KUFANELE NGENTENI TE NGISINDZISWE?

1448 - Seswati

George Mark Elliott

UMVUZO WESONO

Bhala loku etincwadzini temlilo ngale kwemazulu, makushise etinhlitiyweni tebantfu nekutsi umtsetfo wangunaphakade utsi: "umvuzo wesono ngukufa." KubaseRoma 6:23. Mhlawumbe kungobe asikwati kubonakalisa kutsi yini intfo leyesabekako, nalesono ekoneni. Sihleti engotini yekutsi siciniswe kuso, sono sivamise sitongolotelane nalokuhle, sivamile futsi sinebucili, sibonakalisa lokulandzelako, imicabango yesono ngalesinye sikhatsi idaleka ngekuhululeka ngetimfundziso teliBhayibheli, tono njalo tiniketwa ikhothi yapende. "Libhulashi lemdvwebi, ibholipeni yengcweti yemagama, livi lelimnandzi, bonkhe ngibo labaniketwe umsebenti te banike sono ikhothi lenhle yapende." Ilebuli yelibhodlela lashevu ingaguculwa, kepha lokungekhatsi kungabulala. "Akukho kwehliselwa emvuzweni wesono," sijeziso "sigwebo sangunaphakade." Matewu 25:46, 2 Thesalonika 1:7-9, Sambulo 20:14-15. Ngaphandle kwekutsi tono tami titsetselelwe, ngilahlekile.

SIDZINGO SAMI EKUSINDZISWENI

Angeke ngibe nguloku live lelingangibita ngako, soni lesidvumile, ngangacatjangelwa njengemuntfu losibonelo lesihle, loko ngingakwenta, "konkhe lokutento tesisa," Kodvwa bengonile, ngisilelwe yinkhatimulo yaNkhulunkhulu. KubaseRoma 3:23, 1 Johane 1:8-10. Ayikho lenye intfo lengingayenta te ngihlawulwe tono tami lengitentile, kuphela ngemusa waNkhulunkhulu, ngingasindziswa.

KUHLAWULWA KUFANELE KUBEKHONA

Nkhulunkhulu unguNkhulunkhulu lonemusa, futsi unguye sibili. Angeke akwati kucitsa umtsetfo wangunaphakade longukutsi umvuzo wesono ungukufa. Kunalomunye futsi umtsetfo lofundzeka kanjena: "ngaphandle kwekucitseka kwengati, akukho kutsetselelwa." Heberu 9:22. Ngaphandle kwekuhlawulwa, Nkhulunkhulu angeke ebenuye futsi ngeke abenguloyo lovumelana naloyo lowonile. Roma 3:21-26. Linani lelingenakubalwa letilwane kwanikelwa ngato eladini lemaJuda, kodvwa kufanele kwekutsi ingati yaleto tilwane isuse sono. Heberu 10:1-4. "Kuloku kunikela kwabe kunesikhumbuto mayelana nesono," buka embili "engatini lenhle, njengeyemvu ngaphandle kwesici nangaphandle kwelibala, ngisho nengati yaJesu Krestu." 1 Petru 1:19.

INGATI LEHLAMBULULAKO

"Akukho lokungasusa tono tami, Kepha ingati yaJesu. Akukho lokungangenta msulwa futsi, ngaphandle kwengati yaJesu."

"Krestu wafela tono tetfu ngekusho kwemibhalo." 1 Korinte 15:3. Kungenca yekuhlanjululwa ngengati Yakhe kutsi sisindziswe. "Sinokuhlengwa kuye ngengati yakhe, kutsetselelwa Kwetono ngokwengcebo yemusa wakhe." Efesu 1:7 naloku lokulandzelako.

"Nguye lowavuma kufa endzaweni yami, Te umphefumulo wami longasilutfo uphile, nendlela leya esiphambanweni, kutsi tonkhe tono tami titsetselelwe."

KUHLANGANYELAETINTFWENI LETISITAKO

Tibusiso tekuhlengwa titfolakala "kuKrestu," (Efesu 1:7 ngetulu, futsi kubaseRoma 8:1-3; 3:24). Kodvwa singeta njani Kuye? Singatihlanganisa njani futsi naletelekeleli letingumnikelo wakhe? Moya loNgcwele, ngaye Pawula utsi: "Ngobe nonkhe ningebantfwana bakaNkhulunkhulu ngekukholwa kuJesu Krestu. Ngobe nonke lenabhapathiselwa kuKrestu nembatsa Krestu." Galatiya 3:26,27. "Kumbe anati yini kutsi sonkhe lesabhapathiselwa kuko kufa kwakhe na?" Roma 6:3. Sita kuKrestu ngekutsi sibhapathiswe Kuye. "Ngekubhapthizwa kuye, siyangena kuye ekuhlanganyeleni etinfweni letisitako ekufeni kwaKrestu."Kodvwa kuyini kubhapathiswa kweMkrestu, njll, umbhapathiso ungumvuzo lomkhulu? Kufundzisa kweliTestamente leliSha kulungile.

SIFUNDVO SEMBHAPATHIZO

Marko 16:16 - "Lokholwako abhapathiswe uyosindziswa."

Imisebenti 8:12 - "Kwatsi ukuba bakholwe .... babhapathiswa."

Imisebenti 18:8 - "Nalabanengi baseKorinte balalela, bakholwa, babhapathiswa."

Imisebenti 2:41 - "Labo labalemukela livi lakhe babhapathiswa."

Imisebenti 2:38 - "Phendvukani, kube nguloyo naloyo abhapathiswe."

Emakholwa latisolako, angemakholwa sibili labhapathisiwe. Loyo longakholwa nobe longakatisoli angeke abhapathiswe ngokwembhalo. "Umbhapathiso njengentfo yemvelo (ngaphandle kweligucuko lakaMoya enhlitiyweni yemuntfu) angeke kutfolakale kuTestamente leliSha." Lukholo (lolukholo kumele luvunywe ngemlomo Roma 10:9,10) kugucuka kufanele kuhambe ngembhapathiso webuKrestu.

SINYATSELO SEMBHAPATHIZO

Ligama "umbhapathizo" (baptize) ligama lesiGriki "baptizo" lekusigcino sesiNgisi, lisho "kucwiliswa noma kudijwa." Kodvwa ana singati kutsi leligama lishokutsini, imiBhalo isobala ana kungekho longenabhuku leliTestamente leliSha, kuye kudide sibili. Nobe kunjalo kusitfwa timfundziso tebantfu kuphambaniswe, kepha sitfombe seliTestamente leliSha sikhanyisa kahle.

Marko 1:9 - "Jesu ... wabhapathizwa ... eJordani." Lokusho kutsi wafakwa emantini, hhayi Kutselwe emanti etukwakhe. Jesu wabhapathizwa eJordani, hhayi neJordani.

Johane 3:23 - "Naye Johane wabhapathiswa e-Enoni madvutane neSalimi, ngobe abe amanengi emanti lapho."

Imisebenti 8:36-39 - "... bafika emantini ... behlela emantini bobabili ... wambhapathiza ... baphuma emantini."

Johane 3:5 - "Uma umuntfu angakatalwa ngemanti nangaMoya, angeke angene embusweni waNkhulunkhulu." Umbhapathiso ungukutalwa, asikho lesinye sidalwa lesingatalwa ngalenye indlela lencane kunalena, umtimba wakamanti kumele ubemkhulu kunemuntfu wembhapathiso.

Roma 6:4 - "Sembelwa naye ngekubhapathiselwa kuko kufa kutsi njengaloko Krestu wavuswa kulabafile ngenkhatimulo yeYise, kanjalo sihamba ekuphileni lokusha."

Kolose 2:12 - "... nembelwe kanye naye ngembhapathizo, lokungawo futsi navuswa kanye naye ngekukholwa ngemandla aNkhulunkhulu lowamvusa kulabafile." Umbhapathiso weMkrestu, ufanekisa kwembelwa nekuvuswa kwaJesu, kufa ekhatsi kwembelwa nekuvuswa kwemuntfu.

"Nanjengobe Krestu afela tono esiphambanweni, loyo lamfela etonweni takhe watisola. Njengobe Krestu wembelwa ethuneni lelisha, loyo-ke lofile etonweni, uyembelwa emantini embhapathiso. Njengobe Krestu ayiswa ekufeni, kanjalo nemiphefumulo yavuka emantini embhapathiso, sidalwa lesisha kuKrestu." Egameni, kusipha nasiphi sehluko kungemandla aseCalvary. Kufanele sife, simbelwe, sibuye sivuke futsi."

Emanti lamanyenti, kuta emantini, kungena phasi emantini, kwembelwa, kuphuma emantini, kuvuswa, kutalwa-asikho lesinye sinyatselo ngaphandle kwekucwiliswa lesingalungela sitfombe lesihle seliTestamente leliSha.

KUMISWA KWEMBHAPATISO

Imisebenti 2:38 - "Phendvukani, nguloyo naloyo abhapathizwe egameni lakaJesu Krestu kuko kutsetselelwa kwetono tenu, khona niyokwemukeliswa siphiwo sakaMoya loNgcwele."

Imisebenti 22:16 - "Nyalo-ke umeleni? Sukuma, ubhapathiswe, uhlambulule tono takho ngekukhuleka egameni lakhe."

Roma 6:3 - "... lesabhapathiselwa kuKrestu Jesu." - cf. futsi nakubase Galathiya 3:26-27. Ana kusemcoka kuya kuKrestu, kanjalo nembhapathizo ubalulekile.

Roma 6:4 - ".... njengaloko Krestu wavuswa kulabafile ... kanjalo natsi sihambe ekuphileni lokusha."

Johane 3:5 - "Ana umuntfu angakatalwa kabusha, angeke awubone umbuso waNkhulunkhulu."

1 Petru 3:20,21 - "... umkhumbi usakhiwa, labasindziswa ngawo labayingcosana, lokungukutsi labasiphohlonga ngawo emanti: lenisindziswa ngawo nyalo ngokwemfanekiso, lokungukutsi ngembhabhadiso, kungesiko kususa insila yenyama, kepha kucela kuNkhulunkhulu nembeza lomuhle, ngekuvuka kwaJesu Krestu."

Marko 16:16 - "Lokholwako abhapathiswe, uyosindziswa."

"Ukubekwa nokuhlanganiswa kwemtsetfo lofanako nokuwubeka etindzaweni letifanele, kuso lokungenhla kuleliphuzu: ana tintfo letimbili tihlangana ngokwemanyala, kunesatelo lesishoko emvakwaloko kubo, batewuhluka enhlonipheni batewufana netintfo letingenamsebenti. Buka nje: Nkhulunkhulu wadala lizulu nemhlaba. Lizulu nemhlaba akufani ngetindlela letinengi. Kodvwa kokubili kwadalwa ... asikwati lokungephandle kulonamtsetfo, amange sesive ngisho nangaluphi lulwimi. Asikholwa kutsi umuntfu angabumba lomunye. Ngaphandle kweliBhayibheli nakulo, umtsetfo ubanjwe kalikhuni, site sibuye elulwimini leNdvodzane yaNkhulunkhulu lokungayo lesitfola ngayo lusindziso lemuntfu, lapho-ke ebantfu bakhululekile. Krestu watsi: Loyo lokholwako wabapathiswa utawusindziswa. Kanjalo lukholo nembhapathiso lomnengi utowehluka, Krestu lapha uyakuhlanganisa, amise lusindziso lwabo."

Ana unawo emagunya ekubeka lusindziso etonweni lesetendlula embikwembhapathiso, angeke ukwati kwala kulomunye kubeka lolulisindziso embikwe kukholwa. Lamanye emandla lacuketse "lukholo" njengesihlangu sensindziso yetfu, futsi abeka "umbhabhadiso" embikwensindziso. "Niyabona kutsi umuntfu uyalungisiswa ngemisebenti, kungesiko kukholwa kuphela." Jakobe 2:24.

Jesu umbhali wensindiso yaphakade, INKHOSI YEMAKHOSI, ihlanganisa lukholo nembhapathizo njengentfo lenkhulu ensindzisweni; futsi akafuni muntfu akwehlukanise.

Sisindziswe ngemusa, ngesihawu saNkhulunkhulu. Insindziso ayinakubongwa, kepha yamiswa. "Lesisipho samahala" asikaphocelelwa kulabo labangasifuni, futsi bangafuni kuvuma njengekufisa kwaNkulunkulu locolelanako ngekubapha umusa. Akukho kubongwa ekukholweni nasekubeketeleni njengasekutseni, njll, alukholo, kuphendvuka, kuvuma, kubhapathiswa, nekutsi ayikho imphilo yebuKrestu lebeka imphilo yemuntfu endzabeni yekubongwa. Loko kudala indlela yemusa lokungatsi mine nawe singabayincenye "yesipho samahala," "imphilo yangunaphakade kuJesu Krestu iNkhosi yetfu."

Ana likholwa lelitisolako selicwiliswe emantini ngokwemtsetfo waJesu Krestu egameni leYise nelendvondzane nelakaMoya loNgcwele, uyatsenjiswa, ngengati yemvana lehlambululako yaNkhulunkhulu, sidalwa, lesisindzisiwe, lesihlengiwe, wafunyanwa, wagezwa, sewungumntfwana waNkhulunkhulu, uMkrestu.

Bukisisa: Uyatibuta kutsi: "Kutsiwani ngebantfwana?" Embikwekutsi afike eminyakeni lebalekayo, akakoni, lokulandzelako akakatilutfo. Matewu 18:3 - "Ana ningagucuki, nibenjengebantfwana, anisobe nangena embusweni welizulu." Ngako lababantfwana basindzisiwe. Angeke babhapathiswe ngokwemibhalo kuze kube seminyakeni lebalekako, kholwani kuJesu, nigucukele kuye. Ebantfwana kuchaziwe ngabo eBhayibhelini, ngako-ke babhapatisiwe, kodvwa umbhapathiso webantfwana nemaKrestu awuhlangene neBhayibheli. Kufafata emanti lamancane enhloko yemntfwana, loko angeke kumenteakholwe kumbe agucuke-nobe kucwilisa umntfwana emantini-bese umfundzisa kutsi kunini lapho ayobasezingeni lekutsi naye abhapathiswe njengakwemiBhalo ngephasi kwemtsetfo wekutsetselelwa, longaphambani nemfundziso yakaMoya loNgcwele. Akekho uMkrestu lokumele ente loko.

Ana likholwa lelitisolako selicwilisiwe njengakwemiBhalo, tono takhe letindzala setitsetselelwe, kodva etukwaloko akumele ahlale nje, asonge tandla, alindzele kuya ezulwini ngembhedze lonetimbali. Ana "alindzele kuyongena embusweni weliZulu eNkhosini yetfu neMsindzisi Jesu Krestu," kumele acikelele ekuhlaleni emphilweni yebuKrestu. (Fundza 2 Petru 1:5-11). Akesicabange kancane ngemitsetfo lekhona.

BULUNGA ESONTFWENI

Ana ufuna kwemukela kutsetselelwa kwetono, emakholwa latisolako kumele angcwatjwe ethuneni lemanti embhapathisweni webuKrestu, iNkhosi iyabangeta esontfweni Layo (Imisebenti 2:47). Umtsetfo wekutsetselelwa kwetono lesetengcile, nemtsetfo wekuvumisa esontfweni laKrestu ungiwo. Ana umuntfu sabhapatisiwe, sewubhapatiswe emtimbeni esontfweni laKrestu ungiko. Ana umuntfu sabhapatisiwe, sewubhapatiswe emtimbeni munye (1 Korinte 12:13; Efesu 4:4); lonamtimba (Kolose 1:18). Krestu yena kanye loyinhloko, unemtimba munye, libandla linye, kanjalo naseTestamenteni leliSha unike libandla lakhe umtsetfo wokungenisa, wekubutsana, newekuhambisa ngokwemtsetfo. LiVi lakhe liyindlela, akumele sifune kwengeta kulo kumbe sisuse lokutimfundziso taNkhulunkhulu.

Leminye imigomo ngokwemiBhalo lelilibandla ngulena: "Libandla laKrestu" (Roma 16:16, lokuwela ebandleni langaneno); "libandlaNkhulunkhulu" (1 Korinte 1:2); "umtimba waKrestu" (Efesu 4:12; "lisontfo" (Imisebenti 12:1).

Ngilo-ke libandla lapho umuntfu akhuliswa khona ana alalela mitsetfo yeliVangeli; nakuleli libandla; uyotsembeka kudzimate kube ngusekufeni, "uyohlala njalo ekukhuleni."

Mitsetfo lephelele letibonelo emigomeni nasetibusisweni isebulungeni belisontfo nobe imphilo yebuKrestu iseliVini laNkhulunkhulu. "Yonkhe imibhalo igcwaliswe nguNkhulunkhulu, inenzuzo ekufundziseni, ekuboniseni, ekulungiseni, emigomeni lelungile: lengukutsi umuntfu lokuNkhulunkhulu kumele aphelele, apheleliswe emisebentini lemihle. 2 Timotewu 3:16,17. Cf. A.S.V. Margin.

EmaKrestu afundza liBhayibheli ngemkhuleko, ngekuhlakanipha, nangalokuvamile. "Lelilibhuku licuketse ingcondvo yaNkhulunkhulu, kuma kwemuntfu, indlela yensindziso, kulahla kwetoni, nenjabulo kulabakholwako. Timfundziso talo tingcwele, imiyalo yalo iyabopha, imilandvo yalo iliciniso, netincumo talo nguletingagucuki. Lifundze te uhlakaniphe, likholelwe te uphephe, libukeyete njalo te ubengcwele. Linesibane te ubone, linekudla te udle, nekunetseteka te ujabule. Liyibalazwe yebahambi, lilunga lebahambi, icompasi yemshayeli wendiza, sikhali selisotja, imephu yeMkrestu. Lapha-ke iparadesi ibuyisiwe, lizulu lavulwa, emasango esihogo abonakaliswa .... Kutowugcwaliswa tinkhumbulo, kubuse enhlitiyweni, lifundzise tinyawo. Lifundze kancane kancane, ngalokuvamile, nangekukhuleka ... Linikiwe emphilweni yakho. Liyovulwa mhla wemgwebo, liyokhunjulwa njalo."

Umsebenti nelilungelo lelilungu ebandleni ngenhlonipho ekukhulekeni, ekupheni, ekuzuzeni umphefumulo, ekukholweni, ekulungeni, ekwatini, ekutiphatseni, ekwetsembekeni, emiyalweni yeNkhosi, emuseni wekukhotsana, elutsandvweni nasetintfweni letinengi letifute leti, titobasobala eVini laNkhulunkhulu.

Kepha linye ligama langemambala kulabo labahlonipha liVangeli lelicanjiwe eTestamenteni leliSha (ebafundi, banaketfu, bantfu labalunge kakhulu, bantfwana bakaNkhulunkhulu, nalokunye lokungumgomo losho bulingiswa lobehlukahlukene nebuhlobo, kodvwa akusiwo emagama sibili).

Leliligama sibili nguMkrestu - cf. Imisebenti 11:26; 26:28; 1 Petru 4:16.

Ana umuntfu sabhapatizwe kuKrestu, ubanguMkrestu, umKrestu sibili, akukho lokunye, futsi akanawo emandla emiBhalo lengahle igucule bungcwele bakhe egameni lebuKrestu. Ngalamanye emagama, akanawo emandla ekwembatsa bulungu belibandla laKrestu, hhayi lelinye ligama, kepha laKrestu. Kwembatsa emagama asemhlabeni kwaliwe etimfundzisweni teliTestamente leliSha. Cf. 1 Korinte 3:1-4; Roma 8:6-8; Kolose 3:17, 2 Petru 4:16.

Lalela Martin Luther ana atsi: "Endzaweni yekucala, ngikhulekela kutsi niyekele ligama lami, ningatibiti futsi ngaLuther, kepha nitibite ngemaKrestu. Ngubani lona Luther? Imfundziso yami, ayisiye yami! Amange ngibetselelwe esiphambanweni ngibetselelwe nobe ngumunye wenu. Pawula lolungile (1 Korinte 3) amange abengulona lomunye atibite ngaye, hhayi nangaPetru, kepha tibiteni ngaKrestu. Loko kungenteka njani, kuligama lelingakasi lelifana nesikhwama sedoti nemlotsa, lelinikwe bantfwana baKrestu? Kuyekeleni loko bangani labatsandzekako, kubambelela kulawomagama nasebukhulwini bawo, sukani kuwo onkhe, sitibiteni sonkhe ngemaKrestu, lokuyimfundziso lesinikwe yona." The Life of Martin Luther" by M. Michelet, page 262.

SIDLO SENKHOSI

Ngekulandzela ebaprofethi bemasontfo akucala, bebahlangana njalo elangeni lekucala evikini kutewuhlephula sinkhwa. "Kwatsi ngelilanga lekucala evikini, sesibutsene te sihlephule sinkhwa, Pawula washumayela." Imisebenti 20:7.

Bebavamise kuhlangana nini! Njalo elilangeni lekucala. KumaHeberu 10:24,25 sifundza kutsi: "Asigadzaneni te kuvuswe lutsandvo nemisebenti lemihle, singakuyekeli kuhlangana kwetfu njengemkhuba walabanye, kepha masivuselelane, ikakhulu njengaloku nibona lilanga lisondzela."

Kwenta kwelibandla lakudzala kwaguculwa bupostoli, ngalesikhatsi ebantfu basuka etimfundzisweni tebapostoli bangena kutabo.

Kepha indlela yaKrestu iseloku ibophene, futsi uMkrestu wanamuhla, kanjalo nasemandvulo, unesibopho sekugcina lelilanga lekucala evikini, lilanga leNkhosi neNkhosi yakhe esiDlweni seNkhosi.

NgeMgcibelo wekucala waMengameli Garfield anguMongameli waseWashington (D.C.) lilungu leKhabineti wafuna kutsi umhlangano weKhabineti kumele ubitwe nga 10:a.m. ngelilanga lelilandzelako te kubekwe indzaba lehlupha umzabalazo wesive. Garfield wala kutsi kubekhona imbizo lenye. Kepha lelilungu leKhabinethi lawufaka lonamhlangano. Kepha Garfield wala washaya phasi ngendvuku, watsi loko makube ngembili kwalenambizo. Ngalokunjalo lilungu leKhabineti lema esicelweni salo licinisa ekutseni lenandzaba ingaba yingoti lesemcoka lokungukutsi Garfield sewephula lubito. Kepha Garfield wala waphetsa. Lilungu leKhabineti lagcina selimcondze ngco lambuta latsi: 'Ngifuna kwati kutsi ngubani lona lonesivumelwane naye lesibalulekile lesi lesingeke sephulwa. Garfield waphendvula watsi: "Ngitawukhuluma ngiphume obala njengobe nawe wenta. SIvumelwane ngasenta neNkhosi yami kutsi ngiyohlangana Nayo endlini yayo nasetafuleni Layo kusasa nga 10:30, futsi nakanjani ngiyoba lapho." Waba lapho vele. Umzabalazo wendlula. Sive sasindza. Wabe atsembakele ngasemtsetfweni. (1 Korinte 11:23-30)" C.J. Sharp.

Kuya esidlweni seNkhosi akumele kube yintfo nje, nobe injwayelo nje, akumele kube yintfo lenekungabateka. Kubasikhatsi sekubutsana ngokukaNkhulunkhulu ngesibusiso semhlengi wetfu, sikhatsi sekutfotjiswa nekufuna kutihlola, nesikhatsi salabadzabukile sibonakaliswe esihlalweni sebuKhosi semusa, nasekuvusweni kwemoya lovutsa etinhlitiyweni tetfu, nasekuvuselelweni kwematsemba etfu kuKrestu, livi lelisha ekukholweni, nekubuka emuva eKalvary, nekubuka impilo yetfu, nekubayiNkhosi, nekubuka embili eludvumeni lakhe lelitako futsi. Ngiyo-ke intfo leyenta kubutsana kweSidlo seNkhosi ngelilanga leNkhosi!

UMCHELE WEMPHILO

"Tsembeka kuze kubesekufeni, ngiyokunika umchele wekuphila." Sambulo 2:10.

Ngake ngafundza satiso lesabe sibhalwe kulesinye sitolo lesabe sinemlayeto lotsi: "Emva kweminyaka lengemashumi lamane emphumelelo, Ngiyokhetsa kuyekela." Yemo, kunjalo! umuntfu angaphumula ana angusomabhizinisi, kepha ana unguMkrestu, kumuntfu alwe kulwa lokuhle uma asaphila te kumiswe buKhosi bakhe. Ngalokunjalo, likhona nelikhona lemgwanco, sathane uyasihlebela etindlebeni tetfu, "asilahle". Labanye batsembekile kuze kulimale imizwa, labanye batsembekile ana basenendlela yabo, labanye batsembekile baze balahleke bangasacondzi lutfo."

Labanye batsembeke kuze kube sekugcineni, nobe ngekulunga; labanye batsembeka kuze kutsi kwetsembeka kwabo kubeke bucotfo nesibindzi, labanye baze babanje "kukhohliswa yingcebo" nobe "kunaka lwasemhlabeni," labanye baze bahlekwe futsi bahlushwe. Kepha uMbhalo utsi: "Tsembekani kuze kube sekufeni."

"Ana ngalelinye lilanga lemgwebo labo labayokuma esandleni sekunene selijaji lelikhulu bayokwehlukana emacembu lamanengi, kuyoba nalabo labakuncobile kukholwa, tiphingi, labacala emanga njll, kuyobakhona licembu lebahlubuki!"

"Akekho losatsi asabeke sandla sakhe ekhubeni, abuke emuva, lofanele umbuso waNkhulunkhulu." Luke 9:62 "... lokhutsatelako kuze kube-ngusekupheleni, loyo uyosindziswa." Matewu 10:22. Angeke siphumelele etintfweni temhlaba, kodvwa kumele setsembeke; ekwenteni kwetfu, kwetsembeka kunemphumelelo." Kumele sibenemoya lofana nalona waGeorge III ana atsi: "Nginganikela ngemchele wami, ngiphumule emandleni, ngiyosishiya sigodlo sami, ngihlale ekhodishini; ngibeke yami ebhulokini, ngilahlekelwe yimphilo yami, Kepha angeke ngisiphule sifungo sami." UMkrestu kumele ahlale njalo elicinisweni yize loko kubita imphilo yakhe. "Washo njalo naPolycarp ngalesikhatsi aletfwe embikwelijaji ngalesikhatsi atjelwa kwekutsi akalahle Krestu, ngesibindzi watsi: Iminyaka lengamashumi lasishiyagalombili nalesitfupha bengisebentela Yena, amange sake angente lutfo, pho ngingamlahla njani Krestu, wangisindzisa mine? Amange agwetjwe emalangabini, ngentfokoto wamdvumisa Krestu, iNkhosi yakhe." Anikamelani netono nilwa kuze kube ngusengatini" - Heberu 12:4. Maye! Maye ngalawomaKrestu layekelako!!!

Labo labatsembekile kuKrestu Jesu bayotfola umchele wemphilo, nemphilo lengunaphakade naJesu, luvuko, kudvunyiswa, nemtimba longafi, nekungena kulelolive lapho, "Nkhulunkhulu ... atesule tinyembeti tonkhe emehlweni abo, kufa angeke kusabakhona, nekudzabuka, nekukhala, nebuhlungu angeke kusabakhona ..." Sambulo 21:3,4. Cf. Johane 14:1-3; Filipu 3:20-21; 1 Thesalonika 4:13-18; 1 Korinte 15:50-58.

SIMEMO

"UMoya nemlobokati batsi: Wota! Nalotako atsi: Wota! Nalomile akete, lotsandzako akatsatse emanti ekuphila ngesihle." Sambulo 22:17.

Yebo sihlobo sami, simemo seliVangeli sibhekiswe kuwe. Jesu ume emnyango wenhlitiyo yakho uyanconcotsa, kepha sivimbo singekhatsi. Ingabe uyamvulela na?