NAA KE SWANETSWE GO DIRA ENG GO PHOLOSWA?

1100 - Sepedi

George Mark Elliott

MOPUTSO WA SEBE

Go putla magodimo ngwala dipelong tsa batho ka ditlhaka tsa mollo molao wa galelele o rego: "Moputso wa sebe ke lehu." Baroma 6:23. Gantshi ga re gopole ka kgobogo le sehlogo seo bobe bo lego sona; sebe se thulanong le botse; bobe bo na le ditla-morago tse mpe. Bontshi re ba le thulano ya ka pelong le go elelwa dibe tsa reua go balweng ga Beibele. Gantshi sebe se botsefatswa ka pente "Boditsi bja mokgabisi, pene ya sethhakga sa mantsu, lentswana la go kgwatha kgahlego, tseo ka moka di thwaletswe go kgabisa sebe. Lepotlelong la mpholo go fetolwa leina go fora-foretsa banwi le ge dikagare e le mpholo o tlisago lehu. Ga go seo se ka go fokotsa moputso wa sebe. "Kotlo ya sebe ke ya galelele" Matheus 25:46; Bathesalonika 1:7-9; Kutollo 20:14-15. Ntle le gore ke lebalelwe dibe, gona ke wa timelo.

BOHLOKWA BJA PHOLOSO MOTHONG

Le ge lefase le ka mpona ke se yo mobe, empa ka bonwa ke lokile le go hlam atsega, le ge mohlomongwe nka dira mediro ye "mebotse ka go fetisisa" efela taba ke gore ke dirile sebe le go hlaelelwa ke letago la Modimo. - Baroma 3:23; 1 Johannes 1:8-10. Ga go seo nka go se dira go nthakgafatsa bobe bo lego go nna, ke fela kgaugelo ya Modimo e ka go mpholosa.

SEHLABELO SE TLAMEGILE GO DIRWA

Toko ya Modimo e gona ka mehla le gona ga e fetoge. Le molao wa galelele o rego: "moputso wa sebe ke lehu" a ka se o fetose. Go feta mowe go na le molao o rego: "ntle le tshologo ya madi ga go tebalelo." - Baheberu 9:22. Ntle le gore poelano e dirwe, Modimo o ka se fetoge ho ba thulanong le mosenyi. CF Baroma 3:21-26. Diruiwa tse ntshi di kile tsa hlabelwa dialetare tsa sejuta, le ge seo se saka sa kgona go thakgafatsa dibe. Bahebere 10:1-4. Tirelong yekhwi ya dihlabelo go be go "dirwa kgopotso ya dibe," e lego ponelo-pele ya, "madi a se nago molato a kwaua e sego bosodi le lebala, e lego madi a Jesu Kriste." - 1 Petrose 1:19.

MADI A TLHWEKISO

"Ga go seo se kago lokela go hlatswa bobe ge e se madi a Jesu."

"Kreste o hwile bakeng sa dibe tsa rena go ya ka mangwalo." - 1 Bakrinthe 15:3. Ke ka madi a Gagwe a tlhwekiso re pholoswago. "Go Yena re na le topollo ka madi a Gagwe e lego tebalelo ya dikarogo ka lehumo la kgaugelo ya Gagwe." - Baefese 1:7.

"Go na le yowe a hwilego bakeng saka, e le gore moya o hwilego o phediswe, yowe a sepetsego mahlomola a tsela ya sefapano, gore dibe tsaka tsohle di lebalelwe.

GO BA LE SEABE KABELONG

Ditshegofatso tsa bao ba dirago botse di "go Kreste" (cf Baefesu 1:7 le Baroma 8:1-3; 3:24), taba-taba ke gore re tsena bjaug go Yeua? Naa nka ba le seabe bjang ditshegofatsong tse tlago go reua e le ditla-morago tsa go ikgafa ga Gagwe? Moya-mokgethwa ka mooapostola Paulo o re: "reua ka moka re bana ba Modimo, ka tumelo e lego go Jesu Kreste. Gobane ka moka ba le kolobeleditswego go Kriste le apere Kriste." - Bagalata 3:26-27. "A ga le tsebe gore bohle ba re kolobedi-tswego go Kreste, re kolobeditswe lehung la Gagwe?" - Baroma 6:3. Re tsena go Kreste ka go kolobetswa go Yena. Ka seo "kolobetsong ya Se-Kreste re kopanela le yeua lehung la Gagwe le ditshe-gofatso tsohle go tswa go lona" Bjale kolobetso ya Se-Kreste e ka ba eug? Ke gore kolobetso ya taelo-kgobo. Go tsweletsa kgwekgwe yeo, latela go kwisiseya ga Testamente e mpsha.

DITOKELO TSA KOLOBETSO

Markus 16:16 - "Yo a dumelago me a kolobetswa, o tlo pholoswa;"

Ditiro 8:12 - "Bjale ge ba dumetse .... ba kolobetswa,, banna le basadi."

Ditiro 18:8 - "Bakorinthe ba ba kwelego lentsu ba dumela ba kolobetswa."

Ditiro 2:41 - "Bjale ba dumetsego lentsu la Gagwe ka go rata ba kolobetswa."

Ditiro 2:38 - "Sokologang, me e mongwe le e mongwe wa lena a kolobetswe."

Ba-Kreste bao ba sokologilego ruri, ke bona ba swauelwago ke kolobetso ya SeKreste. Go ya ka mangwalo ge motho a sa dumele goba ge a sa sokologa, ga a swauelwa ke go kolobetswa. Kolobetso ya mmele fela (ke gore ntle le tshokologo pelong ya mokolobetswa) ga go mowe e hwetswago ntshe Testamenteng e Mpsha. Tumelo (yona e tlamegile go kwiwa bohlatseng bja molomo - Baroma 10:9-10). Tshokologo e tlamegile go tla pele ga kolobetso ya SeKreste.

DIKGATO TSA KOLOBETSO

Kolobetso ka Segerika ke "Baptizo" yeo e hlalosago go "thinya goba go sobeletsa" le ge nkabe go sa tsebje tlhaloso ya lentsu lekhwi, kolobetso ya SeKreste e utolotse tsohle kudu Testamenteng ye Mpsha. Le ge tsohle di utilwe ke dipuku tsa melao ya batho le dikgopolo tse fosagetsego, Modimo o utulotse tsohle Testamenteng ye Mpsha.

Markus 1:9 - "Jesu ... o kolobeditswe ka nokeng ya Jordaan." Morutiwa o tsenywa ka meetseng, e sego meetse morutiweng. Jesu o kolobeditswe ka (meetseng a) Jordaan e sego, kua Jordaan fela.

Johannes 3:23 - "Ke ge Johannes a be a kolobetsa a le Enon, kgauswi le Salim, gobane felo fao go be go na le meetse a mantsi,"

Ditiro 8:36-39 - "... me ba fologela meetseng ka bobedi ... a mo kolobetsa ... ba tswa ka meetseng."

Johannes 3:5 - "Ruri, ruri, ke a go botsa, ge motho a sa tswalwe ka meetse le ka Moya o ka se ke a tsena mmusong wa Modimo." Kolobetso ke tswalo ka fao ga go sebopiwa seo se ka go tswalwa ke se senyane go sona; meetse a kolobetso a tlamega go ba a mantshi go feta morutiwa yowe a kolobetswago.

Baroma 6:4 - "Ke gona re fihlilwe le yena lebitleng ka go kolobetswa lehung, gore bjalo ka Kriste ge a tsositswe bahung ka letago la Tate, le rena re sepele bofseng bja bophelo."

Bakolose 2:12 - "... ka ge le fihlilwe le yena lebitleng ka kolobetso, yeo gape le tsogilego le yena ka yona," Ka seo kolobetso ya SeKreste e lekanyetsa lehu le tsogo ya Jesu Kreste, e bile e akaretsa poloko le tsogo ya Modumedi.

Bjale ka ge Kreste a bolokilwe lebitleng le leswa, serapeng; go bjale le go modumedi yowe a hwago bobeng ge a bolokwa kolobetsong ka meetseng. Bjale ka ge Kreste a tsogile lebitleng, modumedi le yena o tsoswa meetseng a kolobetso a tletse mafolo-folo le kholofelo ye mpsha ya bophelo, "e lego sebopiwa se seswa go Kreste." ka lentsu la bohlatse re dumela gore ke kopanafatso ya matshwenyego go leba sefapanong e lego go hweng, polokong le go tsoga gape.

Meetseng a mantshi re ya go ona, ra tsena go ona e lego poloko, ge re etswa go ona ke tsogo. Yekhwi ke kgato ye nngwe yeo e lekanyetsago kgwekgwe ya kolobetso Testamenteng ye Mpsha.

Ditiro 2:38 - "Sokologang, me e mongwe le e mongwe wa lena a kolobetswe leineng la Jesu Kriste, e be gona go lebalelwa dibe, me le tla fiwa neo ya Moya o Mokgethwa."

Ditiro 22:16 - Bjale o diegelang? Ema o kolobetswe, o hlapiswe dibe tsa gago ka go rapela leina la Morena."

Baroma 6:3 - "... kolobeleditswego Kriste Jesu," le Bagalata 3:26,27. Ge go le tshwanelo go tsena go Jesu Kreste, gona le kolobetso ya SeKreste go tla ba tshwanelo go dirwa ka yona.

Baroma 6:4 - "... bjalo ka Kriste ge a tsositswe bahung ... le rena re sepele bofseng bja bophelo."

Johannes 3:5 - "...Ruri, ruri, ke go botsa, ge motho a sa tswalwe ka meetse le ka Moya a ka se ke a tsena mmusong wa Modimo."

Petrus I 3:20,21 - "...ge areka e lokiswa ye go tsenego ba bangwe go yona e lego batho ba seswai, ba pholoswa ka meetse, ao bjale a pholosago le rena ka seswantsho sa ona e lego kolobetso, yeo e sego go hlapa mmele ditshila, eupsa e le go kgopela letswalo le lebotse go Modimo ka tsogo ya Jesu Kriste,"

Markus 16:16 - "yo a dumelago me a kolobetswa, o tlo pholoswa;"

"Ka kakaretso re kopanya mafoko a mabedi ka lekopanyi LE gore e be le tee goba go aga kgopolo e tee. Mohlala: Modimo o hlotse magodimo le lefase. Legodimo le Lrfase ke lefelo le ge le sa swane botse- botse. Taba-taba ke gore bobedi di hlodilwe ... ga go yowe a kwelego ka tsela ye nngwe le ge e le go kwa ka leleme le lengwe. Ga re dumele gore motho a ka itlhamela kolobetso ka ntle ga Beibele goba ka yona. Molao o sa sisinyegego owe o re fihlisa polelong ya morwa wa Modimo yeo ka yona a fago motho pholoso. Kreste o itse; yowe a dumelago a kolobetswa o tla pholoswa. Le ge tumelo le kolobetso di ka fapana, Kreste mokhwi o a di kopanya a be a oketsa ka pholoso go tsona." - E.G. Allen.

Ge motho a na le tokelo ya go pholoswa pele ga go dumela, ee, go a kgonega. Taelo e gatelelago "tumelo" go ba ya pejana ga pholoso, e beile gape le kolobetso go ka dirwa pele ga pholoso. Tumelo ntle le mediro ke lefeela; leo le legodimo le sa le setsego. "Ke mo le bonago gore motho o lokafatswa ka mediro, e sego ka tumelo e nnosi." - Jakobus 2:24. Jesu yowe e lego moabi wa pholoso yeo e sa felego "KGOSI YA DIKGOSI LE MORENA WA MARENA, o kopanya tumelo le kolobetso go ba dikokwane tsa pholoso; ka fao ga go se be le motho yowe a di aroganyago.

Re pholoswa ka kgaugelo le lesoko la Modimo. Go feta fao pholoso ga e abje ka ditokelo tsa motho, empa peakanyetso. "Mphiwa-feela wo" ga o gapeletswe bao ba o ganago lebao ba latolago go ipoetsa ka tlase ga letsogo le maatla la Modimo. Go go yowe a dumelago go ipolela dibe, go kolobetswa SeKreste, goba go phela bjowe bo amanago le seetsa, le go re bea ditokelong tsa bophelo bjo sa felego. Tseo ka moka ke maikarabelo a batsea karolo goba go ba le seabe bophelong bjo bo sa felego go Morena Jesu wa rena.

Ge modumedi ruri a thintshwa ka meetseng ka taelo ya Jesu Kriste leineng la Tate, Morwa le Moya-Mokgethwa, o tshepiswa go hlatswiwa dibe ka madi a kwana ya Modimo; e lego yona tebalelo goba tshwarelo ya dibe. Ge motho a fihletse kgato yeo ke gona o go Kreste, ke sebopiwa se seswa, o pholositswe, o amogetswe, mohlanka, ngwana Modimo le Mo-Kreste.

Hlokomela: Bjale potsiso ke gore go direga eng ka ngwana? Ngwana ge a seso a ba le maikarabelo gona o sa le polokegong thulanong le sebe. Ka seo o sa na le tokelo ya boja-bohwa bja legodimo. Jesu lengwaloong la Matheus 18:3; "Me a re: Ruri, ke a le botsa, ge le sa fetoge la ba bjalo ka bana, le ka se tsene mmusong wa magodimo." Bana ba a pholoswa, le gona go ya ka mangwalo ga ba swanelwa go kolobetswa go fihla ba gola le go ba le maikabelo a go dumela go Jesu ka bo bona, le go itshokologela ka nosi. Mabapi le kolobetso ga go mowe bana ba tswelelago ntshe Beibeleng. Taba ya go foka ka meetse phatleng goba phogong ya ngwana yowe a sa kgonego go ka dumela, goba go sokologa, go thintsha ngwana ka meetseng, le go rutisa ngwana go fihlela menywaga ya maikarabelo, go tlaleletsa tumelo gore a lebalelwe. Tshepediso yekhwi e thulanong le thuto nnete ya Moya-Mokgethwa ka fao ga go MoKreste yowe a tlamegilego go fetola sepheto seo.

Ge MoKreste wa nnete a kolobetswa go ya ka thuto ya Beibeleng, o lebalelwa dibe, empa ga a swanelwa go dula fase go nama maoto, a phutha diatla le go holofela go iswa legodimong ka malao a boiketlo le masethe-sethe. Ge e le gore o o nyaka go fihlela ditokelo tsa go tsena dikgoro tsa Mmuso wa Morena le Mopholosi Jesu Kreste o tlamegile go katanela go phela bophelo bja tshokologo (Bala Petrus II 1:5-11) Ka bokopana ke rata go kgwata dintlha tse bohlokwa tse amanago le seo.

BOLELOKO PHUTHEGONG

Ge modumedi a boloka mmele wa kgale ka meetseng kolobetsong ya SeKreste (Ditiro 2:41) o okeletswa ke Modimo phuthegong ya Gagwe. (Ditiro 2:47). Molao wa tebalelo ya makgopo le wa dithuto tsa tlhahlo go ya ka gare ga Phuthego ya Kreste o a swana. Ge modumedi a kolobetswa, o kolobeletswa mmeleng o tee (Bakorinthe I 12:13; Baefese 4:4); Mmele wa Gagwe ke kereke. (Bakolose 1:18). Kreste ke hlogo ya mmele wa Gagwe (o tee) e lego kereke e tee, e utulogago Testamenteng ye Mpsha. O file phuthego ya Gagwe molao wa kamogelo, go hlama le tshepediso. Lentsu la Gagwe ke tlhahlo go rena, ka fao re seke ra oketsa le ge e le go fokotsa go tswa thutong ye bohlokwa yeo.

Mangwalo a makgethwa a supa phuthego yeo ka: "Phuthego tsa Kreste", (Baroma 16:16, Ka gona go supiwa phuthego yeo re bolelago ka tsa yona mo); "Phuthego ya Modimo" (Bakorinthe I 1:2); "Mmele wa Kreste" (Baefese 4:12); "Phuthego" (Ditiro 12:1).

Yekhwi ke yona Kereke (Phuthego) yeo motho a okeletswago go yona ge a latela leutsu la Modimo. Ge a le phuthegong ye, o tlamega go botega go fihla lehung. "A dule a okeleditswe ka mehla."

Ditaelo ka botlalo go ya ka maikarabelo le ditshegofatso tseo di amegago bolelokong goba mophelelong wa SeKreste di Lentsung la Modimo fela. "Lengwalo ka moka le buduletswe ke Modimo, gomme le na le maatla go ruta le go kgodisa, go lokisa le go godisetsa go lokeng gore motho wa Modimo e be e a phethegilego, yo a lokiseditswego modiro o mongwe le o mongwe o mobotse." - Timotheus II 3:16-17.

BaKreste, nke ba bale Beibele ka dithapelo, bohlale le gona ka mehla. Puku yekhwi e swere mogopolo wa Modimo, maemo a motho, tsela ya pholoso, kabelo ya badira dibe, lethabo la badumedi. Molaetsa wa yona ke o mikgethwa, ditaelo tsa yona di bonolo go phethegatsiwa, ditiragalo tsa yona ke nnete le dipheto tsa yona di a direga. E bale gore o hlalefe, dumela gore o bolokege. Phela bokgethwa ka yona. E na le seetsa go go hlahla, ke dijo go go fepa, le lethabo go kgothatsa. Ke mmepe wa tlhahlo go mosepedi, tokelo ya moeti, tshupa-mabaka go mosepedisa fofane, tshosa ya ledira, tsela ya moKreste. Go yona paradeisi e buseditswe; legodimo le bulegile; le dikgoro tsa hele di butsswe; e tlatsa tsebo; e lota pelo; e hlahla maoto. E bale ka go nanya ka mehla, le ka thapelo. O e fiwa bophelong, e tla bulwa kahlolong le go gopolwa ka go sa feleng.

Mesomo le kabelo ya leloko la phuthego ka thuso ya thapelo ke go neela, go biletsa meoya go Kreste, tumelo, maatla bonolong, bohlale, go itshwara, go gomarela thereso, borapedi, toko kudu baneng-ka yena tumelong, le ditla morago tse dingwe tsa lerato go tswa kutullelong Lentsung la Modimo.

LEINA

Go na le leina leo balatedi ba lentsu la Modimo ba le fiwago go tswa Testamenteng ye Mpsha. (Morutiwa, ngwanesu Moreneng, mokgethwa, ngwana Modimo le a mangwe ao a akaretsago maemo a mediro le tswalano le ge seo e se maina-ina.)

Leinaina ke MOKRESTE. (Ditiro 11:26; 26:28; Petrus I 4:16.)

Ge motho a kolobetswa go Kreste o ba MoKreste, e sego se sengwe go feta fao goba go fokotsa - Le gona ga go tumelelo ye nngwe go tswa mangwalong go ithamela leina la go iphapanya le BaKreste bangwe. Ka mautsu a mangwe ga re na tokelo ya go apara leina la go ba setho sa Kreste gobane ga go leina le lengwe ka ntle ga MOKRESTE. Tselo tsa go apara maina a go hlangwa ke batho fela di thulanong le Testamente ye Mpsha. (Bakorinthe I 3:1-4; Baroma 8:6-8; Bakolose 3:17; Petrus I 4:16.)

Ekwa gore Martin Luther keletsong ya gagwe o ile a reng: "Samathomo - mayo ke kgopela gore le tlogeleng leina laka le sa le amise felo morerong wa Modimo, le gona le se ipitse maLuthere; empa ipitseng BaKreste. Naa Luther ke mang? Nna ga ke ne thuto ka baka la gore ga go mowe ke ilego ka kokotelwa sefapang bakeng sa motho. Moapostola Paulo (Bakorinthe I 3:) go se be le yowe a ipitsago wa Paulo goba Petrose empa ipiitseng Ba-Kreste. Naa go tla nkhola eng ge nka tsea mokotla wa manyami, lerole le molora, e lego leina laka ka di nea bana ba Modimo sebakeng sa go tsea mete maina ao a batho re tlamegile go a tlogela ka moka re ipitse fela Ba-Kreste e lego gape fao Beibele e tswago ntshe." Bophelo bja Martin Luther ka m. Michelet letlakaleng la 262.

SELALELO SE SEKGETHWA

Go tswa go se Baapostola ba tletsego moya o mokgethwa phuthego ya pele e be e kopanela tirelo. Ya selalelo ka letsatsi la pele bekeng. "Ka letsatsi la pele la beke ge barutiwa ba phuthegetse go ngwatha senkgwa, Paulus a bolela le bona" (Ditiro 20:7) Naa ba be ba fela ba kopana bjang? Bala Baheberu 10:24-25 re bala Beibeleng gore: "gommela re setsaneng, re tle re gokelane leratong le medirong e mebotse, re se ngale phuthego ya rena, ka mo ba bangwe ba lemetsego ka gona."

Tsa mophelelo wa phuthego ya pele ka moka go rena ba lehono di fetotswe le go theolwa seemong ke dithuto tsa boromiwa, gobane bangwe ba lahla thuto ya nnete, me ba tsebatsa ya dikgopolo le thato ya bona.

Empa dipeakanyo tsa Kreste di eme di sa sisinyege. ba kreste ba nathomo le ba mehla yena ba kopanela tirelo ya letsatsi la mathomo la beke, e lego letsatsi leo le nago le Morena tafoleng ya selalelo.

Mokibela wa pele owe President Garfield (U.S.A.) moleloko wa kabinete ya gagwe o kile a sisinya gore ba be lekgotla therisano ka iri ya lesome mesong letsatsing le bego le latela leo, yona e le ya go rarolla ditshitano setshabeng. Garfield o ile a re letsatsi leo le setse le beakanyeditswe morero o mongwe. Leloko leo le ile la tswela pele go gatelela kgopolo ya lona. Le ge go le bjale Tonakgolo Garfield o tiisitse go bohlokwa bja seo a se rerilego pele. Go feta fao moleloko o ile a rata go tseba bore naa Tonakgolo o rerile peakanyo ya gagwe le mang fao go ka se kego gwa fetolwa selo. Garfield o ile a re bjale ka leloko leo a phegisanago nalo, o rata ge seo a se rerago se ka phethegatswa. Go feta fao a tsebisa gore Morero wa gagwe ke go gahlana le Morena wa gagwe ka iri ya lesome ka moswane tafoleng ya selalelo. Ke tla ba fao, ke nnete o ile a ba ntshe. Tsa phegisano-phasisano ya bona tsa feta. Setshaba sa pholoswa ke Modimo ditshitanong tsa sona. Garfield o botegile maikemisetsong a gagwe (Bakorinthe I 1:23-30)." - C.J. Sharp.

Tirelo ya go tla tafoleng ya selalelo sa Morena e seke ya ba mokgwa, e se be tlwaelo, go se be le motho yowe a tlago go yona a sa inagana, a sa itlhopha, le gona a sa ipeakanyetsa goba go ithwekisetsa yona. Ke tirelo yeo go tlamegago gore e tsebje ge e le ya tswalano ya Modimo le Motho, nako ya go itshenka matswalo, nako yeo modumedi a memetswego Teroneng ya kgaugelo, nako ya go tsosoloswa ka mahlasedi a mollo wa moya dipelong, nako ya mpshafatso ya kholofelo ya rena go Kreste, le mpshafatso ya tumelo ya rena ka boswa, boineelo bja maphelo a rena go Morena, go lebelelwa sefapanong, go lebelela bophelo-phelo le puso ya Morena, go lebelela pele letagong la go boa ga Gagwe gape. Yekhwi ke tiragalo ya legodimo yeo go yona BaKreste ba kopanelago botee bja Mmele selalelong tafoleng ka letsatsi la Morena.

MPHAPAHLOGO WA BOPHELO

"O be yo a botegago go fihla lehung, gomme ke tlo go nea kgare ya bophelo." - Kutollo 2:10.

Ke ile ka bala molaetsa o bego o ngwetswe lebenkeleng wa gore: "Ka morago ga nywaga ye masome a mane, ke phethile ka go tlogela." Motho a ka ikaroganya le tsa kgwebo, empa a ikgethela go tswela pele ka tsa tumelo lebakeng lohle la ge a seso a apola kobo e bolago. Sekhwutlwaneng sefe le sefe re sebelwa ke diabolo gore: "TLOGELA TUMELO." Bangwe ba botega go fihla ge kholofelo ya bona e ba tsenya kotseng, bangwe ba dira fela lebakeng la ge go sa kgonega fela, mo le bangwe ba leka go fihla ba felelwa ke maatla. Bangwe ge ba goboswa ba lahla fao, bangwe ba omelwa kholofelo ke go nyakana le mahumo a lefase. Bangwe ge ba kwerwa le go rogwa ke lefase. Le ge go ka ba le ditshitiso tseleng mangwalo a re: "Botega go fihla lehung."

Ge ele gore ka letsatsi la kahlolo go bao ba lego ka letsogong la mpati ba tla be ba ripagane ka diripa-ripana go ya ka mohuta wa dibe tsa bona e lego diotswa, ba maaka, babolai bjale-bjale, gona go tla ba le sa baikaketsi bao ba paletswego ke go kgotlelela meleko le mahlomola a bophelo.

"Ga go e a isago seatla mogomeng me a retologela nthago a loketsego mmuso wa Modimo." - Lukas 9:62. "... me e a tiisetsago go isa bofelong, ke yena a tlogo pholoswa." - Matheus 10:22. Batho le ge pele ga lefase ba ka se atlege, ba tlamega go dula ba botega. "Ka kgonthe potego ke katlego." Re tlamega go ba le moya George III yowe a ilego are: "Go kaone ge nka neela mongwe mphapa-hlogo waka, ka tlogela bogosi, ka ikaroganya le tsa borena bjaka (bogosi) ka itulela. Nka ikgafa le go sametsa molala waka koteng fao ke tla go ripiwa molala - sebakeng sa gore ke fetole keno tsa bodiredi bjaka go Kreste Jesu." MoKreste o tlamegile go botegela Kreste le go bophelo bja gagwe ba ka ba kotseng. Polycarp o kile a tliswa pele ga moahlodi gore a roge Modimo yo a phelago le go kgeloga tumelong, empa yena ka tokologo are: ke hlanketse Modimo menywaga e masome a seswai le metso e selelago, go Yena ga go bokgopo bjowe ke bo hweditsego, ka gona ga go ka mowe nka go hlanogela Modimo yowe a mpholositsego. Go feta fao a kgotlelela kgabo ya mollo le mahloko a dithomaro sebakeng sa Kreste, Morena le Mopholosi. "Ga e eso la phema go fihla mading katanong ya lena le sebe." - Bahebere 12:4. Aouii! ke re Aowii! go MoKreste yowe a tlogelago!!!

Bao ba botegago go Kreste ba tla fiwa kgare ya bophelo bjo bo sa felego go Jesu, yowe a tsogilego a tagafatswa, yowe a se nago go bola; Yena mojako lefaseng leo "Gomme Modimo o tlo phumola megokgo ka moka mahlong a bona. Lehu le ka se hlwe le eba gona, le ge e le manyami le go golola le bohloko, di ka se hlwe di eba gona, gobane tsa pele di fetile." - Kutollo 21:4. Johanne 14:1-3; Bafilipi 3:20-21; Bathesalonike I 4:13-18; Bakorinte I 15:50-58.

GO MEMIWA

"Gomme Moya le monyalwa ba re: Tlaa! Gomme yo a kwago a ke a re: Tlaa! Gomme yo a nyorilwego a a tle; yo a ratago a tsee fela meetse a bophelo." - Kutollo 22:17.

Morena Jesu Kreste o eme mojako wa pelo ya gago o a kokota, le ge sa go bula se le ka gare, naa o ka rata go Mo amogela. Molaetsa okhwi o lebisitswe go wena Mogwerake hle?

Engwalolotswe go tswa letlakaleng ke: