bohwa. Testamenteng e mpsha batho ba swanetswe go "sokologa le go kolobeletswa leineng la Jesu Kreste go lebalelwa dibe, le go amogetswa mpho ya Moya O Mokgethwa.

MOYA O MOKGETHWA

Go tswa Testamenteng Moya O Mokgethwa o neilwe batho ka ditsela tse tharo tseo di fapanago. (1) O tlile thwii go tswa legodimong, Ditiro 2:1-5. (2) Peong ya diatla godimo ke Baapostola, Ditiro 8:17-18 le 19:6-7, le (3) Lebakeng la kolobetsong, Ditiro 2:38, le 19:2-5. Go na le mabaka ao a hlohleleditsego gore Moya O mokgethwa o newe batho ka ditsela tseo di sa swanego.

KOLOBETSO YA MOYA O MOKGETHWA

Pukung ya Ditiro 1:1-5 Jesus o holofeditse Baapostola gore ba tla amogetswa maatla go tswa legodimong ka morago ga matsatsi a mmalwa. Baapostola ba ile ba dula Jerusalema go letela kholofediso yeo. Ditiro 1:5 a re:

"Gobane Johane yena o kolobeditse ka meetse, ge e le lena le tla kolobetswa ka moya o mokgethwa go seso gwa feta matsatsi a mantshi a ona ao."

Jesu o holofeditse Baapostola seo ba se amogetsego. Seripeng sa mafelelo sa puku ya Ditiro, kgaolo ya mathomo, badumedi ba kgethile mongwe go tsea legato la Judas le go ba Moapostola wa lesome-pedi. Go ile gwa kgethiwa Matthiase go "balwa le Baapostola ba lesome-tee." Re bala go thoma kgaolong ya bobedi go "ba be ba le ka moka tulong e tee." Go ya ka leinakakaretso lekhwi. "Ka moka" le akaretsa Baapostola bao ba bego ba le mmogo, ka gore ke lona leina-kakaretso le nnosi leo le beago tsohle pepeneneng.

Bohlatse bjo bongwe ke bja. "Petros, yowe a emego le ba lesome tee" e sego le ba lekgolo le masomepedi. Ditiro 2:14. Lebaka ke gore ba lekgolo le masomepedi ga se ba amogela kolobetso ya Moya O Mokgethwa. Pukung ya Ditiro 2:43 "mehlolo le dika di dirilwe ke Baapostola". Baapostola ke bona fela ba dirilego mehlolo go fihla kgaolong ya boselela ya Ditiro fao "peo ya diatla godimo" e diregago. Le ge e be e le Baapostola bao ba bego ba dira mehlolo le dika, Modimo o be a efa ba ba dumelago Moya O Mokgethwa. Ditiro 2:38 le 5:32.

Kolobetso ya Moya o Mokgethwa e tlile thwii go tswa legodimo fao e ilego ya felegetswa ke modumo "owe nkego ke diphefo tse maatla" e bile go bonetse go bona maleme ao nkego ke mollo, owe o abagantswego le go leba go yo mongwe le yo mongwe wa bona." Ba boletse ka maleme ao e sego abo bona. Seo se diregilego ge kolobetso ya Moya O Mokgethwa e direga se bonwe le go kwiwa. Ditiro 2:33 e re: "Moya O Mokgethwa, o tshologile ka tsela yeo le bonego le gokwa."

Tiragalo ye nngwe yeo e ngwetswego ya go tla ga Moya O Mokgethwa o tlilego ka tsela ye e pukung ya Ditiro 10:44-48. Seo se diregile e le go hlatsela go Bajuta gore baditshaba ba swanetswe go amogela lentsu la Modimo bjale ka bona. Re tseba gore sekhwi se swana gabotsana le seo se diregilego go Ditiro 2 le 11:15. Petrose o hlalosetsa Bajuta ka gore: "e le ya re ge ke thoma go bolela moya o mokgethwa wa wela godimo ga bona bjale ka ge o kile wa wela go rena mathomong." Mathomong Moya O Mokgethwa o tlile thwii go tswa legodimong, fao o tlilego ka modumo owe nkego ke wa diphefo tse maatla fao go bonatsego maleme a le bjale ka dikgabo. Tlhathollo e lego go Ditiro 10 ke ya tseo di diregilego menywaga e ka bago ye supago ka morago ga ya Ditiro 2. Petrose o be a seso a bona seo pele ga Pentekoste, yeo e bilego menywaga yeo e supago pele ga tiragalo yeo. Ke ka fao a rego, "Moya O Mokgethwa o ba wetse godimo bjale ka ge le rena o kile wa re wela godimo mathomong." Bajuta ba pele ba amogetse Moya O Mokgethwa ka tsela yekhwi le baditshaba ba o amogetsego ka yona. Modimo ga a bebe motho sefahlego.

MOYA O MOKGETHWA KA PEO YA DIATA TSA BAAPOSTOLA

Go tswa kgaolong ya boselela ya puku ya Ditiro, Baapostola ba ile ba golelwa le go imelwa ke mosomo wa go abela bahloki dimpho. Ka fao ba ile ba kgetha banna bao ba supago "bao ba tletsego moya" ba bewa pele ga Baapostola. Baapostola ba ile ba ba "rapelela le go ba bea diatla godimo." Pukung ya Ditiro 6:8 re bala gore Stefano (yo mongwe wa ba supago) "O dirile mehlolo le dika pele ga batho." Pukung ya Ditiro 8:6 batho ba Samaria, "ba ile ba akela seo se boletswego ke Filipi" (le yena ke yo Mongwe wa basupago). Ge ba ekwa le go bona dika tseo a di dirilego." Mehlolo ya ntshe e ngwetswe temaneng ya 7. Pukung ya Ditiro 5:12 ke diatla tsa. Baapostola fela tseo di dirilego mehlolo. Empa kgaolong 6, ka morago ga peo ya diatla tsa Baapostola ba bangwe ba ile ba thoma go dira mehlolo.

Le ge Filipi a be a kgona go dira mehlolo, ga a ka a kgontsha Basamaria go e dira le bona. Le ge pukung ya Ditiro 8:14 fao Baapostola ba Jerusalema ba ilego ba kwa gore Samaria e dumetse, ba romile Baapostola Petrose le Johane bao ba ilego "ba ba rapelela gore ba amogele Moya O Mokgethwa ka gore o be o seso wa wela yo mongwe wa bona, le ge ba be ba setse ba kolobeleditswe leineng la Jesu Kreste. Ka fao bona (Baapostola) ba ba bea diatla godimo gore ba amogele Moya O Mokgethwa. Pukung ya Ditiro 8:18 "Simon o bone gore moya o fiwa ka peo ya diatla tsa Baapostola godimo."

Pukung ya Ditiro 19:6-7 Paulo o beile diatla godimo ga "bao ba ka bago lesome pedi "la batho bao e bego e le barutiwa ba Johane, Moya O Mokgethwa wa ba wela godimo, le bona ba bolela ka maleme le go profeta." Paulo a laetsa Boapostola bja gagwe go 1 Bakorinthe 9:1-2.

TLHATHOLLO

Ke lebaka la eng Moya O Mokgethwa o abilwe ka ditsela tsekwi tse pedi? (1). Kolobetso ya Moya O Mokgethwa. (2). Moya O Mokgethwa o fiwa ka peo ya diatla tsa Baapostola godimo. Ditsela tsekhwi ka bobedi di hlatselwa ke mehlolo. Bobedi di kgontsha moamogedi wa ona go dira matete, bjale ka go bolela ka maleme, go profeta le go fodisa. Karabo ke 1 Bakorinthe 13:8-13. Ge motho a bala 1 Bakorinthe, o swanetse go gopola gore kgaolo 12, 13 le 14 di bolela ka dineo tsa Moya O Mokgethwa. Pukung ya 1 Bakorinthe 13:8 Paulo o re:

"Me ge ele diprofeto di tlo fediswa; le ge e le maleme a tlo kgaotsa, le ge e le tsebo e tlo fediswa."

Paulo temaneng ya 9 le 10 o bolela gore seo se tla direga neng:

"Gobane re tseba ka thoko e nngwe me re profeta ka thoko e nngwe. Fela mohla go tlago se se phethegilego, ke mo sa ka thoko se tlo go fediswa."

Lentsu la phethego ge le nolofatswa ke "feleletse" goba "ka Moka." Beibele e feleletse goba e phethegile. Johane o feleleditse puku ya Kutullo ka ngwaga wa 95 ka morago ga lehu la Kreste; e bile go tloga fao ga go ne puku ye nngwe yeo e ilego ya okeletswa fao. Beibele e phethegile. E na le molaetsa ka moka o we o nyakegago go tseba Modimo. E na le "molao wa tokologo", ke ka fao Jakobo 1:25 a e bitsago yeo e phethegilego.

Le ge go rena Beibele e phethegile, lebakeng la Baapostola le bao ba ba rutilego e be e seso ya ba le Testamente e Mpsha. Mehlolo yeo ba e dirilego e le ditla morago tsa Moya O Mokgethwa di bile thuso go tlisa Testamente e Mpsha phethegong. Dika tsekhwi ke karolo ya kereke ya lesea yeo e golelago phethegong. 1 Bakorinthe 13:11.

Testamente e Mpsha ge e phethegile e laetsa motho seo a bego a le sona. 1 Bakorinthe 13:12 le Bahebere 4:12-13. Ge Testamente e Mpsha e phethega, diprofeto le tsebo (pudulelo ya go ngwala Mangwalo a makgethwa) "di tlo feta" le "go bolela ka maleme" go tlo fela.

Seo se hlatselwa gape ke bophelo-tiragalo. Botate ba Kereke (bao e bego e le dihlatse tsa Baapostola goba bagwera ba bona) ba hlatsela gore dika le mehlolo di kgathile tema go fihla menywageng ya lekgolo-tee (150-200 ka morago ga lehu la Kreste). Johane ke Moapostola wa mafelelo go kwa menywageng ya 95-97 ka morago ga lehu la Kreste. Mang le mang yowe Johane a ilego a mmea diatla godimo, o swanetswe go ka be e le wa mafelelo go dira mehlolo. Mehlolo e be e sa hlwe e direga. Testamente e Mpsha e phethilwe (feditswe). Le phuthego e tswago leseeng leo le belegweng Jerusalema ka Pentekoste e le go tlisetsa lefase mmele o mogolo. Bakolose 1:23.

Dineo tsekhwi tsa moya di bonala le dipukung tse dingwe bjale ka 1 Thimotheo 4:4 le 5:22. Pukung ya 2 Thimotheo 1:6 Paulo o laela Thimotheo "go butsweletsa neo ya Modimo yeo e lego go yena ka peo ya diatla tsaka e lego" (Paulo le Baapostola).

Ge Paulo a ngwalela Bakorinthe ka dineo tsa moya (mehlolo, maleme bj.bj). Le ge go le bjale ge a ngwalela Baroma, e lego phuthego yeo e sa thongwago ke Baapostola. Paulo ga a bolele ka dineo tsekwi. Go ya ka puku ya Baroma 5:5 ba be ba na le moya o mokgethwa, empa Paulo o hlologetswe go ba bona le go ba "abela dimpho tsa moya go ba tiisa" Baroma 1:11. Ba paletswe ke go dira matete lebaka e le gore ga go Moapostola yowe a ilego a ba bea diatla godimo.

MOYA O MOKGETHWA O FIWAGO KOLOBETSONG

Phukung ya Ditiro kgaolong ya bobedi re bala gore Baapostola ba kolobeditswe ka Moya O Mokgethwa. Ba boletse ka mediro e maatla ya Modimo. Petrose yowe a emego le Baapostola ba lesome tee o boditse batho ka Jesu. Petrose o boletse ka lehu la Kreste, poloko, le tsogo ya gagwe bahung le gore Jesu o letsogong le letona la Modimo. Ditiro 2:37 e re:

"Ya re ge ba ekwa tseo, ba hlabja dipelong, ba bolela le Petrus le Baapostola ba bangwe ba re: Banna ba gesu, re tlo dira eng?"

Ditiro 2:38-39 e re fa karabo ya Petrose. "Petrose a ba botsa a re: sokologang, me e mongwe le e mongwe wa lena a kolobetswe leineng la Jesu Kreste, e be gona go lebalelwa dibe, me le tla fiwa neo ya moya o mokgethwa. Gobane kholofediso ke ya lena, le bana ba lena, le ya bohle ba ba lego kgole, bao Morena Modimo a tlago ba bitsa."

Batho bakhwi ba boditswe gore kolobetsong ba tla lebalelwa dibe le go fiwa neo (e sego dineo) ya Moya O Mokgethwa. Modimo o fa bao ba mo hlomphago Moya O Mokgethwa, Ditiro 5:32, empa dika di filwe fela Baapostola go fihla ka puku ya Ditiro 6 le bao ba ilego ba bewa diatla godimo ke Baapostola bao. Pukung ya Ditiro 2:39 Petrose o re: "Kholofediso yekhwi ke ya lena le bana ba lena, le bao ba lego kgole, bao Modimo a tlo go ba bitsa." Kholofediso ke ya tebalelo ya dibe, le dineo tsa Moya O Mokgethwa kolobetsong. Kholofediso ke ya bao ba kwelego Petrose ge a bolela, bana ba bona, le bohle bao ba lego kgole. Le ge re le "kgole" go tloga Pentekosteng goba go tswa Bojutteng, kholofediso e sa le ya rena. Kholofediso go tswa go Modimo ke ya gore re tla amogetswa "tebalelo ya dibe le neo ya Moya O Mokgethwa kolobetsong."

Pukung ya Ditiro 19:1-7 Paulo o botsisa barutiwa ba Johane "Naa le ile la amogela Moya O Mokgethwa mohlang le dumelago?" Bona ba be ba thoma go kwa ge Moya O Mokgethwa o fiwa batho. Paulo a boitsisa, "Naa le kolobeleditswe kae?" Ba be ba sa amogela Moya O Mokgethwa ka baka la go fosagala ga ka mowe ba kolobeditswego ka gona. Batho ba ba kolobeditswe ka kolobetso ya Johane. Kolobetso ya tebalelo ya dibe le neo ya moya o mokgethwa e be e seso ya ba gona. Ka morago ga be ga lobeleditswe leinena la Jesu Kreste fao go nago le dikholofediso, Paulo a ba bea diatla godimo fao ba thomilego le go kgona go bolela ka maleme le go profeta.

Puku ya Ditiro 8:25, Filipi o dirile dika le mehlolo fao batho ba ilego ba dumela le go kolobeletswa leineng la Jesu. Le bona ba amogetse kholofediso ya Ditiro 2:38 (e lego tebalelo ya dibe le neo ya Moya O Mokgethwa). Batho ba Samaria ba be ba hloka dimpho tsa ka ntle go bonwa. Ba di hlokile go fihla ge Baapostola Petrose le Johane ba ba bea diatla godimo. Tshokologo ya bona e be e fosagetse go ya ka fao ba bego ba hloka Moya O Mokgethwa ka gona. Puku ya Baroma 8:9 e re, "Yo mongwe le yo mongwe yowe a se nago Moya O Mokgethwa ga se wa Modimo."

Tsholologong ye nngwe Pukung ya Ditiro go na le bao ba ilego ba kolobetswa. Mohlala o mongwe ke wa monna wa Ethopia, Malaki wa letona la mohumagadi Kandake, Ditiro 8:26-40, Lydia le ba lapa la gagwe, Ditiro 16:11-16; le Moleti wa Kgolego ya Filipi, Ditiro 16:25-34. Ka moka bao ba kolobeleditswe tumelong ya dikholofediso ya Ditiro 2:38. Ge nkabe go se bjale gona ga se ba Kreste. Ga go tsela ye nngwe yeo e ngwetswego e nago le kholofediso ya Moya O Mokgethwa ntle le yekhwi. Go na le kolobetso e tee yeo e setsego go ya ka Baefesu 4:5. Yona ke ya kolobeletswa lehung la Kreste go lebalelwa dibe le go fiwa Moya O Mokgethwa.

MOSOMO WA MOYA O MOKGETHWA GO RENA LEHONO

Samathomo-thomo Moya O Mokgethwa ke "tiiseletso ya bojabohwa go fihle re fihlela sephetho." Baefesu 1:14. Mokhwi Paulo o bea tsohle pepeneneng ka gore Modimo o re rumile ka Moya O Mokgethwa go fihle ge ka letsatsi le lengwe re eya legodimong. Moya o fiwa BaKreste e le wa go ba ruta ka mowe ba ka go "phelela go tumisa letago la Gagwe." BaKreste ba rokilwe ka Moya O Mokgethwa go fihla letsatsing la pholoso. Le ge go le bjale Moya O Mokgethwa o a belaela ge MoKreste a sa o fe sebaka go mo hlahla. Baefesu 4:30.

Ga go nyakege thuso ya Moya O Mokgethwa go ngwala lentsu la Modimo, empa go nyakega Moya O Mogethwa go kwisisa.

Modimo o re holofetsa pukung ya 1 Bakorinthe 2:10-13. Lentsu la Modimo le somiswa ke Moya O Mokgethwa ka batho go ba bontsha bobe bja bona. Bahebere 4:12-14. Tshosa ya moya ke lentsu la Modimo, baefesu 6:17. Ge motho a dumelela Moya O Mogethwa go mo hlahla a ka se dire mediro ya nama yeo e hwetswago pukung ya Bagalata 5:16-21. Ge Moya O Mogethwa o le maphelong a rena o tla enywa dienywa. Dienywa tsa ona: lerato, lethabo, khhutso, kgotlelelo, botho, toko, potego, le maitshwaro.

Baroma 8:1-27 e re botsa phatlalatsa ka mesomo ya moya yeo e fenyago dikganyogo tsa nama. E bile e re hlathollela ka mowe moya o re imollago mefokolong ya rena dithapelong ka go tsebisa diakanyo tsa pelo tseo "di tibilego go ka hlathollwa ke mantsu." (Seo ga se maleme ka baka la gore ga se fihlelelwe ke mantsu). Moya ke Mmaditsela wa badumedi e le ka thato ya Modimo."