TIHOSI, NZI FANELE KU MAHA YINI KASI NZA HANYISWA KE?

3150 - Tshwa

J.D. Phillips

Arranged in the very words of inspired men.

1. KHOLWA KA Hosi Jesu, zonake u ta hanyiswa, wena ni ngango wa wena. (Mitiro 16:31) Kanilezi ahandle ka kukholwa a zi koteki ku mu tsakisa; hakuva loyi a tshinelako ka Nungungulu i yimelwe hi ku kholwa lezaki ku kona Nungubgulu, ni lezaku yena wa chachazela lava va mu lavako. (MaHeberu 11:6) Loyi a kholwako a bapatizwa i ta hanyiswa; (Marku 16:16) hakuva loku mu nga kholwi lezaku nzi mina yena, mu ta fela zionhweni za nwina. (Johani 8:24) Lezo ni kukholwa, loku ku nga hi na mitiro, ku file a wutsumbu ga kona. (Jakobe 2:17).
2. HUNZULUKANI, (Mitiro 2:38) Loku mu nga hunzuluki, nwina nwentlhe mu ta lobyisisa lezo. (Luka 13:3,5) Nungungulu i lo hunisela zikhati za kungativi; kanilezi makunu wa laya vanhu vontlhe, a matshanwini wontlhe, lezaku va hunzuluka. (Mitiro 17:30) Kasi Nungungulu i myikile ni ka vamatiko a kuhunzuluka loku ku yisako wutomini. (Mitio 11:18).
3. A hanyiswa hi KUVUMELA hi nomu. (Va le Roma 10:10) Hakuva loku u vumela hi nomu wa wena lezaku Jesu i Hosi, u kholwa mbilwini ya wena lezaku Nungungulu i mu vuxile hi ka vafileko, wena u ta hanyiswa. (Va le Roma 10:9) Kani hi mani loyi a ta nga nzi vumela mahlweni ka vanhu, minawu nzi ta mu vumela mahiweni ka Dadani wa mina loyi a nga le tilweni. (Mateu 10:32) Wena u Kristu, N’wana wa Nungungulu a hanyako. (Mateu 16:16) Nza kholwa lezaku Jesu Kristu i N’wana wa Nungunguli. (Mitiro 8:37).
4. A ku fanana ni mati lawa ma mu hanyisako makunu hi KUBAPATIZWA, (1 Pedro 3:21) Loyi a kholwako a bapatizwa i ta hanyiswa; (Marku 16:16) Loku munhu a nga belekiwi hi mati ni Moya, a nga e nga na ku enghena mufunweni wa Nungungulu. (Johani 3:5) Ni kuhlaziwa ka kupswalwa luswa, ni ku mahiwa luswa hi Moya waku Basa. (Titusi 3:5) Hunzulukani, mu bapatizwa nwentlhelelenvitweni ga Jesu Kristu, kutsetselelweni ka zionho za nwina; zonake mu ta amukela a xinyikiwo xa Moya wa ku Basa. (Mitiro 2:38) Suka u bapatizwa, u hlaziwa a zionho za wena (Mitiro 22:16) Hakuva nwina nwentlhe lava mu nga bapatizelwa Kristu, mu ambele Kristu. (Va le Galatia 3:27) Kutani a mu zi tivi nwina lezaku hina hontlhe hi nga bapatizelwa ka Kristu Jesu, hi lo bapatizelwa kufeni kakwe ke? (Va le Roma 6:3) Hikwalaho loku munhu a hi ka Kristu, ximahwa xiswa; (2 va le Korinte 5:17).
5. Ti hi gonzisa ku tsika lezi zi nga lulamangiko ni kunavela ka misava, hi hanya ka nguva leyi hi kutikhoma ni kululama hi chava Nungungulu; na hi cuwukela a kutsumba ka hina ku bongekako ku nga kuwoneka ka kungangamela ka Nungungulu wa hina wa hombe tlhelo Muhanyisi wa hina Kristu Jesu. Loyi a nga ti nyikela hi kota ya hina, kasi a fela ku hi tirula kubiheni kontlhe, a ti hasisela a vanhu lava va ta ngava vakwe, va pinyamileko mitirweni yo saseka, (Titusi 2:12-14).
Nza mu khesa hilezi ma nzi alakanya ka zilo zontlhe, mu gonga a mikhuwo leyi nzi nga mu nyika yona. (1 va le Korinte 11:2).
A tipswalo ta Hosi Jesu a tive ni vobasa vontlhe. (Kuvululelwa 22:21)
Va katekile lava va hlazako tinguwo tabye, lezaku va fela kuva ni ntamu wa kuga a sinya ya wutomi, va enghena mutini hi tinyangwa ta wona. (Kuvululelwa 22:14)

NZI NGA ZI PIMA HIKUYINI LOKU NZI NGA HI NA MUTLHAMUSELI?

2881 - Tshwa

26. Kanilezi a ngelosi ya Hosi yiku ngalo ka Filipu: Suka u famba le Dzongeni, hi ndlela leyi yi relelako hi le Jerusalema yiya le Gaza, leyi yi nga xiwula.
27. Yena i lo suka a famba. Zonake i lo wona a munhu wa le Etiopia, a thenwa ni nduna ya hombe ya Kandake, a muzinza wa vaEtiopoa, a nga hi muhlayisi wa tshomba yakwe yontilhe. I wa tile Jerusalema ku ta khozela.
28. Iaha a nga tlhelela kaya, i lo tshama kareteni yakwe, a gonza bhuku ga muprofeti Isaya.
29. A Moya wuku ngalo ka Filipui Famba, u tshinelela a kareta leyiya.
30. Filipu i lo tsutsuma, a muzwa na a kari a gonza a bhuku ga muprofeti Isaya, aku ngalo: Xena wa zi pima lezi u zi gonzako ke?
31. Yena aku ngalo: Nzi nga zi pima hikuyini loku nzi nga hi na mutlhamuseli? I lo kombela Filipu ku khilela a tshama naye.
32. Makunu a wutshamu ga lomo mitsalweni legi a nga kari a gonza hi legi:
I lo yiswa kutlhabyiweni kota yivu,
Khwatsi hi yivana leyi yi miyelako mahlweni ka mukayi wa yona,
Lezo a nga vululangi nomu wakwe.
33. A kutikoramiseni kakwe a nga lamuliwangi hi nongameto;
Himani a ta nga tshawutela a xizukulwana xakwe ke?
Hakuva a wutomi gakwe gi susilwe misaveni.
34. A nduna yiku ngalo ka Filipu: Hi nga nzi byela, a muprofeti i wula lezo hi mani ke? Hi wutsumbu gakwe, kutani hi munwani ke?
35. Filipu ilo vulula nomu wakwe, a sangula hi lowu mutsalo, a mu gonzisa ivangeli ya Jesu.
36. Kota lezi va nga ha longoloka ni ndlela, va lo chikela laha ku nga ni mati. A nduna yi te ngalo: A mati hi lawa; xana nzi beletelwa hi yini ku bapatizwa?
37. Filipu aku: Loku u kholwa hi mbilu ya wena yontlhe u nga vumelwa. Yiku: Nza kholwa lezaku Jesu Kristu i N’wana wa Nungungulu.
38. Yi lo laya a kuva a kareta yi yima; va lo enghena matini hi wumbiri gabye, Filipu ni nduna; i lo yi bapatiza.
39. Laha va nga humele matini, a Moya wa Hosi wu lo wutla Filipu; ni nduna a ya ha mu wonangi kambe. Hakuva yi lo simama ndleleni ya yona na yi tsakile.
40. Kanilezi Filipu i lo kumiwa le Azota; zonake i lo kanela ivangeli mitini yontlhe a kala a chikela Kesaria.